ليان ..هلو خالة اجيت بمكان ماما لان تعبانة ومگدرت تجي
ام علي ..سلامتهة ان شاء الله ما بيهة غير العافية
ليان ..الله يعافيج حبيبتي
ام علي ..خالة عيني سوي ريوگ لعلي ووديلهيا لان هسة گعد من النوم ومن البارحة مماكل حتى عشة ممتعشي وخاف يضوجچ لخاطري تحملي
ليان ..صار…
گلبي يركض قبل رجليه رحت سويت الريوگ وشلت الصينية ودخلت للغرفة انصدمت الغرفة وصخة ومخربطة وضلمة وهو شعره وشواربه ولحيته طوال وريحة الجگاير تخنگ
تفاجأت مستحيل هذا علي الحلو المرتب ابو الريحة الطيبة الي توصل لسابع جار خرررررب هاي شنو فتت للغرفة
علي ..منووو
ليان ..بخوف .. اني
علي ..منو انتي
ليان ..فتحت الضوة ..اني ليان جبتلك ريوگ
علي ..ما اريد سم اطلعي وسدي الباب
ليان ..تقدمت يمة دا احط الصينية ..
اكل انت من البارحة مماكل
علي ..ضربت الصينية وانكسراً المواعين وانكب الاكل ..انتي شعليج گتلج ما اريد زقنبوت
ليان ..بسرعة طلعت مفرفحة من البچي
ام علي ..ها شبيج حبيبتي شسوالج
ليان ..اشهگ من البچي
ام علي ..اني اعلمة
ليان ..ابچي وبداخلي اگول اني ممقهورة منه اني مقهورة عليه كاسر گلبي وخاطري ما اريد احد يجرحه او يضوجه اني حاسه بمعاناته ميخالف خلي يصيح عليه او حتى يضربني اذا هذا الشي يريحه
ام علي ..انت شبيك مو عيب عليك تتصرف وية البنية هالشكل
علي ..گتلج ما اريد احد عوفوني بحالي وبعدين تجيبيلي بنية شابة تريدين تذكريني باعاقتي بعجزي
ام علي ..لا ماما انت ليش تفكرهة بهالطريقة اني اريد اساعدك عين نفسك حتى نگدر نعينك
علي ..عوفوني ما اريد اعين ولا اريد احد يعيني
ام علي ..اووووو براحتك وطلعت ..
حبيبتي ليان لتزعلين هو وضعه مو طبيعي والي صار بي مو شوية
ليان ..لا بالعكس اني عاذرته ويمكن لو احنه بمكانه نسوي اكثر
ام علي ..هاي صار 6 اشهر گلوطني لا اكل لا شرب ولازم علاج طبيعي حتى ميصير عنده ضمور بالعضلات لان ميتحرك ميقبل كووولشي ميريد قافل
ليان ..زين خالة يعني اشوفج بس انتي مهتمة يعني بلكي اذا احد غيرج يحجي ويا يقتنع
ام علي .. لا والله هاي ابو واخته من يرجعون من الدوام يگابلو و يگعدون ويحاولون ويا بس ميقبل حتى يطردهم واخو مسافر ويخابره ويحجي ويا ولا كأنه
ليان ..زين ما عنده حبيبة تحجي ويا بلكي لخاطرهة يحاول
ام علي ..والله هو عنده حبيبة واني حاجية وية امهة وخاطبتهة الة بس ماكو شي رسمي وهي هسة بالخارج تدرس عساس من تكمل سنة اللخ يتزوجون بس ما اعرف يتواصل وياها لا اتصلت هي بي ما اعرف ما اگدر اسأله اخاف يگب بوجهي
ليان ..غرت و متت قهر من گلتلي عنده حبيبه ضلت الدمعة تحوص بعيني رغم هذا وضعه ويمكن مستحيل وحده تقبل بي بس اني مستعده ابقى خدامة جوة رجليه طول عمري اعشقه واموت عليه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
