علي ..يعني لالي يومية تتصرف تصرف يفاجأني اليوم من باستني قبل متروح حسيت بدأ الامل يتدفق لروحي و اريدهة متفارگني
بوجودهة احس بقوة لان ولا مرة شفت بعينهة نظرات عطف تجاهي بالعكس كانت دائما تعاملني بجفة ومن تغيرت وياية صارت تصرفاتهة وياية بحب
يعني مو تستخطيني بسبب وضعي وجودهة يحيي امور ومشاعر بداخلي قربت انساها سبحان الله رب العالمين يبلي ويعين وهي ملاكي الي بعينهة اشوف الدنيا بغير شكل
ليان ..مرت ايام واشهر علاقتي وية علي صارت قوية و احس نفسي صار الي تأثير عليه وضليت الح عليه و احجي ويا بأن يسافر ويتعالج والحمدلله وافق ود يتحضر للسفر
علي ..لالي يعني هسة امج قافلة متخليج تجين وياية
ليان ..والله توسلت بيهة و موتت روحي بس متقبل
علي ..بس اني احتاجج وجودج يمي يريحني
ليان ..شسوي والله اتمنى اجي وياك بس اني متأكده انت راح ترجعلي بسرعة واحسن من قبل ولتنسى انت قوي وتگدر تهزم هذا الوضع
علي ..ان شاءالله شوفي هذا موبايل اشتريتلجيا جديد حتى اخابرج وتخابريني
ليان ..لا ما اگدر اخذه مو تدري امي متقبل
علي ..گوليلهة ام علي جابتليا هدية او طلعيلهة اي حجة
ليان ..ما اگدر و الله تحجي عليه
علي ..يعني متريدين تحجين وياية وتطمئنين عليه
ليان ..لاااا شلون ما اريد احجي وياك اوك راح اخذه واطلعلهة حجة والله كريم…
اخذت الموبايل وترزلت من امي بس ميخالف لخاطر علاوي كووولشي اتحمل و صار موعد السفر وبدون ما احد يشوفنه بسته من راسة ومن ايده وهو هم باسني من ايدي
سافر هو وامه وابو وودعته وبعيني الف دمعة وما اگدر ابجي گدامهم بس روحي مفرفحة ادري اني شجعته ع السفر بس تعودت عليه صارلي 8 شهور ويا ياربي شلون ح اتحمل يبقى شهرين بعيد عني ما ادري
رجعت للبيت وبغرفتي سگيت الگاع العطشانة من البجي وصل بدأ العلاج و سوة عمليتين واني ويا نتخابر بكل وقت وفرحانة لانه ديتجاوب جسمه وية العلاج
علي ..انقهرت ع لالي من سافرت مقهورة وصلت وبديت بالعلاج صح الم وتعب و عمليات والحمدلله الدكتور طمني بأنه نسبة شفائي ارتفعت بس يرادلي بعد عمليات وعلاج وحددلي موعد بعد 3 شهور ارجع هم اسوي عمليات
هذا كله ولالي تشجعني ووگفت وياية ومخلتني اضعف وصار وقت رجعتي للعراق بعد فترة شهرين من العلاج ورجعت للعراق
ليان ..متحمسة وطايرة من الفرح لان ح يرجع حبيبي فدووووووووة لگلبه اريد احضنه حيل بس شلووووون وصلو تلگيناهم وسلمت عليه وفرحت بشوفته بودي اطير و اموته حضن وبوس بس كلهم موجودين
والحمدلله نفسيته مرتاحة بس بعده ع الكرسي المتحرك بعد ورا مراحل من العلاج يلا يگدر يمشي 🚶 وصح اكو امل بس مو كوووولش قوي بس ان شاء الله متأملين خير
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
