MARHAM

Dosti

Sunday tha aur Haya abhi apne ghar thi. Vo aksar Sunday ko chutti le lia karti thi lekin jab kabhi osko hospital se call aati vo wahan pohanch jaati thi. Ghar ka kaam karte osne apne phone ki taraf dekha tu wahan Sameer ka message tha.

"Doctor Sahiba?"

Vo yahi bulaya karta tha Haya ko.
Osne phone utha kar type karna shoru kia.

"Jee farmaiye."

"Yaar mujhay na aapki nana se milna hai. Matlab I am really desperate to meet her kyunke aapse onki itni tareef jo suni hai."

Haya oska message par kar apne hont danton men dabaye khari thi ke nana ko samne khare paya.

"Kya howa Haya?"

"Vo nana Sameer wants to meet you."

Nana muskurayen thin.

"Sure men bhi os se milna chahti hon, aaj hi bula lo ose."

"Jee theek hai."

Vo dobara apna phone hath men liye message type karne lagi.

"Nana too wants to meet you, umm what about today?"   
                      
"Why not, tu phir 5:00 p.m?"

"Done."                                    
                  ..........................         
Vo lounge ki cheezen darust kar rahi thi, baalon ka jura banae howe jab doorbell baji.

"Chand lala darwaza khol den."

Khud vo apna huliya darust karne gaye thi. Sameer ko pehle welcome karne nana hi gaein thi.

"Aslamualaikum." 

Sameer ne onhe muskura kar salam kia.
Nana apni age se buhat kam lagti thin agar koi waqei onhe Haya ke sath dekh leta tu yahi samjhta ke vo oski Mom hain magar onki saari zindagi ki struggle ne onhe kamzor kar diya tha.

"Walaikumaslam beta, betho khare kyun ho."

Vo sofa pe bhetha tha aur nana oske sath bethi thin.

"Kese ho beta aap?"

"Alhumdulilah theek hon aap sunaen "Men bhi bilkul theek hon."

Abhi vo dono baten hi kar rahe the jab Haya ki awaaz aaye.

"Lagta hai yahan mere bagair sab baten ho rahi hain."

Nana muskurai thi.

"Nhi nhi Haya meri jaan tumhare bager tu kuch nhi ho sakta na."

Vo nana ke sath aa kar sofa par bethi thi.

"Vese Haya you are realy lucky to have her by your side."

Sameer ne rashk karte kaha tha.

"Sameer men Haya ki nana hon tu apki bhi nana hoi."

Vo muskurae the mil ke.
                   ........................
Buhat kam arse men Sameer, Haya aur nana se buhat attach ho gaya tha. Ab vo onke ghar ka fard ban chuka tha.

"Aslamualaikum Nana."

Vo hospital se ghar jate howe nana se milne ke liye Haya ke ghar aya tha.

"Walaikumaslam mere bete men abhi tumhara hi intezar kar rahi thi."

"Dekhen apne yaad kia aur men aa gaya. Vese apki drama queen abhi tak ghar nhi aaye, is larki ko itna samjhaya hai ke raat ko der se na aaya kare"