علي ..رجعنة للبيت وثاني يوم اخذتهة وندور ..تريدين اوديج ع ايسوري ومصطفى
ليان ..والله ياريت ابوس ايدك
علي ..وديتهة للمقبرة وشوفتهة قبر
ايسوري.. شوفي هنا نايم ايسوري
ليان ..صرخت وابجي لاااااااا مو هنا ابني مميت عايش اني دا اسمع صوتة يبجي يريدني
علي ..لالي اقري الاسم ايسر مصطفى محمد وهذا زوجج مصطفى وهذه ام زوجج ماتو بالحادث الي صار من دتروحون تزورون وانتي كنتي بغيبوبة وصحيتي ورة الحادث بعشرين يوم الله يخليج استوعبي الوضع
ليان ..گعدت بالگاع ابجي واعيط لا لا لا مو ابني الا ابني علي الله يخليك گولي كذب مستحيل ابني حبيبي حضنت الگبر وابجي ابجي ما اريد اعيش بعد كافي صدمات كووولشي الا ابني مصطفى ارجع انت مو گتلي اني سندج ارجع
علي ..بقيتهة ع راحتهة تبجي وتحجي خلي تذب نارهة المهم تعرف ابنهة مات حتى تتعالج بس منضرهة يگطع الگلب بجيت عليهة ..
صارت ليل نروح
ليان ..ما عندي صوت من البجي ..روووح وعوفني
علي ..شلون اعوفج واروح امشي وياية
ليان ..لا اني مكاني هنا يم ابني وزوجي بعد ما اعوفهم
علي ..انتي مكانج يمهم واني مكاني يمج
ليان ..لا رووووح الله يخليك عوفني وحدي يمهم
علي ..مستحيل . ورحت گعدت يمهة .للموت ما اعوفج
ليان ..اني ما عندي حظ كل احبابي يعوفوني شگد حلو لو ميتة وياهم عشنة سوة ونموت سوة
علي ..لا اسم الله عليج .
وبقينة بالمقبرة للصبح هي نايمة ع قبر ابنهة وتون اگوللهة نروح متقبل تعبنة اني وياهة ومتقبل لا اكل ولا شرب يومين وامهة تسأل وتگول جيبهة حتى لو غصب
بس گلبي مينطيني ابعدهة عن احبابهة اخر شي لگيتهة متخربطة شلتهة وديتهة للمستشفى وبعدين اخذتهة للبيت وضلت ليان بس تبجي وكل خميس تروح للمقبرة وشگد حاولت اخذهة لطبيب نفسي ماكو فايدة تعقدت وضلت فوگ السنة ع هالوضعية
ليان ..بعد الي صار بية الدنيا صارت سودة بعيني وما بيهة امل ابني راح مني وزوجي وحياتي ولو ما علي واهلي كان الله يعلم بحالي صار سنتين ع وفاة ابني وزوجي اهلي وعلي اصرو اروح لطبيب نفسي
وبقيت اروح بالبداية ما اثر بية ولا حسيت بأي تغيير بداخلي بس اقترح الطبيب واهلي وعلي انه اكمل السنة الاخيرة بالكلية لاني تركتهة علي تولى الموضوع ويوديني ويجيبني ومعافني ولا لحظة
اني كووووووولش ممتنة منه وشگد ما اشكره قليل بحقه صدگ الدنيا دين بدين حتى دموع العين وگفت ويا من كان محتاجني ووگف وياية من احتاجيته
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
