#جنين16
بقلمي: جنان 📝
عمو احمد: ابراهيم ما عارف اقول ليك شنو بس والله ما توقعت نهائي جنين لسه صغيره و ما بنفكر في موضوع زواج هسي الله يسهل لمن تتخرج من الجامعه ما عايزين ندخل لي موضوع في راس زي دا
ابراهيم: احمد نحنا ما قلنا عرس ولا خطوبه قلنا الناس تاخد القبول بس
عمو احمد: انا ما موافق والبت هسي صغير علي تاخد قرار زي دا خلينا اهل احسن
ابراهيم: بعد كدا مافي كلام سكت ساي تم الشاي و غير الموضوع
بهناك خالده كلمت خالتو سوسن فرحت شديد قالت لي ربنا يقدم الي فيهو الخير و نشوف رئي احمد شنو لكن ما عندنا حاجه اسي البت لسه صغيره
انا قالت خير و ابراهيم قال نمشي بعد كدا ( اخخخ ما عارفه الصدمه المنتظرها) طلعو في العربيه سئلت ابراهيم اها الحاصل شنو ما قلت لي
ابراهيم: خالده احمد رفض ولو سمحتي ما تكلمي سامي الولد حيموت لو عرف
خالده: سجمي كررررعليك يا اخوي رفض لي عيبو شنو اخوي
ابراهيم: قال البت صغيره لسه و ما بتقدر تتخز قرار و ما ديرين يدخلو لي موضوع زي دا هسي عليك الله حالي نلقي لينا رد نقول لي سامي انا حاسي بي بحب البت دي
خالده: انا زاتي حاسه لكن ما كنت متخيله ردت فعل احمد دي احي يا اخوي اقول شنو اعمل شنو
جنين بهناك عرفت كلام ابوها و خلاص ماتت من البكي تعمل شنو ما معروف تبكي قفلت الغرفه عليها و طلعت جنه امها جات يابت افتحي الباب مالك مافي شي يا امي بلبس
خالتو سوسن: بتلبسي في شنو كنتي عريانه انتي افتحي بطلي استهبال
جنين: طيب قشت دموع بس الوش ظاهر باكي
خالتو سوسن: مالك في شنو اقفلي الباب دا وتعالي لي هنا
جنين: نعم يا امي
خالتو سوسن: بتبكي لي
جنين: ما كنت ببكي بس دخلت لي
خالتو سوسن: قطعت كلامه ما تكذبي بتكبي عشان ابوك رفض سامي
جنين: سكتت
خالتو سوسن: انا امك ما عدوتك احكي لي انتي عايزه
جنين: يا امي انا قصدي
خالتو سوسن: ولا قصدي ولا قصدك نتكلم زي الصحبات احسن صرحيني انا حسيت الولد عايزك من حجات كتير مرقبها
جنين: يا امي هو كويس و يتيم و مسكين وطيب ومحتاج حد يقيف مع وانا يعني
خالتو سوسن: وانتي ديرا تبقي امو مثلا
جنين: انا ما قصدي بس السبب شنو
خالتو سوسن: ابوك قال لسه صغيره و انتي هسي ممتحنه خالي الكلام دا لي بعد الامتحنات ان شاء الله خير لازم تنجحي عشان تثبتي لي ابوك العكس فاهمه ما تفكري في اي شي هسي
جنين: لكن يا امي انا
خالتو سوسن: انا ام ما غنمايه فاهمه اي شي و حساسي في محلو ما حاحاسبك واقسي عليك لان انا مريت با مرحلتك دي و اي شي عارفه عايزك ما دسي مني شي و انا بقيف معاك واهم شي قرايتك
جنين: الله يخليك لي يا امي عليك الله اقنعي بابا
خالتو سوسن: هسي ابوك غير قابل للنقاش خلي بعد تمتحني نتفاهم مع
جنين: طيب
خالتو سوسن: جيبي بوسه لي سوسو ولا مافي لي خلاص
جنين: هههه انتي الخير والبركه وادي بوسه 😘😘😘
نمشي نشوف خالده حتعمل شنو هي وابراهيم
وصلو البيت لقو سامي قاعد بره في الشارع منتظرم علي جمر اول ما شافم شال عبودي لقي نايم مشي يرقدو
خالده دخلت غرفته طوالي ما وقفت لي نهائي ختت ابراهيم في وش المدفع
سامي: ان شاء الله خير يا ابراهيم
ابراهيم: تعال نقعد نتكلم
سامي: ( حسي الوضع ما مطمن و اتوترت) اها الحصل شنو
ابراهيم: عايزه اقواليك اول شي قسمتك لو بعد 100 سنة ما بتفوتك افهم الحته دي اول شي
سامي: ابراهيم قصدك شنو فهمني
ابراهيم: ان شاء الله خير بس انت اصبر
سامي: دموع رغرغت و طلع الشارع ابراهيم وارهو
سامي اقيف اتفاهم معاي
سامي: انت عايز تقول لي ان رفض
ابراهيم: لا ما قصدي بس قال لحدي البت تكبر شوي و ممتحنه انا من الاول قلت التوقيت غلط و ستعجلنا
سامي: لا لا لا لا ياخ حرام عليكم لي يعمل في كدا ياخ انا ماقلت حعرس هسي
ابراهيم: سامي اهداء شوي نتفاهم مافي شي بيجي كدا
سامي: اتفاهم في شنو رفض يعني ما عايزني لي بتو بالبارد كدا
ابراهيم: بتحلل من راسك انت انتظر البت تمتحن و تنجح انا تاني بمشي اكلمو
سامي: ابراهيم خليني براي خلاث
ساق عربتو وبقي الافي في الشوارع 🚗🚗🚗
و خالده تتصل مابيرد في النهاية قفل تلفون و لحدي الصباح ما ظهر يومين ما ظهر سئلو منو اي زول بعرفو قال ما شافو
ياربي مشي وين ( انا قلبي اتقطع علي احييييييييي يا سامي ياربي ما تشوف شر)
