شيطان امتلك قلبى

15

بعد مرور عده ايام لم يحدث بهم شئ جديد سوا تقدم مصطفى لمريم وكيف تغير موقف ليلى للموضوع مما جعل كلاً من نرمين ومصطفى فى موضع رايبه من والدتهم ... وذهبو الى فيلا مراد الاسيواطى وبعد السلام وتقديم الحلويات ...والسهره ... تقدم حسان لخطبه مريم لمصطفى دون اعتراض ليلى فقد تركت الموضوع كله لاخيها..... وقد تم تحديد مواعد الخطوبه بعد اسبوعين من ذلك اليوم ...... فى ذلك اليوم قد حالقت مريم فى السماء كالعصافير من شدة فرحتها

اما حياه الان فهى فى مواقف لاتحسد عليه فاليوم هو مواعد تحديد مصيرها ...فاليوم هو الحد الفاصل فى حياه كلاً من حياه وجاسر .....

ها هو يوم الجمعه والكل يعمل على قدم وساق لكى يكونو فى ابهى صوره امام الضيوف ..

دخلت ماجده المطبخ ....ها يا حسنيه اخبار الحاجه ايه

حسنيه بفرحه :كل حاجه تمام ياست هانم ماتقلقيش

ماجده : مش عايزه اى غلطه الله يخليكى

حسنيه : ربنا ميجيب غلط ياست هانم .... ربنا يتمملها على خير يارب

ماجده : يارب ياحسنيه ادعيلها والنبى ..... وتركتها وخرجت كى تلقى نظره اخيره على البيت قبل وصول الضيوف ... قبل صعودها الى غرفه حياه

يابنتى هتفضلى كدا لحد امتى مش هتقومى تختارى هتلابسى ايه ؟!!!!
تلك الجمله نطقت بها مريم

حياه بامتعاص : مش ضرورى هبقى اشوف اى حاجه اقبل بيها البيه اللى جاى وخلص

- بقى ده منظر عروسه فى عريس جاى يتقدملها ...ده انا لو مكانه اهرب بسرعه وانفد بجلدى ....

-وهو ده المطلوب انو يهرب ويرتاح ويريحنى .......

- تصدقى انتى عايزه الضرب ...فى حد يقول كدا ..فى حد يرفض النعمه ..هو الواحد لقى عرسان اليومين دول ...دول شحين من السوق

- يخرب بيت عقالك يامريم ..ايه ده ده انتى فظيعه ......ياشيخه

- اعمالك ايه ما انتى وش فقر اعمالك ايه .....

اغلطى براحتك مش هرد عليكى

يابنتى قاعد ساعه والناس توصل وانتى لسه ملبستيش ..ده انا لبست من بدرى

ايه رايك تنزلى تقبليه بدالى

- شكلك حبه انو مصطفى ياقتلنى

ايوه ياعم ..الغيره والعرق الصعيدى بقى يبانو

انتى لسه ملبستيش ياحياه انتى عايزه ابوكى يزعل ....
نطق بهذه الجمله ايضا ماجده عندما صعدت الى غرفه حياه كى تتطمن على الاوضاع

قوليلها ياطنط ده اللى عماله اتكلم فيه من الصبح

انتى هتولعيها اكتر مهى والعه انا قايمه البس اهو ياست الكل