مرت الايام هو بالمستشفى و عدة مرحلة الخطر بس انشل يعني من صرتة وجوة ماكو حياة جابو للبيت واني حيل مقهورة شلون شاب مثل الوردة يصير بي هالشكل صعبة حيل الله يعينة شلون متحمل خسر كووولشي صحته وعافيته ورجولته كنت
اتمنى اروح اشوفه واطمئن عليه بس مگدرت بس ماما تروحلهم واسألهة عنه تگول تعبان وبس يصيح ويتعارك ونفسيته متدمرة وميرضى ع اي شي وامه تبچي عليه
ام ليان .. اجيت تعبانة ..
لالي ماما تعالي اخذي المسواگ ام علي تريدني دا اروح اشوفهة
ليان ..اشو هواية صايرة تدز عليج
ام ليان ..اييي مو اساعدهة بأبنهة متگدر وحدهة خطية بين ميشوفولهم احد يخدمة
ليان ..ليش همة يريدون احد يخدمة
ام ليان ..اييي امه متگدر حتى وصتني اشوفلهة بنية شوية قوية تداري
ليان ..يعني تريد بنية مو ولد
ام ليان ..شتسوي بالولد تريد الي يغسل هدومه ينضفله مكانه صُخراته اكله شربه ولازم يگابله 24 ساعة وين اكو ولد يقبل بهيجي
ليان ..لعد شلون بنية تداري موصعبة
ام ليان ..لا مو هو هسة عاجز يعني خطية حاله حال البنية حرامات والله شاب من شاب بس حظة المصخم وگعة هالوگعة الگشرة
ليان ....بقيت افكر شلون اقنع ماما بأن اروح اني اداري گلبي مثل النار عليه
اگولج ماما لگيتو وحدة تساعد علي
ام ليان ..لا والله شو ياهي الأحجي وياها متقبل تگول المُقعد يصير مُتعب 🙀
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
