Oops! This image does not follow our content guidelines. To continue publishing, please remove it or upload a different image.
"Nurse... Jaldi karen meri cheezen ready karen... IN OPERATION THEATRE NOW."
"Jee Ma'am."
Vo apne hathon pe gloves charahti room ki taraf bhaag rhi thi. Accident howa tha koi aur ose jaldi kuch karna tha.
"Dr. Haya mamla buhat serious hai, agar abhi kuch nhi kia tu patient apni chalne phirne ki salahiyat kho sakta hai."
"Nhi nhi Ali tum abhi cheezen ready karo. We will not waste a moment now." ......................... Operation theatre ki lights dim thi. Sawae os jaga ke jahan vo shakhs be jaan sa para howa tha. Jo takleef men tha lekin oske labon se tu koi cheekh na nikli thi. Vo doctor thi tu obviously buhat mazboot thi, khoon, dawaion aur medical ki cheezon ki tu adat thi ose. Magar na jaane kyun oske qadam larkharaa rahe the. Peeche se nurse aai.
"Aayen doctor hame operation shuro karna hai."
Vo han men sar hilati chal pari hospital bed ke pass. Vo jo koi bhi tha oske balon ke peeche se oski adh khuli aankhen nazar aa rahi thi, jin men koi umeed nhi thi, sirf dard tha. Ali jo ward boy tha, cheezen le kar aaya tha, osne patient ki jabein se baal hatae. Haya aage bhari thi hath men cheezen leti aur jo osne dekha tha vo yaqeen na kar paa rahi thi. Vo foran boli:
"OHH MY GOD YE TU........YE TU....DOCTER SAMEER HAIN."
Wahan maujood har koi heraan reh gaya. Dr.Sameer osi hospital men heart ke buhat kabil doctor the aur Haya ki un se salam dua thi.
Vo saans bahaal karte boli thi. Baaki sab sar han men hila gaye the. Osne apni poori jaan laga di thi, oski unliyan pehli baar kapkapai thi operation karte waqt. Han vo thi buhat bahadur lekin na jaane kya howa tha. ........................... Operation complete ho gaya tha aur Dr.Sameer buhat had tak theek the. Han magar onhen recover hone ke lie time chahie tha. Taangon par choten aayein thi jiski waja se bones buri tarah se fracture hoi thi. Vo rough driver tu nhi tha han magar truck driver jiske sath accident howa tha vo phone pe baat karta truck chala raha tha. ............................. Haya darwaza knock karte room men aai thi. Subah hi Sameer ko room men shift kia tha. Vo shayad Haya ki majoodgi se na wakif hi tha. Khalaa men takte, oski ankh ke kone se anso gir raha tha. Haya ne slaam kia tha ose muskuraate.
"Asalamualaikum Doctor Sameer."
Vo bhi pheeki si muskurahat lie apne shirt ke bazu se apne anso saaf karne laga tha. Vo files pe jhuki thi aur phir os se mukhatib hoi.
"You are fine, aap jaldi recover kar jaen ge inshAllah lekin aapko abhi 1 month tak chalne ki ijazat nhi hai. Fractures abhi fully recover hone men time lage ga. Mene Ali ko keh dia hai vo aapki medicines aap tak pohancha de ga."
Vo haari si saans le gaya, sar han men hilate. Vo jaane ke garz se muri thi jo vo ose bula gaya tha.
"Dr.Haya."
Vo muri thi oski awaz pe.
"Thankyou so much."
Vo muskurai thi dheema sa.
"Doctor Sameer ye tu mera farz tha." ......................... Vo vahin be jaan sa leta tha, pankhe ko takte. Vo bilkul akela tha, koi nhi tha oske pass. Sameer akela rehta tha. Oske man baap dono nhi the aur onki death ke baad kisi rishtedaar se oska rabta na ho saka tha, ya shayad koi rishtedaar rabta rakhna hi nhi chahta tha.
Vo be bas sa bed ke ooper leta tha. Osne apne aap ko kabhi itna be bas na paya tha pehle kabhi. Osne hospital ke bed ki chadar ko apne hathon men jakra tha.
"Allah dekh na men kitna be bas ho gaya hoon, mere pas koi nhi hai, men apni taangon par chal ke apne kaam kar lia karta tha aur ab men kuch nhi kar sakta."
Vo ro raha tha be awaaz.Aik Vohi tu tha jo oski sunta tha, Os ke ilawa tu koi tha hi nhi os ke pass.
Sameer ko Ali dikhai dia tha room ke andar aate.
"Ali."
"Jee Doctor?"
"Mujhay yahan nhi rehna, men ghar jana chahta hoon aur han ghar par mera mulazim mera khayal rakh len ge."
"Doctor aapki choten abhi bilkul bhi theek nhi, kamaz kam aik maheena tu rehna pare ga. Ghar par os tarah khayal rakha nhi jata jee."
"Tum Dr.Haya se kehna ke men onse baat karna chahta hoon." "Jee theek hai."
Ali ke jaane ke kuch der baar hi Haya aa gai thi.
"Jee apne Ali ko kaha tha ke aap baat karna chahte han."
"Jee vo...doctor, men ghar jana chahta hoon."
"I am sorry but abhi men aapko allow nhi kar sakti kyun ke abhi aapke fractures recover ho rahe han. Ghar men khayal nhi rakha jae ga, aapko tu ye pata hai na Doctor."
"Tu phir men kab tak jaa sakta hoon, I am uncomfortable here." "Atleast one month, aap theek ho ke jaen ge yahan se apne peron pe chal kar InshAllah."
Vo muskuraya tha, chalo koi tu tha ose umeed dilane wala.
"Kal se na men aapke pas round lagane se pehle aa jaon gi aur vo jo khirki hai na (osne khirki ki tarf ishara kia.)wahan se buhat saare manzar nazar aate hain. I'll tell you whats happening and we'll discuss about different things."
Vo apne patients ka bohat khayal rakhti thi, Sameer ki ghuttan se wakif howe vo oska dehan badalna chahti thi taake vo jaldi theek ho jae.
"Theek hai Dr.Haya."
Vo thora sa muskura kar keh gaya. Vo apna hath bhara gaye.
"So from now onwards we are friends."
Vo apne hath men oska hath de gaya.
"Well we were friends already."
Vo waqei chahti thi ke vo theek ho jae or apne patients ke lie vo kuch bhi kar sakti thi. ..............................
