علي ..اكره نضرات العطف بعينهم اكره انه يستخطوني او ياخذوني ع گد عقلي مجرد النظرات تحسسني بعجزي اني اتمنى اتعالج بس نسبة شفائي ضئيلة يعني هم عمليات والم وتعب وتاليهة تفشل
بنفس الوقت الي قهرني وحز بنفسي هو مروة حبيبتي ما اتصلت غير كم مرة من حقهة تسحب نفسهة مني وليش اساساً تبقى وية واحد مثلي وشعندي اقدملهة بس شعور فظيع شعور حقير بحياتي محاس ربع هذا الاحساس
كنت دائما المرغوب كنت دائما اني صاحب الراهي هسة كل هذه الامتيازات راحت وبقيت انتظر الي يستعطف عليه لا والله الموت ارحم من هذه الذلة
ليان ..راحت خالة تصلي وتنام گمت نضفت البيت واريد انضف غرفته بس خايفة منه شگد كنت متلهفة اشوفه بس موت اللهفة الي بداخلي اففففف شلون هسة خلي افوت للغرفة والي يصير يصير
علي ..مو گتلج ما اريد منج شي
ليان ..بخشم يابس ..
اني مجاية علمودك اجيت انظف نعمة الله الي انت ذبيتهة
علي ..يلا نظفي واطلعي بسرعة
ليان ..شلون انظف وانت گاعد اطلع
علي ..استغفر الله العظيم اطلع احسن مما اسويلي طلابة ( ع الكرسي المتحرك )
ليان ..اييي همزين طلع الغرفة سيان تلعب النفس خلي اسوي عليهة حملة تنظيف مخليت بردات چراچف زحت الچرباية والتخم والكنتور گلبتهة گلب
علي ..هاي شسويتي انتي مخبلة منو سمحلج
ليان ..ببرود احجي ويا بس گلبي مشتعل نار 🔥 ..الغرفة تلعب النفس شلون متحملهة
علي ..انتي تريدين تطلعيني من طوري شعليج انتي اني الي نايم بيهة
ليان .. اييي ادري انت نايم بيهة واني دا انظفهة علمودك لان الي اعرفه انت نظيف
علي ..وانتي شمدريج اني نظيف لا اشو اني وصخ
ليان ..لا انت نظيف و اني اعرف اهواااااااية شغلات عنك
علي ..هسة اني وين اروح وانتي گالبة غرفتي
ليان .. اطلع بالحديقة الجو حلو اليوم
علي ..كسرت النفاضة الي ع الميز .. خلصيهة هسة لا احرگهة
ليان ..جفلت ونشف دمي من كسر النفاضة وصار عصبي
ام علي ..هسة تكملهة ماما بس اهدأ
علي ..لا انتو مستهينين بية لان الله مطيح حظي ف تلعبون بية براحتكم وطلعت للحديقة
ليان ..خالة اسفة ما اقصد اسوي هيج او أأذي والله
ام علي ..لا حبيبتي زين تسوين هو فاتني ع تنظيف الغرفة همزين انتي نظفتيهة اخذي راحتج امي
ليان ..كملت الغرفة صارت تخبل بس هو بوجهي مباوع ادري بي هسة هو ضايج مني و رجعت للبيت هلكانة سبحت ونمت الصبح اجتني امي
ام ليان ..لالي ماما خابرتني ام علي تگول اليوم هم دزيلي لالي
ليان ..شعجب تريدني
ام ليان ..ليش شعجب
ليان ..لا بس عبالي اليوم انتي تروحين
ام ليان ..هي رادتج روحي لحد ما اني شوية اصير زينة و اروح
ليان ..ان شاءالله...
بيني وبين نفسي تخيلتهم بعد ميدزون عليه بس خلي اروح ع الاقل اشوف الحب حتى لو ضايج ميخالف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
أنت تقرأ
( ماالحب الا للحبيب الاولي )
Roman d'amourقصة حب تبدأ على شكل أمنية من فتاة حالمة لكن هذه الامنية سرعان ما تشق طريقها الى ارض الواقع وتصبح من امنيتها هي الى امنيته هو قصة مليئة بالاحداث الشيقة
