#جنين2
بقلمي :جنان 📝
قلبو وجعو و حسي با خيبه امل و خلاص الدنيا ضاقت بي.. جنين بهناك لقت روحها بتبكي من غير تحس بكت بكت و ماعارفه لي بتبكي اخ يا جنين لي قلتي كدا هو قال شنو عشان انا اقفلو كدا اف منك يا غبيه و بقت تتكلم مع نفسها و استسلمت حتي الواجب ما حلتو و نامت سامي بهناك القعاد غلبو سجاره ورا التانيه يحرق فيها و قلبو يتحرق معها ما كان متوقع ردت فعلها عنيفه كدا بزات و هم قرايب سامي طبعن زول هادي و حنيين شديد ورومانسي ( مهند يا 😂)
سامي و سامر تؤم نفس الشكل بس الاختلاف في الاطباع سامي هادي و سامر شفاتي علي قول الاولاد هم اصغر البيت اخوانهم الكبار متزوجين الاولاد و البنات 2 متزوجات و 2 لسه و ابوهم اتوفي لمن سامي وسامر ممتحنين الشهادة درسو صناعي و طبعن ما قدرو يكملو دراسه و ضعهم ما بسمح ليهم مافي زول بصرف عليهم و ابوهم كان زول علي قدر حالو و خلو الجامعه و اشتغلو عشان يصرفو علي اخواتم و علي نفسهم و امهم لان اخوانم الكبار ناس نفسي نفسي ما يعتمد عليهم امهم اتوفت بعد 6 شهور من وفات ابوهم و خلاص الحزن بقي سيد الموقف عندهم سامر انحرف بقي بسكر و ماقدر يتحمل صدمتين امو وابوهو سواء تعبت شديد وسامي فقد السيطره عليهو عدي فتره كدا و بدا يتصلح شوي شوي و يرجع لي عقلو الموت علينا حق اللهم احسن خاتمتنا قام ابراهيم راجل خالده رسل لي سامي عقد عمل و سامر يقعد في السودان مع البنات البيت ما حيبقي فاضي لان اخوانو ما ساكنين معاهم والحمد لله الله وفقو اشتغل و فترقو التوم و قلبهم مع بعض و بدت رحله سامي في التعب لان ما عندو شهاده جامعه و درس صناعي مكنيكا سيارات و شتغل في شركه في الورشة بتاعتها و الحمد لله ماشي حالو و برسل لي اخواتو و بساعد اخوهو،،،، نمشي لي جنين طبعن جنين مامداخلته مع الاهل ما شديد يعني ما بتعرف شي عن اخوان خالده و لا اي شي المهم مرت جدها و بس لان ما بتطلع وسفرم لي السودان في الاجازه بس و فتره بسيطه شهر بس،، و بقت جنين تفكر في سامي و ندمانه لي عملت كدا وسامي غلبو اسبوعين ما عارف يعمل شنو خلاص قال حيتصل وامرو لي الله ولو نبزتو مامشكله المهم يسمع صوتها و هي بهناك منتظره يتصل ( اخخخ ياحب حيرتنا) اتصل و هي قاعده حارسه التلفون من اول جرس ردت 😂😂😂😂😂
جنين: الو
سامي: سلام عليكم
جنين: وعليكم السلام
سامي: عرفتيني
جنين: لا ما عرفتك ( عملت غمرانه نظام تقيله من قبيل كنتي حتموتي غايتو جنس حركات)
سامي: انا سامي يا جنين نسيتني
جنين: اهااااا معليش ما ركزت ( احي انا انساك معقواله)
سامي: انا اسف شديد لكن ما قدرت ولازم اتكلم معاك با جنين انا حبيتك و عايزك لا داير العب ولا داير اتونس بس كيف اجي لي ابوك انتي حتي ما ديرا تسلمي علي سلام الله جنين اقسم بالله انا من شفتك غلبني اي شي حتي النوم بقي مجافيني ( الود دا شاعر بقي)
جنين :سااااكته تسمع
سامي: جنين بس اديني فرصه والله العظيم انا ماكعب
انتي سامعاني
جنين: سمعاك
سامي: طيب قوالي حاجه
جنين: ما عارفه اقول شنو
سامي: بس اديني فرصه اسمعيني اعرفيني والله عايزك و مستعد امشي لي ابوك هسي
جنين: لا انا بدرس و ما عايزه اجوط راسي بركز في الدراسه ( احي ياخ انا بقول في شنو)
سامي: بس انا ماحشغل من دراسك ولا حكون عقبه ليك بالعكس حشجعك بس اديني فرصه واحد
جنين: ساكته تفكر تقول شنو تعمل شنو
سامي: جنين ما تقتليني ردي علي اتكلمي قولي حاجه بس ما تقوالي لا
جنين: بقت تضحك يعني ما خليت لي خيار
سامي: ااااه من ضحكتك لي بتسكتي لمن انتي عسل كدا
جنين: ركبت و ش الخشب تاني قصدك شنو
سامي :ماقصدي شي انت العسل كلو 😉 انتي الحلا مكملا
جنين: طيب خلاص مع السلامة
سامي: افهم انك حتديني فرصه عليك الله قوالي
جنين: قلت ليك خلاث طيب
سامي: نط فوق وجاء واقع من الفرح و حاااضن التلفون و الخط فاتح نسي رجع الو الو معليش بس التلفون وقع
جنين: قعدت تضحك تمام سلام
سامي: اتصل عليك بكره ممكن
جنين: لا
سامي: الله يرضي عليك طيب حدد لي يوم
جنين: خلي با ظروف
سامي: انا حتصل يوم الخميس عشان ما اشغلك من الدراسه
جنين: اوكي سلام 😊😊 وقفلت الخط وبقت ترقص و ترقص و تلف و دور و تقيف في المرايا ( غايتو اتجننت جن 😂😂😂) اقسم بالله عسل الولد دا ياخ انا مالي اول مره يحصل لي كدا
جري اتصلت على رنا تحكي لي ( حركات البنات ما بخلو)
نشوف جنين و سامي حيوصلو لي شنو
