Beauty and the Knight

Chapter 7

**************
Job Hunting
**************

R A C H E L

Monday nanaman, bakit ang monday malayo sa friday pero ang friday napakalapit sa monday? Hindi ko man lang naenjoy ang weekends ko dahil wala akong pera. Nagpalaundry ako dahil di naman ako marunong maglaba.

Agad na akong nagpunta sa dining at nadatnan ko naman si Labanos na nagluluto. Lumapit naman ako sa kanya, she's still wearing that old boring eyeglasses.

"Good morning." bati ko sa kanya na ikinagitla niya, yung totoo? Nagkakape ba ito? Napakamagugulatin ba naman kasi.

Napatingin naman siya sa akin at agad din umiwas ng tingin, problema niya? Wala man lang good morning din?

"Ano ba yan! Mag bihis ka nga! Bat ba ganyan ang suot mo?" reklamo niya.

Natawa naman ako, nakaisip nanaman ako ng paraan para asarin si Labanos.

"Why? Parehas naman tayong babae ah." pang aasar ko dahil naka underwear lang ako at crop top. Mainit eh, bakit ba. Bet ko matulog ng ganito.

"Kahit pa! Magbihis ka dun."

"Ayoko."

I stayed sa counter, alam ko namang kita niya ako sa peripheral view niya. Kumuha naman ako ng tissue sa gilid at akmang pupunasan ang pawis niya.

"W-wag mo ko l-lapitan."

"Hindi ako nangangagat." binasa ko naman ang lower lip ko saka ito kinagat as I walk towards her.

Gusto ko ng matawa sa itsura ng labanos na 'to. Akala mo talaga eh may kung anong gagawin sa kanya.

"Mag punas ka ng pawis, baka matuyuan ka."

"A-ako na. K-kaya ko n-naman." utal utal niyang sagot at kinuha ang tissue sa akin kaya natawa ako ng mahina.

Naupo na ako at naghintay na maluto ang kanin at ulam. Agad agad na din akong kumain dahil maaga pa ang pasok ko. Hindi man lang niya nagawang tapunan ako ng tingin, lahat naman ng meron ako meron din siya.

"Labanos"

"Oh?"

"Maganda ba ako?"

"Hindi" ay wow.

"May alam ka bang pwede kong pasukan?" saad ko at napatingin naman siya sa akin.

"Trabaho ganun?"

"Oo. Wala na akong pera eh."

"Luh, diba mayaman ka?"

"Noon." sabay yuko ko at inikot ikot ang tinidor sa plato ko.

"Bakit?"

Kwinento ko naman ang nangyari at napakamot na lang siya sa ulo niya. Wala na daw pala kaming pera tapos ang gastos gastos ko pa. Wow, nasermonan pa ako.