#جنين18
بقلمي: جنان 📝
وجرت الايام و سامي النوم غالبو و بفكر كيف يعيش من غير جنين و بقي سهران بتين يصبح يوم الخميس
وكم من شدة في اليل ضاقت،،،
و جاء الصبح في أبهى انفراجة،،،
فكيف ينام في الاسحار عبد
له في النفس عند الله حاجه
صبح الخميس وكل زول مشي لي حالو و جري اليوم سرييييع كان حاسي دل اخر يوم ( بقي يغلبني التعليق العبره بقت تخنقني لي ديما اي حب صادق نظيف بلقي الف عقبه اااااه ياقلبي انا زاتي من غير سامي بدردق ليكم هنا دا) رجعت جنين من المدرسة و ما نامت قعدت تقرا لحدي زمن سامي يتصل علي والحمد لله اليله في قعده في النادي السوداني و عمو احمد طالع من بعد المغرب و خالتو سوسن حتمشي لي خالده بس جنين ماحتمشي و جنه قاعده معها
بهناك سامي جاء و بتييين الزمن يمشي عشان يتصل علي جنووو ( ندخل في راس سامي نشوف بيقول في شنو)
اشتقت ليك ياروحي يارب ما يحرمني منك و لا يفرقني عندك
انت اصلك فيني باقي
مهما طال زمن اشتياقي
واصلي راجع لي عيونك مايصير الحي يلاقي
بقيت من غيرك وسط الضباب
حتي اليالي بقت تألم رسمت في عيوني العذاب
مامصير الحي يلاقي مهما طال زمن الغياب
رغم البعاد و الاميال و رغم البينا من امال
راجي الدنيا تبسم لي واكتب فيك كلام ما اتقال
لا سمعوهو قبالك لا تتردد صدى الموال
ازرع بيهو صحاري الريد من دون مويه ولا تربال
( يالله دا كلو جواك يا سامي الله يجمعكم في خير)
و طال التفكير لحدي الساعه 8 جات و اتصل علي جنين
بهناك جنين قاعده حارسه التلفون و قعت جنه في التلفزون عملت لي فشار عشان تتلهي عنها لحدي مل تخلص كلام
رن التلفون رررررن رررررن 📞
الوووو
سامي: ياروحي مشتاقين
جنين: هلا حبيبي كتييير والله
سامي: منو قلتي ما اكون طرشت
جنين: قلت روحي قلت دنيتي قلت راحتي قلت انا
سامي: جد مامصدق يارب ما يطلع حلم حبيتي انتي عامله شنو اخبارك طمنيني عليك
جنين: انا كويسه بس فقداك
سامي: ما اكتر مني لو ما الملامه انا كنت جنيت يا جنين الحياة من غيرك عدم لا لون لا طعم لا ريحه ولا اي شي انا زي الميت من دونك قبل ما كان في حياة تذكر دخلتي في حياتي غيرتي اي شي بقيت زول تاني ما ضحكت ولا فرحت من يوم امي اتوفت بس انتي بقيتي اي شي امي وابوي واخوي وصحبي و حبيبتي و ما شايفك غير ام اولادي ربنا يحقق لي
جنين: ساكته
سامي: قوالي امييين يا بت
جنين :هههه امييييييييين يارب
سامي: ايوا كدا انتي قلبك نظيف ادعي ربنا يجمعنا واقسم بالله حموت لو ما بقيتي لي
جنين: انا وعدتك لي غيرك حرام انا
سامي: وانا مره غيرك حرام علي
جنين: نحنا كدا متفقين مافي زول بقدر يفرقنا بس عايزه اتكلم معاك واعفي لي علي الحقول لان جارح و حار و صعب وانا قاعد اسبوع بفكر حقول كيف ليك اعفي لي ياروحي
سامي: حبيبتي انا عافي ليك من غير ما اعرف و انتي تقوالي اي شي بس قوالي خوفتني في شنو
