ليان ..من يطلع صيحيني بس ع كيف مو تفضحيني مناك ماما ترة والله ما اخليج تلعبين برة بعد
رند .. هففف افتهمنة يمعودة
ليان ..عابت فوگاها مراضية راح اگعد هنا ع المرجوحة
رند ..لالي تعالي تعالي طلع
ليان ..اباوع عليه من الزرف مال الباب اخخخخ الله شنو انت چيز كيكاية كب كيكاية ياربي شهالجمال اوووووف باع السمار لو الله خالقني السبحة الي بأيدك ولا هالعيشة
ام ليان ..تعاي ماما لالي جيبي الجاي والكليجة خلي نگعد هنا الجو طيب
ليان ..افففف يا ماما اوگفي
ام ليان ..شدتسوين انتي لاطشة بالباب
ليان ..خب بحظي المزنجر لزگت بعد خلي اروح احسن بيباي يا حلو يا عسل 🍯 من ارووووح فدوة لهالطول والعضلات
ام ليان ..يلا يمعودة مو يبس ريگنة
ليان ..اجيت اجيت…
خلي اعرفكم بنفسي اني اسمي ليان بس يدلعوني لالي عمري 23 سنة شكلي عادي شعري اسود طويل عائلتي متكونة من ماما الله يطولي بعمرهة واختي الصغيرة رند عمرهة 10 سنوات دلعهة ريري
بابا متوفي كملت سادس اعدادي وتركت بسبب ظروفنا الصعبة بابا وماما تزوجو ع كبر بسبب رفض اهل بابا لانه كانو ميريدون ماما وضلو بابا وماما يحبون بعض وينتضرون موافقة اهل بابا
بس جدو كان غني وكلمته ماشية ع الكل ورفض رفض قاطع وبابا تزوج ماما غصب عن اهلة ف اتبرو منه
وتزوجو بابا وماما واجيت اني للدنيا وراها ماما تمرضت ومصار بعد طفل الة بعد 13 سنة اجتي ريري عُمر ريري 3 سنوات مات بابا بحادث
تهنة من بعده لان ما عدنة بيت 🏠 ومحد يصرف علينه رحنة عشنة ببيت جدو اهل ماما جدو ابو ماما ميت بس بيبي مقصرت ويانه كبرتنة وساعدت ماما ومحتاجينة شي من ماتت بيبي خوالي ونسوانهم گامو يضوجون منه ويذبولنة حجي وميريدونة ومينطونة مصرف
ماما گامت تشتغل بالبيوت وراحت لاهل بابا كذا مرة وجدو يطردهة اخر مرة راحتلهم ساعدهة عمو انطاها بيت 🏠 صغير وگاللهة عيشو بي انتي وبناتج مهما كان هنة بنات اخوية وانتي مرته وبعد لتجين وتذلين نفسج وانطاها فلوس
اجتي ماما اخذتنة واجينة لهذا البيت قبل سنة وشترينة غراض للبيت واستقرينة ارتاحينة من خلصنة من الحجي والنگ يم خوالي ونسوانهم وهمة هم بعد مسألو علينه وماما تساعد جيرانه ام علي الي احبه وكاتله روحي عليه ادري اني مو من مستواه و مستحيل بيوم من الايام يصير اليه لان اني ووين وهو وين
بس شأسوي حبيته وانتظره دقيقة دقيقة حتى من يطلع اشوفة وامتع نظري المهم ماما تشتغللهم وهي تنطي لماما فلوس وعايشين صح ع گد الحال بس الحمدلله مرتاحين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تصويت 😍😘
ضيفوني سناب حبايبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
