#جنين21
و دخلت غرفته و كلها تفكر حتعمل شنو قرارها دا سليم ولا اتسرعت و حجات كتيييييييره لمن غلبا النوم و نامت
بهناك سامي حدد موقف و منتظر الخميس عشان يحكي مع جنون حبيتو ( ياربي لا تفرقم عن بعض بتوفي انا 😢)
صبح الصباح و جنين بتعمل با صمت و صمتها دا كاسر ابوها من جوه بس ( الراجل السوداني العنيد ما بيتنازل عن قراراتو) التقديم للجامعه بقي لي شهر فا قرر عمو احمد ان هو حيمشي يقدم ليها او يقدم ليها جاسر
جنين: بابا انا عايز امشي اقدم و اقعد مع ناس حبوبه شوي اغير جو
عمو احمد: مافي داعي انتي حتمشي للجامعه اصلا وبين التقدم و تنزلي الجامعه زمن كتير خليك
جنين: حاضر بابا عايزه امشي لي رنا ممكن
عمو احمد: اوكي جاسر يوديك بعدين
جنين مشت تجهز عشان تمشي لي رنا خالتو سوسن ما عاجبها حاله جنين نهائي كل الحياة و الضحك والحركات بتاعت دي انتهت مافي جنين في وحده تانيه بااائسه و باهته
خالتو سوسن: اعمل شنو ياربي الله يهديك يا احمد بس داير تضيع مني البت جنووون تعالي
جنين: نعم جيت،،، خالتو سوسن،، شنو يعني ما فرحانين و عايزن نعمل برنامج انتي رئيك شنو انا قلت حعمل عشاء و حنعزم اصبحنا واهلنا و قعده ظريفه كدا
جنين: والله يا امي مافي داعي لي دا كلو خلاص كفايه انتو فرحانين
خالتو سوسن: انا ما بستشيرك انتي بتي زي ما فرحت با جاسر وعملت لي كدا حعمل ليك افردي وشك دا شوي الدنيا ما طارت ولا دي نهايتا و اسمعيني كويس ( بعد تدخلي الجامعه تفكيرك دا كلو حيتغير وانا متاكده من كدا عشان كدا ما مستعجله لي شي)
جنين: ولا انا يا امي ما مستعجله لي شي انا حمشي لي رنا كلمت بابا
خالتو سوسن: تمام امشي
مشت جنين عشان تهرب من التفكير مشت للانسانه الوحيده الفهماها لكن للاسف مافي يدها شي غير تسمع و تقيف معها و دا الكان مصبر جنين
(لاحظو معاي بدوق الباب كيف) الجرس رررررررن رررررن رررررررررن الباب كوك كووو كووو فتح الباب عمو عبد المنعم ابو رنا
جنين: عمووو سلامات ازيك مشتاقين اخبارك
عمو عبد المنعم: هههه اهلين بالمجنونه مستعجله مالك ادخلي
جنين: وين رنا
عمو عبد المنعم: الخمله دي نايمه امشي صحيها
جنين: ههههه بتك دي ما ناااافعه يا عمو عرس لي جاسر بس عشان ما تتفضح
عمو عبد المنعم: و اتفضح مع ابوك خلي لي تقعد كدا افضل
خلاص انا داخله ليها (لا حظو الصحيان كيف نحنا البنات ظريفات خلاث هههههه عندنا طرق حديثه)
خالتو ازيك ديرا لي جك مويه امشي اصحي الخمله دي هههه،،،، امشي شيلي جركانه عدييييل
شوووووو قومي يا خمله الساعه كم هسي ياخ
رنا: جنين يازفت ياخ ماممكن تجي من بيتكم عشان تقلقي نومي كريهه دي ان شاء الله بعد دا جبتي لي معاك كيكه
جنين: بس همك بطنك الحماره دي انا في مصيبتي وانتي في كرشك اسكتي سامي امس جاء يبارك لي
رنا: شنو شنوووو اقيفي امشي اكب فيني مويه استوعب قلتي لي سااامي لا لا لا ابوووو الحب زاتو
جنين: غايتو انتي متخلفه خلاص خليني ارقد في سريرك دا شوي لمن تطلعي من الحمام بعد سنة
رنا: سمعااااك طلعت طلعت خلاص الخبر ما بستحمل نوم في الحمام اها اها احكي لي من الاول الحصل شنو جاكم عديل
جنين: اي جاء عشان يبارك لي وجاب لي هديه
رنا: هدييييه اااااشي شغل نضيف القاء كان كيف الهديه شنو
و جنين بقت تحكي ليها و هي فرح شديد
رنا: و العمل شنو مع احمد ابوك دا قلبي ابوااااهو ابوك دا
جنين: عليك الله يا رنا انا براي زهجانه ما ديرا افكر جيت عشان ما افكر خلاص حنفجر
رنا: والله انا منعم يعمل معاي كدا ( دا ابوها عبد المنعم 😂😂) ما حركز مع اول شي بعدين انا زاتي ما ححب عشان اوجع قلبي شفت فيك عرس طواااالي بلا ورم معاك
جنين: اسكتي انتي اصلا ما عندك قلب و حماره و طيره و غلطانه انا لكن ما عندي زول غيرك نفسي ابدلك با بشكير (هههههههههه ونستم حلوه خلاص)
رنا: هي انتي خلاص حب سامي لحس عقلك يا ختي المهم اتفقتو علي شنو يا جنو شايله همك
جنين: خليني بعد اتكلم مع بكره افهم الحاصل منو كلو و ان شاء الله خير
رنا: ان شاء الله ربنا يسهل اها ماقلتي لي حتقدمي شنو انا قررت صيدليه
جنين: انا قررت قرار تحدي بس كيمياء
رنا: سجمك تحدي قدر دا طنشي اي شي دا مستقبلك اختاري الانتي حابه مش البتكرهي دايرا تثبتي شنو انك شاطره كلنا عارفين كدا اثبتي نفسك في حاجه انتي بتحبها فهمتي ختي عقلك في راسك
جنين: كدي بكره اتكلم مع سامي و نتشاور انا وهو ما بعمل شي من غير رئيو
رنا: الله لي انا اشاور منعم بس ( يشلني البحر انا اشور منو انا)
و استمرت الونسه بينم كدا لمن جنين رجعت بيتم و مافي راسه غير موضوعها مع سامي لا جامعه لا قرايه اصبحت بالنسبه لي هم قدر سامي
بهناك سامي اتصل علي سامر و حكي لي الحصل كلو وهو ناوي علي شنو و ربنا يسهل
( طبعن كلكم حارقكم الشمار تعرفو الناس ديل اتفقو علي شنو انا زاتي حارقني 😄😄)
خالتو سوسن و عمو احمد اتفقو يعملو عزومه عشاء ظريفه كدا احتفال 🎉 با نجاح جنين و يعزمو الاهل و الاصحاب رتبو كل شي و العزومه يوم الجمعه خالتو سوسن: احمد بكره من الصباح حتصل علي خالده اكلما ياهو هم اهلنا الهنا
عمو احمد: انا زاتي اكيد حتصل علي ابراهيم
خالتو سوسن: و حتقول لي كلم سامي الاصول ما عندها علاقه با اي شي
عمو احمد: اكيد يا سوسن
