ليان ..علي علي علي شحلو اسمك تمنيتك انت زوجي صح حرام عليه اگول هذا الكلام بس اااااااااااااااااخ حبك بگلبي كبير والله اني حامل واتنسة عليك اكيد انت نسيتني واختاريت حياتك وية حبيبتك بس گلبي شسوي لگلبي
مرت الايام وصارت عندي الام الولادة وجبت أيسوري ( أيسر ) فدوووووووة حبيب امه ملاك مو طفل 👶 يجنن هو الوحيد الي خلاني انسى علي و انسى الدنيا كلهة وهسة أيسوري عمره سنة
علي ..اندليت بيت 🏠 اهل ليان بس شگد راقبتهم وحاولت اشوفهة محاولاتي باءت بالفشل وبنفس الوقت مشاكلي كثرت وية مروة وكرهتهة انسانة مصلحجية ومادية
تعاركت وياها وضربتهة راحت زعلانة لأهلهة وطلبت الطلاق احسن طلعت منهة مو مني لان حياتي وياها جحيم بس سرقت مني مبلغ كبير حاولت ارجعة بس كانت تنكر وتحلف كذب گلت هي والله تنجاز
طلگتهة وارتاحيت صار ع طلاگنة اقل السنة و اني رافض فكرة الزواج رغم محاولات وملحة امي صدفة كنت ضايج عديت من يم بيت اهل لالي شفتهة طالعة و بأيدهة ابنهة ورجلهة لازم ايدهة الثانية ومبتسمين
ابتعدت ووگفت اباوع عليهم من صعدو بالسيارة و الابتسامة متفارگهم كانت اصعب لحظات مرت علية لالي ملاكي صارت ام وحبيبة لشخص ثاني شيصير لو من اجيتيني الضهر تبجين وحاضنج وگايلج اني ما اتخلى عنج انتي وگفتي وياية بأصعب الضروف ووگفتيني ع حيلي
مو علمود الراتب الي تاخذي لا كان دافعج الحب بس الاعمى ميشوف هذا الشي واني اعمى عين واعمى گلب لو بس متصرف بحب وياج كان هسة اني بمكانه اني الي گايدج من ايدج وهذا ابني بس الي صار بية حوبتج حياتي تدمرت بعدج
والي صار بية وانشليت حتى اتعرف عليج واحبج واترك مروة رب العالمين شوفني كووولشي وكان الة حكمة بس اني عاندت ارادته وتعنيت للنار برجلي بينما كانت الجنة بأيدي اني ندمان ومقهور بس الندم ميفيد و رجعت للبيت وضليت گاعد بالحديقة ادخن و شكلهم وابتسامتهم متروح من عيني
ام علي ..شگد حارة شعندك هنا گاعد فوت ع التبريد
علي ..لا هنا مرتاح ☺
ام علي ..يا يوومة والله بالي يمك شلعت گلبي لا انت متزوج مرتاح ولا انت مطلگ مرتاح
علي ..تدرين يوومة اني اكبر غبي
ام علي ..لا يوومة حشاك ليش تحجي هالشكل
علي ..متحملت اكتم بگلبي… وسولفت لأمي كووولشي
ام علي ..يعني انت و ليان چنتو تحبون بعض والله غريبة وكانت تحبك رغم ظروفك
علي ..اييي يوومة بس اني بعدتهة عني وضيعتهة من ايدي مو اگولج اني غبي
ام علي ..ليش ماگتلي اخطبلكياها هم خوش ناس
علي ..يعني چان خطبتيهة الية
ام علي ..ليش لا هي خوش بنية وامهة احسن مرة واني احبهم
علي ..كنت متوقع الكل راح يرفض وهي مو من مستوانة فرطت بسعادتي وبسعادتهة علمود نظرة الناس
ام علي ..ميخالف امي الله يعوضك هي مو قسمتك وحرام عليك طلعهة من راسك هي هسة زوجة وأم و خلي عينك بعين الله
علي ..ونعم بالله
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