جنين: سامي انت عارف بابا رفض لي
سامي: غير انك صغير و الدراسه ما عارف لكن قلبي بقول غير كدا
جنين: اسمعني كويس وافهمني با عقلك و الكلام دا بيبني وبينك طوب الارض ما يعرف
سامي: عمري كلام بيني وبينك ما طلع مننا اطمني
جنين: دا ما اي كلام يا سامي فاهمني
سامي: جنين ادخلي في الموضوع لو شايفه انا ما الراجل البسكت ما تقوالي افضل
جنين: اااسفه بس طيب بابا مشكلتو انك ما دارس و ما عندك شهاده و دا في المستقبل حيقيف عقبه لي حجات كتير شغل ماده و انت فاهم
سامي: كنت حاسي ان دا السبب بس قلت اصبر
جنين: انا اسفه لكن لازم انت تعرف عشان نعرف حنعمل شنو
سامي: انت فكرتي في الانا هسي فكرت في عشان كدا جيتي قلت لي الكلام دا
جنين: انت فهمتني
سامي: انتي انا اذا ما فهمتك اكون بليييد و ما بستاهلك
جنين: والحل
سامي: داير منك حاجه وحده حتقدري علي
جنين: تم قبل اعرف
سامي: بتنتظريني
جنين: لحدي ما اموت
سامي: وعد
جنين: علي رقبتي
سامي: ما حنقطع منك و ما حجي لي ابوك تاني
جنين: وانا لو جاني ولد الملك ما حاوفق بي
سامي: بحبك و بموت فيك و اي شي عشانك حعملو
جنين: وانا غيرك في قلبي مافي
سامي: حتدخلي الجامعه وحتلاقي ناس
جنين: ما تكمل كلام ابالنسبه لي ما عندو معنا انا ما عرفت غيرك و ما عايزه اعرف غيرك
سامي: لحدي ما تخلصي امتحانات ونتيجتك تطلع حجي ابارك ليك بس اوعدني انك تزكري
جنين: انا متقوي بيك و نجاحي هو نجاحك
سامي: ربنا ما يحرمني منك
جنين: ولا منك
سامي: خلي بالك من روحي الفيك
جنين: في عيوني من جوه وانت خلي بالك من انا الجواك
سامي: بحبك بحبك بحبك
جنين: بموت فيك
سامي: بينا وعد في امان الله
😢😢😢
شقيان مهلوس بالزواج
مستني بس بت الحلال
راسي انصلع ظهري انحني
واصبحت زي قلم الدلال
واتكرفس الوش وانكمش
وقع السنوان و قوامي مال
كل السبب عدم القرش سجم الجنا الما عندو مال
الناس ظراف حلوين لطاف
وانا شيته بس انا حالي حال
اناس مشت خمت قروش للغربه كم شده رحال
وانا قادي جيب والحال صعيب
والبهجه للمفلس محال
كل السبب عدم القرش سجم الجنا الما عندو مال
انا اصلي ما سجم الرماد
وانا اصلي شوم ما عرفت فال
و اتعزز البنوت علي،، اتقندفن فعلا فعال
البايره ديك ما بترضي بي،،، شبه القرد عملت غزل
والشينه نافخه جضومه لي،،، عملت كمان ملكه جمال
اطلب بنيت العم تقول عم يكبسك شوف ليك خال
اطلب بنيت الخال تقول خلخل ضروسك سوس عضال
واطلب بنيت الجار تقول جر يا كلب سعران و ضال
كل السبب عدم القرش سجم الجنا الما عندو مال
كل ما اقول اطلب لي بت،،، الناس تفك فوقي الجهال
هاك يا لعب هاك يا خبط ناس بالعصا وناس بالنبال
وتقوم علي ام العروس تلبعني با فردة نعال
وتقول لي روح يا عوره غور،،، اختنا يا خيبه الرجال
وين ما امش زين انهرش،،،، غط للعرس مافيش مجال كل السبب عدم القرش سجم الجنا الما عندو مال
