#جنين27
بقلمي: جنان 📝
محتار كيف أصبّح عليك، أقول يا ورد صباح النّور، أو يا نور صباح الورد.
حبيبي مشتاقين لي شوفتك حاسس مغيب منك سنين
الله يادوب ما كملت اسبوع من مشيت بطل دلع
الاسبوع مره علي با سنة كيف اصبر بعد ما تعوت علي شوفتك
خلاص حتشوفني كل ما تشتاق لي اصبر انا جياك
جايه وين الوووو جنو حبيبي وين انتي بسم الله ما شاء الله حتي و انت قايم من النوم قمر فدييييتو كل يوم صبحي علي كدا ياخ
هههه مش قلت ليك حتشوفني في اي وقت تشتاق لي الا بعدك مابقدر علي ولا ازعل لايق عليك بحبك
بعشق امك يامجنونه عارفه لو جاء اليوم و صحيت الصباح لقيتك جنبي اكيد حتوفي من الفرح
اممممم من بليل بخلعك عشان تكون عامل حسابك هههه روحي انا حقوم اجهز عشان حمشي بعدين في البريك بحكي معاك
اوكي حبيبي خلي بالك من روحي الفيك اوع زول يشاغلك بجي بقتلو
لمن اكون شايفه زول غيرك قول كدا انا مافي راجل ملا عيني غيرك
ووووووووووو ازغرد انا بحبك بحبك بحبك بحبك بحبك بعشق امك
ههههع يالله سلام
في امان الله ياروحي
( سؤال منطقي انتو مقهيييين في شنو ناس بتصبح علي بعض في الشتاء دا في الواتس اب عادي جدا اما انا بشرب لي في شاي با عيشه نااااشفه من الزعل 😂)
قمت اتنفضت و لبست سرعه لان الزمن فات و طلعت لقيت خالي مشي اظن قايلني ما ماشه لمن ما طلعت من غرفتي و انا متاخره شديد اتصلت على حسام ( اي حاجه با اتجاه هو دا خالي) الووو سحس صباحك لو ما طلعت لسه اغشاني لان اتاخرت و خالو لقيتو طلع،،، حااااضر اجهزي،،، الحمدلله ان لقيتو مامشه،،، جاني و طلعت مع و هو سااااكت كلام رسمي شديد كيف الشغل لقيتي و فضل ليك كم و تخلصي و انتهي علي كدا و انا ما ركزت مع قلت ما ادي الموضوع حجم عشان ما يطرشق،،، لكن طبعا بشيل هم كل ما امشي ( كااابو) التشغيله الا الله خلقه والحمدلله،، نزلت منو وقال لي بجي ارجعك،،، قلت لي لا خالو بجيني بتصل علي،، قال لي لا مافي داعي انا شغال قريب من هنا في موقع بجيك،، قلت لي تمام 👌 و مشيييت جواي في حاجه غريبه حاسه نفسي كسرتو لان اتغير شديد ما داك حسام بتاع الضحك و الهمجيه بقي زول تاني،،، ما عندي شي اقدمو لي لان انا جد قلبي ما في يدي ياريت اقدر اساعدو الله يسهل بس ما ديرا اخسرو كا اخ لي،،
في الفتره الفاتت دي في ناس نسيييناهم لا والله ما نسيناهم بس جنين اكلت عقلنا بت الذين
( جاسر اتخرج ليهو سنتين و نزل ترنك في شركه اتصالات في السعوديه و الحمدلله اتوفق واشتغل معاهم لان مهندس شبكات،،،، و رهام اخت رنا اتخرجت نفس الشي لان في العمر قدر جاسر و مواصلة مع خالو حمزه في الحب واتفقو علي الزواج بعد تخريج رنا لان اتقدم ليها لمن اهلا جو تخريجها والناس وافقت لان جنين واهلها ما محتاجين زول يسئل منهم،،، اما رنا ساااايطه الدنيا و قاعده الحب دا ما عندها نهائي لعب ساي و عينا علي حسام و هو ما شغال بيها،،،، و جنه المفعوصه بقت قمر 🌚 14 دخلت اول ثانوي،،،، عبودي حبيب قلبي في 2 ابتدائي ولسه عبودي متعلق با سامي هو السجلو في المدرسه و هو البذاكر لي و لمن يعرس و يرحل قال راحل مع هههههه الزول دا واضح في خياراتو)
