MARHAM

Haya ka maazi

Sameer ke accident ko aik maheena ho gaya tha. Ab vo kaafi had tak behtar tha, oske fractures almost recover ho gaye the. Oska hospital men recovery ke baad pehla din tha. Vo kaam se farig ho kar Haya ke pas gaya. Darwaze pe knock karne ki awaz sun kar Haya ne files se sar utha kar bola.

"Ajaen."

Vo ahista se andar dakhil howa aur Haya ke samne pari kursi pe bheth gaya. Haya oski taraf dekh ke muskurai thi.

"So cardiologist Sameer Asif is back!"

Vo has dia tha oski baat sun kar.
"Finally. Alhumdulilah."

Vo abhi apne kaam men hi masroof thi.

"Dr.Haya can I ask you something?....ummmmm...shayad nhi poochna chahie but phir bhi."

Vo zara heraan ho kar oski taraf dekhi.

"Aap mujhay apna dost mantey hain na tu phir mujh se sawal poochne ke lie ijazat kyun le rahe hain?"

"Nhi....bas vese hi..so I wanted to ask ke itna late ho gaya hai, raat ke saare giyarah ho rahe hain..apke parents?"

Vo oski baat kaat gaye thi aik sard aah bharte.

"I wish they cared, mere parents ne separate hone ka faisla kar lia tha when I was just five years old."

Sameer buhat heraan sa ose takne laga tha.

"I'm sorry Haya.....mene apko apne baare men bataya but kabhi aapke baare men nhi poocha."

"Nhi thats fine, actually you were not in a condition to ask me all that."

"Tu Haya aap kiske sath rehti hain?"

"Mere parents ki separation ke baad meri Nani mujhay on sab se door le aaye. Saari zindagi mere lie job ki mujhay parhaya likhaya. Mene apne Bachpan se sirf onhi ko dekha hai. Men nhi jaanti mere parents kidher hain."

Haya ki ankh se anso nikla tha tu Sameer oske pas para tissue box sar jhukaye os ke aage kar gaya.

Vo tu buhat bahadur aur mazboot     larki thi na phir aaj kese kisi ke samne oska dil choor choor ho kar bikhar gaya tha. Oski ankhon se anso behne lage the.     

Sameer khud ko kos raha tha ose lag raha tha ke osne ye topic start kar ke Haya ko rone pe majboor kiya.

"Haya....ro mat please."  
    
Vo pheekhi si muskan honton pe sajae sar han men hila gaye.

"Waqei buhat late ho gaya hai chalna chahie ab, nani wait kar rahi hon gi."

Vo apni cheezen samet'ti chali gaye. 
                ............................
Haya ne ghar aa ke kapre badle the. Buhat thak gaye thi shayad. Osne nani ko soya howa dekha tu khamoshi se onke sath ja kar lait gaye. Soi nhi thi vo bas kamre ki chat ko dekh rahi thi khaali khaali nazron se.

"Aaj bhi larai kar li neend se Haya?"

Vo vese hi dewar ko dekhte muskurai.

"Kya karon nana? Mujh se har baat par naraz ho jaati hai aur phir manti hi nhi."

Oski nana oske sar men shafqat aur muhabbat se hath pherne lagin thi. On bhoorhi kamzor ungliyon ke lams ka ehsas hi tu tha jisne Haya ko baar baar doobne se bachaya tha.    

"Nana pata hai aaj mujhay Sameer ne mere parents ke baare men poocha. Mene ose sach bata diya."

"Dil ne kaha tha kya tumhe ke vo samjhe ga vo bharose ke laik hai?"