اني احجي وابجي وهي حاطة المخدة بحضنهة عبالهة ايسوري
ليان .. ابجي.. تدرين ريري حتى من هو بحضني اخاف عليه وعلى طول اسمعة يبجي هو هسة ساكت بس اسمعه يبجي ليش
رند ..فقدت من البجي عليهة
ليان ..ليش تبجين حبيبتي اكو احد مضوجج
رند ..ما اگدر احجي لان خانگتني العبرة ودموعي تصب
ليان ..اشششش نام يا روح امك دللول يالولد يا ابني دللول عدوك عليل وساكن الچول
رند ..تحجي ويا وتغنيله بصوت دافي وحنين الله يساعد گلبج خيتي
علي ..وديت ليان لعدة دكاترة نفسيين محد گدر يساعدهة گالولي مستحيل تتعالج وهي فاقدة وممستوعبة الوضع الي هي بي لازم تعرف انه ابنهة مات وتدرك وتستوعب يلا تتعالج ما اعرف شلون اخليهة تدرك الوضع طلبت مساعدة اهلهة وراح نگعد نحجي وياها
ام ليان ..لالي ماما كافي صارلج 4 شهور ع هالحال لازم تستوعبين الي صار الله يخليج
ليان ..ليش شنو الي صار
ام ليان ..ماما حبيبتي أيسوري راح للجنة
ليان ..لا البارحة كان نايم بحضني
ام ليان ..لا ماما صارله 5 شهور من راح هو ومصطفى
ليان ..وگفت وبعصبية.. لا أيسوري موجود لتگولين راح هذا ابني ومصطفى حبيبي موجود بس طالع
ام ليان ..كافي عاد استوعبي الوضع الي انتي بي وحسي بية مثل ما انتي متلوعة ع ابنج اني متلوعة عليج
ليان ..ابجي لتگولين راح انداريت ع علي . علي ساعدني انت مو گتلي اساعدج واوگف وياج
علي ..أأمريني شتريدين اسويلج اني حاضر
ليان ..امشي وياية ندور عليه
علي ..صار بدلي وامشي خلي ندور ..فرحت وراحت تبدل
ام ليان ..علي يوووم هاي شبيك انت معقولة تروح تدور الولد مات
علي ..ميخالف مستعد ادور وياها بس خلي اوصل وياها لابعد نقطة اشوف بعدين شيصير
ام ليان ..بكيفك بس عود طمني
علي ..ماشي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
