MARHAM

Hamara kya hota

Kuch der baad hi Haya khana garam kar ke lai thi. Osne dining table par khana laga kar nana aur Sameer ko bulaya tha.

"Haya tum bhi aa jao, bas kar do beta."

Nana table pe bheth'te bolin thin. Sameer onke sath waali kursi pe bhetha tha.

"Aaye nana bas ye paani le aaon."

"Sameer beta tum dalo na khana."

Vo sar han men hila gya tha. Kuch der baad Haya nana ke samne waali kursi par aa ke bethi thi. Osne thora sa khana dala tha aur oske sath bhi vo bas khel hi rahi thi, kha nhi rahi thi. Nana aur Sameer apni baton men hi masroof the jab Sameer ne pooch hi liya.

"Kahan gum hain Dr.Sahiba?"

Haya oski awaz sun kar achanak     apne khayalon se nikli thi.

"Vo...nhi....kahin nhi."

Nana oske rawaeye pe thora
pareshan hoin thin.

"Haya khana khao na beta."

"Nhi nana I'm done. Men thak gaye hon, I should sleep."

"Acha jao so jao beta."

Sameer aur nana bhi khana kha kar sone chale gaye the kuch der baad.
                 ............................
Haya kamre men bethi khirki se bahir tak rahi thi jab oske phone ki screen chamki thi. Osne foran apna phone pakra tha aur wahan Sameer ka message tha.

"Mere liye pareshan mat ho, men theek hon."

Haya ne zara socha aur phir mobile ki chamakti screen par apni ungliyan chalane lagi thi.

"Nhi hon pareshan bas thora kaam ka stress zyada tha."

"Haya har pareshani ki wajah thakan nhi hoti. Tum kab pareshan hoti ho aur kab khush itna tu men tumhare  bare men jaan gaya hon."

Haya ko thora ajeeb mehsoos howa tha, apne raaz fash ho jaane par bhala kis ko khushi hoti hai. Han magar oske dil men yaqeen tha ke vo oske raaz chupa le ga, sab se.     
Osne dubara type karna shoru kiya.

"Janti hon ke tum mujhay samajhte ho aur han thi men tumhari wajah se pareshan. Yaqeen jano is takleef ko jitna men samajhti hon utna koi nhi samajh sakta. Mujhay bura lag raha tha ke tum bhi osi dard aur azmaish se guzar rahe ho jismen se men guzarti hon."  

"Jese nana aur tum ne meri zindagi men aa ke rang bhare hain, meray gham pheekay par gaye hain. Han magar kabhi kabhi pata nhi kyun vo yaad aate hain mujhay, akhir thay tu Pheeki sahi Haya ke chehre pe muskurahat tu aaye thi saare din ke baad. 
                                       
"Sameer that actually helped =) Thankyou."

"Dosti men Thankyou nhi kehte."

"Zyada dialogue na maaro aur yaad hai na kal hospital jaldi jana hai, meeting hai."

"Yaad hai Dr.Sahiba."
                     ......................
Subah nashte ke waqt nana ne Chand lala se keh kar Sameer ko neeche bulwa liya tha. Haya abhi jaagi nhi thi. Nana ne nashte ki table par bhet kar Haya ko awaaz di thi aur Sameer on ke sath hi tha.

"Haya beta bahir aa jao nashta kar lo."    

Vo kuch der baad apne kamre se nikli thi. Oske baal jure men bandhe howe the or osne trouser aur shirt pehni hoi thi. Shayad ose bhool gaya tha ke ose bahir aise nahi jana chahie. Abhi vo bahir aaye hi thi ke vo wapis mur gaye. Haya jeens aur long shirt pehen liya karti thi magar oske sath vo stole liya karti thi.   
Vo apni nazren jhuka gaya tha aur nana kuch na samajhte howe keh gayen thin:

"Pata nhi ab phir kahan chali gaye."  
Kuch der baad vo apne ooper aik bhari si chadar liye wapis aaye thi.
Wahan bheth ke vo zyada kuch boli nhi thi bas nana aur Sameer ki baten sun rahi thi. Phir Sameer aur vo dono tyaar ho kar hospital chale gaye the.
                  .......................
Sameer ghar jaane ke liye nikal raha tha jab oski nazar pari thi Haya ke room ki khirki par. Wahan mamool se hat kar lights off thin, ose zara ta'ajub howa tha. Vo kuch na samajhte howe receptionist se pooch gaya.

"Dr.Haya kahan hain?"

"Doctor vo tu shaam hone se pehle hi nikal gayen thi."

"Kuch bataya onhon ne jane se pehle."

"Nhi bas ye bataya ke vo jaldi leave le ke ja rahi hain."

"Thankyou."

Sameer ab pareshan hone laga tha   ke kahin koi emergency na ho gaye ho. Osne foran apna phone nikala aur Haya ka number dial kiya. Kaafi koshishon ke baad osne phone uthaya tha.

"Kidher ho?"

"Thori der akele rehna chahti hoon bas isi liye Hospital se nikal aaye."

"Jo men pooch raha hoon oska jawab do Haya."

"Hospital ke pas wale park men hon."

Sameer ne foran phone band kiya aur foran per patakhta Haya ke peeche chala gaya. Sameer wahan pohancha tu vo wahan aik bench par akeli bethi thi adhere men, aik chote se bulb ki roshni thi jis ki wajah se vo ose dekh paya tha.

"Utho."

Vo osse zara sakti se keh gata tha.

"Sameer mene kaha tha na men kuch der akele rehna chahti hon."

"Janti ho na yahan ke halaat Haya phir kyun is tarah is waqt akele bethi ho. Khuda na khuwasta tumhe kuch ho jao tu nana aur mera kya ho ga. Kyun tumhe khayal nhi hai apna. Apne liye na sahi hamare lie tu apna khayal rakho, bachi tu nhi ho na Haya."

Haya ne aaj se pehle oska ye andaaz nhi dekha tha, oske lehje men sakhti thi aur ankhon men pareshaani.
Vo wahan jo bethi thi khari ho kar oski sab baaten sun rahi thi. Agar Sameer ne kuch galat kaha hota tu vo zaroor bolti magar vo sahi keh raha tha.

"Dekho mujhay pata hai mujhay aise baat nhi karni chahie thi lekin yaar this is not fine. Tum bilkul akeli thi yahan pe."

Vo sar jhuka ke oske saamne ab sharminda sa khara tha khud ko ilzam diye ke osne Haya se sakht lehje men baat ki.

"Tum sahi keh rahe ho Sameer mujhay aisa nhi karna chahie tha par pata nhi mujhay kya ho gaya tha."

"Acha tum ghar jao nana pareshan ho rahi hon gi."

Vo oska hukam maan gaye thi.
                    ......................
Sunday aksar Sameer, Haya aur nana ke sath spend kiya karta tha. Nana ko oska intezar karte sunbah se dopeher ho gaye thi aur Sameer ab tak nahi aaya tha. Akhir kaar onhon ne himmat haar kar Haya ko kaha ke ose phone kar ke poochen.

"Haya meri baat suno."

Vo kaamon men uljhi onhe jawab dene lagi.

"Jee nana aa rahi hoon."

Vo apne kaam chor kar nana ke pas aaye thi.

"Beta Sameer ko call kar ke poocho vo kahan hai abhi tak aaya nhi."

"Nana soya ho ga vo."

"Phir bhi phone kar ke pooch lo."

"Acha theek hai."

Vo apne kamre men dobara wapis gaye aur phone utha kar Sameer ko call ki. Kisi ne phone uthaya tha lekin kuch seconds baad hi ose band kar diya gaya tha........