نرجع لي جنين قطعنا كلما ( اتكلمي حبيبتي ما تخجلي)،،،
حسام جاء يرجعني نهايه اليوم وانا قلبي مقبوض و رنا عمها جاء سقها يعني انا وهو برااااانا،،، قال لي نمشي نتغدا برا انا جعاااان،،، قبل ارد قلت ما تلخبطي الامور هو ود خالك و اخوك قولي بسم الله قلت لي اوكي انا زاتي جعانه ( رغم ان كابو في بحري و بيت ناس حبوبه زاتو في بحري لكن شكلو قصه و نهايه لسه) و مشينا اتغدينا با عفوتي و كلامي المهترش دا. قلت لي شنو يا سحس العقل دا كلو ما عهدناك كدا و ضحكت،، قالي انتي السبب بشكرك علي انك خليتني اعاين للدنيا جدا،،،، صبت فيني المره وقلت ارتني كان بلعت لساني،،، و بقي بتكلم انا عمري ما حبيت بالجد غير شفت الحب فيك ما خليت بت و لعبت بالدنيا دي كلها لكن شكلو ربنا جازاني علي لعبي دا اعفي لي،،،، وانا ختيت جزمه في خشمي و قرصه روحي وقلت يابت ياجنو يا حيوانه براك بتجي الكلام الانتهي بتين تمسكي خشمك دا،،، قلت لي اعفي ليك علي شنو انا ما شفت منك الا الخير و بجد في فترتي الهنا دي انت ما قصرت معاي وانا مديونه ليك،،، قال لي عمري كلو فداك،،،،، سجمي سجمي كل ما اجي اصلح اطبزه،،،، احم احم قلت لي انت ما حتاكلنا ولا شنو،،، وطلبنا الاكل واكلنا و خلقت لي جو من هظار و ضحك و رجعنا البيت و قلبي ووووجعني ووووقسم بالله كسرت القلب ما بحبها نهائي و قلبي بتقطع من جوووه لمن احس في زول زعلان مني،،،
( اريتني اتقطع 100 حته ولي كل زول عايز حته اديهو زياده)
اتصلت على سوسو حبيتي اتونست معها و قالت لي ناس خالده جاين يتغدو معنا يوم الجمعه و اهل رنا برضو حنقدكم انتي ورنا في المه دي،،،، انا قلبي قااال ششششششح وووووح،،، و ماعرفت تاني قلت لي امي شنو وادتني جنه شغلت لي شوي و قفلت وانا بفكر في البحصل شنو لمن نمت،،،،
صحيت علي صوت التلفون ( جنبلق جنبلق اي رساله بتصحيني عادي نومي خفيف) فتحت لقيت من سمسمي روحي كيف امسيتي مشتاق لك عايز اسمع صوتك فاضيه اتصل عليك ( يا ناس الله يالله هووووي شفت الزوق دا كيف الود دا ما سوداني وربي ماعلينا)
رديت على يا قلبي فااااضيه ولو ما فاضيه انا فاضيه ليك،،، اتصل علي و قال لي ان بعد بكره الجمعه حيمشي لي ابوي و يكلمو و اتكلمنا كتييييير و دعينا ربنا يسهل لينا علي نيتنا و قلبنا الابيض و حبنا الطاهر ( ههههه يشهد الله طاهر صدقوني 🙈🙈)
يوم الجمعه دا ماشي زي المسافر برسودان با حمار و الصبر عندي كمل و غلبني اي شي اخش المطبخ اسوط اعمل اي شي واطلع تاني و تاني ارجع و متوتره شديد
وسامي زايدني توتر لمن بقي بتمتم بالكلام و فجاء يقطع و اول مره ينوم و هو بتكلم معاي غايتو ابوي الله يهدي عمل لي سامي رعب،،،،
