MARHAM

Sameer ki engagement

Sameer apne kaam men magan tha jab oske mulazim ne oske kamre ka darwaza khatkhataya tha.

"Aajao."

"Sahab jee bahir koi apse milne aaya hai."

Vo heraan howa tha ke akhir os se kon milne aa sakta hai kyunke os ke mulazim ko tu Haya aur nana dono ka pata tha.

"Acha aap onhen bhethaen men aata hon."

Kuch der baad Sameer apna huliya darust kar ke bahir gaya tha. Wahan aik khatoon thi mid sixties ki lagti thin aur on ke sath hi aik larki thi. Vo bahar gaya tu onko apna muntazir paya. Vo khatoon Sameer ko dekh kar uth gaye thin.

"Mash'Allah beta tum tu jawan ho ke aur bhi khubsurat ho gaye ho. Mujhay pehchana nhi?"

Sameer heraan ho raha tha, vo tu os se yun baat kar rahin thi jese na jaane ose kab se jaanti hain.

"Nhi mene tu apko nhi pehchana."

"Chalo koi baat nhi beta, tum kaafi chote the na tab. Men tumhare baap ki sabse choti chachi hon aur ye meri beti Shizza."

Sameer rasman muskura kar onhe bethne ka bol gaya tha aur khud vo mulazmah ko chae ka intazam karne ke liye kehne chala gaya tha.
                    ......................
Haya hospital men dakhil hoi thi tu receptionist ne ose roka tha.

"Doctor kya aapko pata hai ke Dr.Sameer ne chuttiyan kyun li hain?"

Haya kuch na samjhte howe sar na men hila gaye.

"Acha phir pata nhi kyun onhon ne kaha ke vo kuch din tak nhi aayen ge."

Haya ko kuch samajh nhi aa rahi thi, os din osne phone nhi uthaya tha aur ab vo hospital bhi nhi aaye ga kuch din ke liye. Nana ko phone use karna pasand nhi tha isi liye vo Haya se keh kar hi call karwaya kartin thi ya landline use kiya kartin thi. Haya hospital se ghar aaye thi tu osne nana ko bataya tha ke Sameer chutti pe chala gaya aur phone utha kar band karne waali baat onhe pehle hi pata thi.

"Haya tum aik kam karo ose phone milao."

"Nana jab vo baat karna nhi chaah raha tu acha nhi lagta men baar baar call karon."

"Haya vo hamara apna hai, vo mere beton jesa hai aur men janti hon ose bura nhi lage ga agar men ose pooch lon ke vo kahan hai."

"Nana jo 'Apne' hote hain vo yun bager khabar diye chale nhi jaate."

"Jo men keh rahi hon vo karo, tum ose call karo."

Haya ne buhat be dili se oska number milaya aur phone apne kan ke sath lagaya. Bell jaa rahi thi. Kuch der baad phone uthaya gaya tha.

"Aslamualaikum."

"Walaikumaslam "

Wahan mamool se hat kar Sameer ki nhi balke kisi larki ki awaaz thi.

"Mujhay Sameer se baat karni thi."

"Vo busy hain aur mujhay nahi lagta ke apko ab onse baat karni chahie."

Os larki ki awaaz men talkhi thi.

"Lekin aap kon hain?"

Haya os se pooch gaye thi.

"Men oski hone waali bivi hon, hamari kal engagement hoi hai aur aap kon hain mohtarma?"

Haya ko tu jese apne kanon par yaqeen nhi aa raha tha. Vo ba mushkil os larki ki baat ka jawab de paye thi.

"Men oski dost hon......and yes Congratulations!!" 

"Thankyou."

Aur phone band kar diya gaya tha.
Haya ko samjh nhi aa raha tha ke vo kese react kare.

"Haya kya howa tum ose congrats kyun bol rahi thi?"

"Nana apke bete ki engagement ho gaye hai aur buhat jald shaadi bhi hone waali hai."

Vo muskuraate howe bol rahi thi aur nana heran kharin thi.

