ليان ..بعد معترفت لعلي بكوولشي احس بعد مالي وجه اروحلهم وبنفس الوقت الي صار اثر بية حيل لدرجة تمرضت
دزيت امي بمكاني وضليت اسبوع ما اروح ما اريد اشوفه و ما احس عندي طاقة تعبت
علي ..صارلهة اسبوع ماكو اكيد زعلت وبعد متجي لان مديت ايدي عليهة بس المشكله انه اني تعودت عليهة صارلهة اشهر تداريني مثل النسمة وكلهة طاقة وحيوية يعني وجودهة راحة بالنسبة الية افتقدتهة اهواااية واريدهة ترجع وحجيت وية امي بأن تحجي وية امهة حتى ترجع
ام علي ..علي يريد ليان ترجع غريبة مو عوايده هو صارله كومة محاربهة بس البنية مريضة وما اگدر اضغط عليهة بالرجعة حجيت وية امهة والله كريم
ليان ..رحتلهم لان اشتاقيتله وقررت تعاملي ويا يكون بحدود واثگل شوية احسن
علي ..من شفتهة فرحت ..
لالي اني اكرر اسفي لان مديت ايدي عليج
ليان ..لا ولا يهمك انسى
علي ..خوش لعد تعالي شوفي المسلسل مالتج الي تحبيهة
ليان ..اييي صدگ هسة وكتهة ..
وگعدت اباوع ع المسلسل وهو تابعهة وياية ويسألني ع احداثهة واني اسولفله فرحت والحمدلله شوية احسة صار مرن ذيج الفترة خبلني و سويت معجنات واريده ياكل لان اكله مو هلگد اسويله اغراءات اكل گدامه
امممممم يا ربي شگد طيبة عاشت ايدي
علي ..هههههههه اول مرة اشوف واحد يمدح بروحه هلگد
ليان ..ذوقهة واحكم وجبتله ماعون و اكل وجبتله ماعون ثاني واكله
علي ..لا الصراحة لذيذة عاشت ايدج
ليان ..عافيااات ..مرت الايام واحس اكو نظرات بيناتنة صح منفتح الموضوع بعد من گتله اني احبك بس هو عرف وتغير وياية حتى اهله متعجبين مرة بالليل قبل ما اروح لاهلي شوفني الفيس مالته وشفت جايته اهواية طلبات من بنات
ليان ..هاي شگد جايتك طلبات عيني
علي ..ههه لو يشوفاً حالي ولا وحدة تدزلي طلب
ليان ..ليش شبي حالك
علي ..يعني هذا كله وشبي ليش مدتشوفين
ليان ..انت تريد تبقى ع هذا وضعك انت تگدر تغيره من باجر
علي ..شلون اغيره ليش هو بأيدي
ليان ..اييي طبعا تگدر تسافر وتتعالج
علي ..رجاءاً سديلي هالموضوع
ليان ..ممكن اعرف ليش
علي ..نسبة النجاح ضئيلة جدا واخاف اروح واستنفذ كل الفرص و امل انه اصير زين بيوم من الايام يروح بعدهة فعلا ما اگدر ابقى عايش اني اقضي ع حياتي بأيدي
ليان ..يعني انتة باقي ع هالحال حتى تبقى متأمل 😔 بس وليش هذا كله حاول وذب طاقتك وجهدك واني متأكدة ح تنجح
