#جنين12
بقلمي: جنان 📝
قبل ما ابدا الحلقه عندي كلمتين عايزه اقول انا اول مره اكتب لي قصه و انزل جاتني شجاعه من احكي يا شهرزاد ان انزل قصه من بنات افكاري و بتقبل النقد لكن النقد نوعين هااادم و بناء النقد البناء بديني دعم معنوي ( مش القصه دي كلها خستكاتي) لكن بحس ان حكتب احسن والنقد الهادم اكيد بحطمني ( دي وجهت نظر و بحترم اي وجه نظر اكييييد لان في تصليح لي غلطات اكيد انا ما انتبهت لي)
الحاجه التانيه القصه دي انا صنفت حلمنتيش اكيد كلكم سمعتو با شعرا الحلمنتيش انا بحبهم شديد الهزل الساخر و شعر الشارع انا طبعا ولا شي من الناس ديل ولا قدرهم بس بحب اسلوبم شديد و انا اسااااااس طبعي ما جادي يعني القصد من المداخلات النص القصه دا الختلاف بس من باقي القصص فكاهه و هزل و ممزوج با واقع القصه و اتمني ان تعجبكم و انا اكون ما ثقيله و خفيفه زي الكريم كرمل ( نفسي فيو جيبو حته 😘😘😘😘)
ا(استحميييت دغغغش و عملت الشاي و شايل ترامسي و ماشه المستشفي اشوف سامي وليد اخوي اثاقل علي اب يوديني حاجر امجاد امشي براي 😏)
سامر قاعد في الارض قدام باب العنايه منتظر اي خبر جاء الدكتور دخل لي سامر و عدا 5 دقايق طلع مبسوط اول ماشافو سامي قام علي طول ان شاء الله خير قاليهم اطمنو فاق و حنطلعو الغرفه عشان تقدرو تشوف حمد الله على السلامه فرحو شديد مسكو بعض وبقو يبكو جري سامي مشي يجيب حلاوه عشان سلامه اخوه و حبيب قلبو بعد شوي طلعو سامر الغرفه بس نبهو عليهم ما يتعبو و واحد واحد بس يدخل علي اول زول دخل سامي لان كان حيموت لو ما شافو بدون ما يشعر حضنو وهو في السرير وبقي يبكي السستر جات فكتو و طردتو انت حتتعب المريض كدا ماممكن تعمل كدا عندو ضلعتين مكسوره تترمي في با طولك ودور مع السستر الشكله شالو طلعو بره المستشفي بعد كدا دخلت خالده مع اخواتها يطمنو علي قاليهم نادو لي سامي عايز سامي السستر قالت ما حيدخل نهائي انا قلت بس سامر الح لازم يجي قامت الستتر قالت لي خالده تدخلي مع انتي الولد المتهور دا جاء داخل و قعد في الكرسي جنب السرير و مسك يدو و بقي يبكي تاني و سامر يقولي انا كويس فتح عيونو حمد الله على سلامتك يا انا سامر بدا يضحك بس ما قادر قالي حبيبتك قايلني هههههه سامي ضحك ليهو 10 يوم ما ضحك قالي خلاص اخليك ترتاح عشان ما تتعب من الكلام الكتير وانا قاعد بره كل شوي بجي اطمن عليك طلع بره و هو مرتاااااااح ان شاف اخو واتكلم مع واطمن علي اشكرك يارب الحمدلله يارب استاذن من اخواتو ان يمشي البيت استحمي ويغير ملابسو و يرجع عبودي قال الا يمشي مع ساقو مع اشتري لي حلاوه و عصير وشبس و مشي البيت اول شي فكر يتصل على جنين بس كيف بتكون في المدرسه اخ نسيت اليله السبت بتكون قاعده اتصل اجرب ( الحمدلله عمو احمد يوم السبت شغال وجنين اليومين دي عشان الامتحانات بتصحي من الفجر تذاكر و بتنوم بعد الظهر ساعه و تصحي تواصل) اتصل ررررن رررررن رررررن رررررن جنين ياربي انا بتهي لي ولا التلفون برن بجد طيب بابا طلع ياربي منو من الصباح دا لو رن تاني بمشي ارد سامي فقد الامل مشي بستحمي و عبودي خت لي كرسي جنب باب الحمام عشان ما يخاف المكان غريب علي لكن عبودي ما بسكت بحكي لي خالو الحصل كلو ( الونسه من خلف باب الحمام) طلع من الحمام وجهز عشان يرجع المستشفي بعد خلص قال اجرب اتصل تاني ما قادر اشتقت لي اتصل ررررن رررررن📞📞 جنين احسن امشي ارد قبل ما امي تصحي با صوت التلفون تشاكلني وانا صاحيه ما رديت
جنين: الو
سامي: جنين الحمد لله يارب الحمدلله ياروحي مشتاقين
جنين: سامي واقسم بالله كنت حموت لو ما اتصلت على ما كنت عارفه اصل ليك كيف و عرفت الحصل لي سامر بس كيف اصلك عشان اطمن الف الف سلامه ليهو
سامي: والله كنت حاسي بس ما كان في طريقه اعمل اي شي كنت تعبان شديد لان سامر حالتو كانت صعبه بس الحمدلله اليله طلع من العناية واطمنت علي واتكلمت مع اول حاجه عملت قلت اتصل عليك نفسي اتكلم معاك
جنين: فديتك (يا قلبي) جد انا راسي جاط ما عرفت اعمل شنو بقيت ادعي بس والحمدلله ان اطمنت علي سامر انت كيف هسي
سامي: الحمدلله بخير بعد سمعت صوتك انتي عامله شنو بتذاكري كويس
جنين: قاتله نفسي قتل و بعدين خالتو سوسن قايلا مريحاني لو غمضت عيني تصحيني بالبعه ما بتقري نايمه زي البقره و غايتو بس
سامي: ههههههه يا حليلك عايزك الاولي لا عايزك فوق الاولي الاستاذه زاتها
جنين: ان شاء الله انا كمان نفسي انجح با تفوق ادعي لي معاك
سامي: انتي ما بتفرقني اصلا بدعي ليك في كل صلاة و معاي في كل لحظه يالله حبيبي ما اطول عليك ارجعي زاكري وانا راجع المستشفي
جنين: طمني عليك تاني بنتظرك لان مافي طريقه اتصل عليك
سامي: ما عايز اشغلك
جنين: فداك
سامي: حبيتي تسلمي لي خلاص انتي خلي بالك من روحي الفيك يوم الخميس بتصل عليك تمام
جنين: اوكي حبيبي
سامي: 👂قلتي شنو ما ساااامع
جنين: بطل استهبال
سامي: وحياتي عندك عيدي
جنين: ابييييييييت
سامي: اموت ليك
جنين: تبري حبيبي
سامي: يا ناااااااااااااااس الحوقني حتوفي
جنين: ما تكورك فضحتنا
سامي:نفسي اقول للدنيا كلها انتي حقتي برااااااااي
جنين: 😊 طيب ماهسي
سامي: ان شاء الله قريب
جنين: يالله طولت عليك بنتظرك يوم الخميس علي جمر
سامي: حاضر حبيبي يالله في امان الله
جنين: مع االسلامه