"Lekin osne.. osne tu mujhay kuch nhi bataya."

"Nana men buhat thak gaye hon, aaj hospital men buhat kaam tha aur sona chahti hon."

Nana sar han men hila gayen thin.
Haya apne kamre men ja kar bed par bhethi thi, ye pehli dafa tha ke osne hospital se aa ke apne kapre nhi badle the. Osne apna phone aik baar phir uthaya aur oski screen ko takti rahi. Kuch der baad osne message type kiya.

"Congratulations......Mujhay samajh nhi aa rahi ke kese react karon. Mujhay laga tha ke nana aur meri, tumhari life men itni tu importance ho gi ke tum hame apni kushion men shareek karo. Lekin men ghalat thi, well tumhe tumhari khushiyan mubarak hon."

Haya ne jese hi send ka button          dabaya tha oski ankhon se anso gire the. Vo apne aap se mukhatib hoi.

"Haya tum buhat bahadur ho aur koi baat nhi agar osne dost ho ke tumhe apni zindagi ki khushi men shamil nhi kiya."

Vo apni be wakofana baat pat apne sar pe maar gaye thi.

"Don't act stupid Haya, stop over reacting you don't care."

Aik dam se oska phone baja tha, wahan Sameer ka naam tha. Vo apna phone power off kar gaye thi. Kapre badal kar vo nana ke kamre men sone gaye thi. Ose pata nhi chala ke vo kab onke sath lage ro rahi thi.

"Nana bata tu deta vo, buhat bura hai vo buhat."

"Tumhe kis baat ka dukh hai oske na batane ka ya apna dost chin jaane ka."

"Men nhi jaanti nana lekin men yaha se jana chahti hon. Men nahi chahti mera aur oska dobara samna ho."

"Acha tu phir kaha jaen ge Haya."

"Men kuch der ke liye London jana chahti hon."

"Theek hai Haya."

Vo janti thin ke Haya buri tarah se tooti hai aur is waqt osko inkar karna osko aur aze'et dena ho ga.
                .........................
Haya ne aik din ke andar apni aur nana ki tickets ka intezam kar liya tha. Raat ko Haya aur nana ki flight thi. Vo Sameer ke jaane ke baad se buhat khamosh ho gaye thi, zyada baat tu vo pehle hi nhi kiya karti thi magar ab osne bilkul bolna chor diya tha. Vo apni packing kar rahi thi khud se baaten karte karte.

"Men jaa rahi hon Sameer ab shayad men tum se kabhi na mil paaon. Tumhari buvi ki khuwahish ke mutabiq, men jaanti hon ke agar ham yahan rahen ge tu tum hamse milne zaroor aao ge. Jese mujhay tumhari khushi azeez hai vese ab tumhari bivi ki khushi bhi buhat azeez hai. Mujhay maaf kar dena tumhe batae bager ja rahi hon."

Osne suite case ki zip band ki thi jab nana ki neeche se awaaz aaye thi.

"Haya neeche aa jao late ho raha hai."

Aur vo onhen, apne khayal jhatakte jawab de gye thi.

"Aaye nana."

Vo barq raftaari se seeriyan utri aur ghar se bahir nikli. Nana pehle bahar taxi men maujood thin aur baaki sab mulazimon ko os ne chutti de di thi. Ghar ke main gate ko lock karte vo phir khud hi se bol gaye.

"I'm sorry Sameer."
                    .......................
Agle din dopeher ko Haya aur Nana, London pohanch gaye the. Vo jagah jahan par vo dono thehrin thein vo waqei buhat khubsurat thi lekin jab apne door ho jaen tu duniya ke sab rang pheeke par jaate hain. Os bechaari ke sath bhi kuch aisa hi howa tha. Ab shayad vo dono kabhi na mil sakte lekin waqt har zakham ka marham hota hai. Baat tu ye bhi sach hai ke apnon ke door ho jaane ka zakham waqt ke marham se bhi nhi bharta. Kya kya khel khelti hai na kabhi kabhi zindagi bhi.
                        ..................