جات الجمعه و سامي الجلابيه الماخمج و حلاتي يا ناس و وزر العريس عبودي قشر مع،،، ورسل لي صورم انا قمت وقعت 7 مرات وبلعت ريقي خمسطاشر مره و شرقت و شهقت ياحافظ ياحفيظ و قلبي بقي يدق سرييييع ما مطمنه لي ابوي نهااااااااائي،، اتصل علي و قال لي نحنا طالعين ادعي لي و اعفي لي لو مته قبل اصلك 🙄🙄🙄🙄 قعت ابكي ما خليت شي واتجرست شديد و زعلت منو عشان الجمله دي و قلبي اتقبض شديد و ذاك التوتر فيني و خلاص بقيت ما قادره استحمل،، اتصلت علي امي اطمن انهم وصلو تمام لان زعلت من سامي،،، الحمدلله طمنيني ان الناس كلها معاهم و طبعا اختصرتني ما فاضيه كملت لي الشمار جنه و صفت لي كمان ( البت دي عسل لكن سواااطه بتمشي تحكي لي امي) وبقيت قاعده منتظره،،،
في صالون عمو احمد كان في ابراهيم و عمو عبد المنعم و سامي و جاسر و جهاد و عبودي 😂 اناس اتغدت مبسوووطه و ونسه و ضحك و جاء المغرب صلو و عمو عبد المنعم قال خلاص ماشي ساق اولادو و مشي بقو قاعدين الجماعه و سامي متوتر و ابراهيم يعاين لي قال احسن افتح الموضوع وان شاء الله يحصل خير،،
يا احمد نحنا جيناك قبل كدا قبل 4 سنة طلبنا يدك جنين وانت رديتنا و قلت البت لسه صغيره و هسي جنين كبرت و فضل لي سنه و تتخرج جينا تاني نعيد طلبنا لان مشرين البت وانت عارف كدا ( سامي ساكت ساي و مدنقر ياكل في نفسو من الخوف من رد عمو احمد) اها انا جاي اطلب يد جنين لي سامي ولدي و اخوي قدام اخوانها قلت شنو،،، والله يا ابراهيم ما عارف اقواليك شنو لكن انا شايف ان في عدم توافق بينم،،، وضح لي كيف عدم توافق،،، يعني جنين بعد،،، دقيقه يا احمد ما تكمل كلامك انا ديرا اقواليك شي ولا اخلي سامي يقول ليك،، اتكلم ياولد سامي عايز تقول شنو،،، والله ياعم احمد داير افرحك الحمدالله قبل 4 سنة جاتني فرصه اني ادرس عن بعد اداره اعمال والحمد لله اتوفقت فيها كنت بمشي امتحن بس يعني الظروف الكانت منعتني من الدراسه ان ما كان في زول بقدر يدخلني الجامعه والحمد لله بقيت راجل اشتغلت و مسكت نفسي و قلت احسن ارجع اكمل الانا بديتو و هسي جيت لي اسبوع خلصت السنه الاخير و امتحنت وانتظرت النتيجه و نجحت باقي اجارات استخراج الشهاده عشان اجي اقدم بي في نفس محل شغلي عشان تتغير و ظيفتي و لقيت مساعده من ناس الشركه و الحمدلله ربنا سهل الامور،،،
في دا كلووووو سامي بتكلم و عمو احمد ساااكت بعاين لي و جووووه احساس كتيييييره ما قادره يطلع و ما قادر يتكلم و راسو فار و حسه بالندم لمن عيونو حمرو،،، ولسه سامي بتكلم و داير يبكي عديل و هو من كلامو عليك الله ما ترفض انا عملت اي شي،،، لكن عمو احمد ساكت بلا رد،،، بعد سامي خلص كلامو ابراهيم قالي اها قلت شنو يا احمد يا اخوي،،،
والله يا ابراهيم ما اعرف اقواليك شنو يعني الدراسه والحجات دي ما سبب رفض بس انا شايف!!!!! 🙄🙄
اشايفه انك استعجلت و اتسرعت واتهورت
يا ابوي ما تقتل قلبي ما تكسر نفسي
ما تحرمني الفرحه ما تدفني حيه انا سامي حياتي
