MARHAM

Sameer ka maazi

Agle din subah Haya knock karte room men dakhil hoi thi.

"Aslamualaikum."

Vo muskura kar salam ka jawab de gaya.

"How are you feeling now."

"Better."

Vo kursi kheenchte, os khirki ki taraf mun kie, Sameer ke bed ke pas aa ke bhethi thi. 

"Aaj mausam buhat acha hai, apko pata hai men jab subh aai thi tu mene kya dekha tha?"

Vo na men sar hilate, gaur se sun'ne laga tha.

"Bahir na chota sa bacha tha, gaurd ka beta hai vo, oske pas na aik chota sa shopping bag tha jis ke andar kuch khane ko tha shayad. Vo aik dam se kuch nikaal kar khane laga tha ke oski nazr saamne se guzarte boorhe admi pe pari, vo khana maang raha tha. Vo bacha bhaga aur osko vo shopping bag thama dia."

Vo muskuraya tha, ke vo bacha jise khud mushkilon se khane ko milta ho ga osne apni zaroorat par doosre ki zaroorat ko tarjeeh di.     

"Kitni achi baat hai na."

"Os bache jese log buhat kam reh gaye han ab tu."

Vo afsurda si sar jhatak gaye. 

"Bahir jo darkht hai na vo buhat khubsurat hai, ye hamare hospital ki back side pe hai."

"Men tu aaj tak wahan gaya hi nhi."

"Koi baat nhi men apko batati hon wahan kya kya hai. Wahan os darakht par buhat saare parinde rehte hain, onki chehchahane ki awaazen poore back side par goonjti han and trust me it is so soothing."

"Aap mujhay wahan le ke jana when I'll be able to walk."                     
Vo muskurai thi ye jaan kar ke oske andar kuch thori buhat omeed aai thi.

"Apko ache lagte han birds?"

"Buhat ache lagte han, ghar par garden men aik bhara room hai, jisme mere parinde han."  

"That would be so beautiful."

Vo muskurai thi.     

"It is indeed."

"I have to go now, apne doosre patients se bhi milna hai na."

Vo sar han men hila gaya.

"Khuda hafiz Dr.Haya."

Vo muskura kar jawab de kar chali gaye.  
                   .......................
Isi tarah vo roz subah aati thi oske pas aur ose vo sab manzar dikhati thi jo vo filhal khud nhi dekh sakta tha. Qareeban dhai hafte ho gaye the Sameer ko hospital men. Osko adat ho gaye thi, subah os se baaten karne ki aur baaki saara din safed dewaaron ko takne ki. Oske mulazmon ko oske accident ka bata dia gaya tha aur on men se koi na koi aa kar ose khana de jaata tha.
                   .........................
Roz ki tarah vo aik subah vese hi kursi pe oske pas bhethi thi.

"Dr.Haya I think I should tell you about myself, my past. Aap ke ilawa mera koi dost nhi hai, jispe men trust kar sakoon, aap sunnen gi meri kahani?"

"Sure."

"Meri choti si family thi, men meri mom aur mere dad. Mom dad died when I was eighteen, in a blast aur men tab se akela rehta hon. (Vo thora heraan hoi thi.) Mom dad ki death ke bad mere relatives ne mujh se milna chor dia tha just because they didn't wanted to help me. Mene buhat struggle ki hai, scolarships pe apni parhai complete ki, part-time jobs ki. (Vo bas chup kar ke sun rahi thi.) You must have seen me cry, on the first day when I was shifted to the room. (Vo tooti thi oski haqeeqat jaan kar, os ka maazi jaan kar.) Men chot lagne se pehle atleast apne kaam khud tu kar sakta tha lekin ab men bilkul be bas hon. (Haya ki ankhon se ansoo gira tha magar vo ose chupa gaye thi.) Mere sath bhi mom dad ke jesa hadsa howa, bas farq itna hai ke onke wajood mar gaye the aur meri rooh mar gai. (Vo apne mun pe hath rakh gaye thi taake ose siskion ki awaaz na aa sake.) On ke jaane ke baad mene na dost banaye, na zindagi jee bas hospital ke kamon men apne patients ke sath khud ko busy kar lia. Sach kahoon tu mere pas zindagi jeene ki koi wajah nhi hai. Men os din ro isi lie raha tha kyun ke men chahta nhi tha ke men bach jaon. Men gaari galat nhi chala raha tha aur na hi vo koi suiside attempt thi magar phir bhi men nahi chahta tha ke men bach jaon."

Vo apna mun saaf kar gaye thi anso'on ke asraat mitate.

"I should go now...meray dosre patients."

Vo sar han men hila gaya tha. Vo barq raftaari se oske room se nikli thi. Sameer janta tha ke vo ro rahi thi lekin kya karta vo kuch nhi kar sakta tha.     
                 ......................   
Vo khirki se bahir tak raha tha jab vo knock karte dakhil hoi thi.

"Dr.Sameer aap ko apni kisi kisam ki baat share karni ho, koi baat poochni ho tu aap mujh se keh sakte han."

"Thankyou so much for listening to me Dr.Haya."

"Dosti men thankyou nhi karte Dr.Sameer, doston ka tu haq hota hai."

Vo muskurate howe ose keh gaye thi.

"Apke lie good news hai Dr.Sameer, aapko two weeks ke baad walk practice karni hai and then you can go home. Aur phir yahan hospital wapis chal kar ke hamare hospital ke qabil cardiologist 'Dr.Sameer' aayen ge."

Vo has gaya tha oski baat pe.