#جنين29
الجزء الثاني من الحلقه الاخيره
بقلمي: جنان 📝
الحب : تجربة وجودية عميقة تنتزع الإنسان من وحدته القاسية الباردة لكي تقدم له حرارة الحياة المشتركة الدافئة
و الناس بدت التجهيزات للعقد و جنين انشغلت عن السامي و هو زعلان شديد و منفوخ من الزعل لمن بقت ليهو بقت مشغوله 😂😂😂😂 ( مافي حلاوة من غير ناااار) جهزت الفستان و كل شي و بكره العقد و النوم غلبا و امها شالت منها التلفون قالت لي مافي كلام مع سامي نهائي اليله ههههه،،، يا امي ما ضغطتي علي شديييد،،، لا ما ضغط عليك عشان ترتاحي وتطلعي احلا من القمر،،، تسلمي لي يا امي حااااضر ما حتكلم مع
انا ماوبقدر احكي ليكم اتخنقت و حبكي حخلي جنين تكمل 😭😭😭
انا و سامي اتفقنا حنلبس شنو و اختار معاي لون الفستان بالتلفون طبعا 😂😂 لان امي كانت كاتمه القصه علينا و انا اخترت مع البدله اختلفنا في الالوان لكن انا قلت لي الاسود يلق عليك هو اسمراني لكن سمرا رااااقيه و حلوه،، قال لي العقد طبعا حيكون في المحكمه الصباح حلبس جلابيه وقال الا يجي يبارك لي طوالي وامي حلفت ستين يمين ما بجي هههه الا بليل لمن يجي بسوقني القاعه،، بابا رفض الحفله لكن سامي قال بعمل العزومه من غير حلفه المهم الناس كلها تشاركنا الفرحه،، و رنا معاي يا حليلا تبكي ساي فرحانه لي،،، و الو قلت ليكم ما حتصدقو ان خالده بعد خلصت ترتيب حجات الفي البيت و اي شي الساعه 12 بليل جاتني البيت تبيت معنا عشان تقيف معاي وتطمني والله العظيم لمن شفت لمن بكيت حسيت انها ما اخت سامي والله اختي الكبيره جات و عملت لي الخلطات شي زبادي ومابعرف حجات كدا و رنا تشيل و تجلبط معاي 😂😂😂 و قضينا ليله و لا احلا ليله و نايمين معاي في السرير عبودي و عهود و رنا زحمه في السرير كان بكره انا تاني ما راجعه البيت 😂😂 وجنه شافتم جات طلعت معاهم انا بقيت نايمه في حافه السرير بكره الصباح لقيت نفسي في الارض وهم نايمين 😂😂😂 مشيت جبت لي مويه كبير فيهم و بيقينا نجاره في البيت والله امي قعدت تبكي فجاء،، و تقول لي يا حليلك يا جنو وين نلقي جوطتك دي تاني حتخلي امك و تمشي،،، و مسخت لينا ضحكنا دا وبقينا نبكي،، جات خالده قالت لينا ما بتبالغو هي ماشه وين لسه العرس يا جماعه افروحو و بقت تزغرد لي،،، وابوي جهز عشان ماشين المحكمة و انا قلبي بقي يضرب لمن جاني وجع بطن و اخش واطلع من التوتر و خالده مشت بيتها عشان تجهز الباقي لي،،، و بقينا قاعدين في جمر منتظرين لحدي الساعه 3 بابا اتصل تلفون قال عقدو و فتحنا بيت البكاء و امي لمن جها هبوط و بقينا فيها الملح العصير لحدي ما قامت و تاني بقت تبكي و الله العظيم انا اجرست جرسه و في نفس الوقت فرحانه فرح ما عادي،،، اتصل علي سامي صوتو مبحوح عديل شكلو كمل البكاء براهو و قال لي
مبروك يا مرتي و حبيبتي و امي واختي و روحي و عمري مبروك علي انتي في حياتي
انا بالبكي قلت كلام مامفهوم و صوتي راح من البكاء قامت رنا جات جاريه شالت مني التلفون بارك لي سامي واعتزرت لي عن الهضربه الانا هضربتها،، و بديت اجهز قلت ليهم ما بمشي اي كوفير انا ما بحب الجلطه والمكياج نهائي حاجه خفيفه،،، امي قالت لي انتي حلوه و ملامحك برئيه ما محتاجه 🙈🙈،،، رهام اخت رنا قالت بتمكيجني مكياج خفيف و بسيط قلت ما بكسف و وافقت و رنا حتسرح لي،،، وجنه حبيبتي المفعوصه تبكي بكاء 😢 لمن امي ساقته مننا،،
لبست و خلصو لي المكياج ولمن عاينت في المرايا قلت ما شاء الله ما اسحر نفسي 😂😂😂 و حده تانيه عدييييل،،، لبست فستان اوف وايت فيهو بالذهبي ولبست الشبكه الجاب لي سامي و سرحت لي رنا تسريحه بسيطه رولت اطراف شعري لان طويل و عملت لي تاج صغير و كنت مبسوطه من كل العملو لي وجات ساعه سامي يجي بسوقني القاعه وقلبي بضرب زي صوت البرق ساقوني غرفه الاستقبال عشان العريس حيجي يبارك لي و يسوقني اقسم بالله خجلانه خجل 🙈🙈🙈 قلت لي رنا ما تمشي خليكم معاي قالت لي سمح وجاء سامي داخل ( بخرو بخرو خايفه ما يسحرو) ما شاء الله لا حوله ولا قوة الا بالله
لابس بدله سودا و قميص ابيض و الولد دا ناااااير كدا عمل شنو خلعني خلعه،،، بعاين لي و اعاين لي،، قطعت الحظه دي رنا باركت لي،،، والكلبه طلعت طوالي خلتني،،، سامي قفل الباب و راها وانا اتوترت و مشيت التصقت تحت الحيطه و غطيت وشي و با يدي و مسافه ما حاسه با شي و لا هو اتكلم نزلت يدي من وشي القي ليك واقف قدامي بعاين لي ههههههه قعت اضحك قرب مني وانا اقع وين تاني الا اقد الحيطه و خجلانه خجل قال مرتي حبيتي ما مصدق انتي خلاص حقتي مسك يدي و باس لي و باسني في راسي ووو المهم و طلعنا علي القاعه و رنا ورهام يزغردو لي و جنه تبكي و تضحك الاثنين و صلنا القاعه و طبعا مافي حفله ولا اي شي الناس زفتنا بالزغاريد وصلنا الكوشه كانت حاجه بسيطه ما زي كوشه العرس طبعا لكن حاجه فاخره و ظريفه بعد قعدنا سامي كان ماسك يدي و فجاء الانور كلها طفت سامي فك يدي ما عرفت مشى وين مسافه حتي اسمع ليك صوت و نور في حته وحده سامي قاعد و ماسك جيتار 🙄🙄 ( ووووقسم بالله جد)
