ليان ..اني واگفة اباوع ع اضافري واهز برجلي عساس ممهتمة وهو ذبح روحة يحجي وية امه ميريدني اني انقهر من احس بي ضايج مني وميريدني
بس عندي امل بمرور الوقت يتغير الوضع وبنفس الوقت اني دا اعامله بجفة و ممهتمة اله حتى ليحس اني دا اعطف عليه او استخطي لهذا السبب طريقتي بالتعامل ويا تختلف عن الكل
علي ..لتتوقعين اصخرج او اخليج تساعديني لان ما اريدج
ليان ..والله بعد احسن وين لاگيتهة اكل وشرب وراتب فوگاها گاعدة اتابع المسلسلات الي احبهة وفتحت التلفزيون وگعدت بالگاع ومديت رجليه
علي ..استغفر الله العظيم طبعا لو ما امي مريضة واخاف عليهة چان هسة گلبت الدنيا وهي كووولش مستفزة ومدايرة بال وتباوع ع التلفزيون واني اشتعلت نار 🔥 انوبة عطشت وما اريد اصخرهة تجيبلي مي والدنيا ضهر وكلهم نايمين شلون
ليان ..اني گاعدة اباوع ع التلفزيون بس بالي يمة وممرتاحة وهو بس يتأفأف .
.تريد شي
علي ..ايييي جيبيلي مي
ليان ..جبتله مي ..ممكن اطلب منك طلب
علي ..گولي شتريدين
ليان ..اتمنى نصير اصدقاء يعني لتعتبرني مساعدة اني ابد ما عندي صديقات من تركت المدرسة لحد الان ف اتمنى انت تصير صديقي
علي ..ما احب اصادق بنات
ليان ..يعني انت ابد ما عندك بنات صديقات
علي ..لا ما عندي
ليان ..زين جرب وياية مراح تخسر شي
علي ..شوفي اني ما اريدج تبقين تشتغلين هنا بطلي احسلج عوفوني وحدي ما اريد مساعدة من احد
ليان ..ليش متريد مساعدة بعدين انت محتاجني واني محتاجتك شكو بيهة اذا صرت صديقة و مساعدة الك
علي ..بيني وبين نفسي ما اريد انذل گدام احد او ابين عجزي هذا الشعور يقتل بعدين هي صغيرة وحلوة وهذا الشي صعب عليه
