ام ليان ..لا ماما ولا واحد بالبيت هسة وكت دوام بس ام علي ساعديهة شوية وارجعي قبل ليجون من الدوام
ليان ..رحتلهم ..هلو خالة شلونج ماما تسلم عليج ودزتني بمكانهة لان تعبانة شوية اليوم
ام علي ..اهلا حبيبتي سلامتهة لماما شبيهة
ليان ..مبيهة شي بس شوية رجليهة توجعهة
ام علي ..مابيهة غير العافية
ليان ..الله يعافيج
ام علي ..تعالي حبيبتي اريدج تنضفيلي المطبخ كله اليوم
ليان ..بيني وبين نفسي ..
عزززززززززة شكبره هذا منا لباجر ميخلص دا انضف واگول الله يساعدج ماما هلگد تشتغلين هو اني بعدني شباب وهلكد تعبت
اوووووف شوكت تفرجهة ياربي تأخر الوقت واني انضف اجوي من الدوام واني ميته من الفشلة دخل هو گلبي انخطف باوع عليه نظرة خاطفة و ما اهتم بوجودي اني هذا شبي ولا عبرني لك لو بس تدري امووووووت ع ربك ولو تريد روحي انطيكياها
صارلي سنة اراقب بيك وعيني عليك وانت ولا حاس بوجودي اصلا
رحت دا اغسل اكو مراية گدام المغسلة ضليت اباوع ع روحي ههه طبعا ميحس بوجودي اني شنو مجرد خدامة بنت خدامة يعني نكرة وميصير اباوع فوگ لان تنكسر رگبتي
اباوع ع اخته بعمري شلون مدلله وتتغنج عليهم وتتدلل عليهم وتگول لعلي
اية ..انت كذاب مو گتلي اول مينزل الاصدار الجديد مال الايفون اجيبلجيا
علي ..سألت گالولي بعدة منازل والله
اية .. لا نزل
علي ..اليوم العصر اشوف اذا موجود اشتريلجيا بعد شتريدين
اية ..شكرا حبيبي وبسته
ليان ..خنگتني العبرة ما اعرف ماغرت منهة بس انقهرت ع روحي حسيت نفسي مضلومة ومحرومة شكبراتني حتي تلفون 📱 ماعندي
دگ تلفون علي سمعته يگول هلو حبيبتي تخبلت اريد اوگف ع رجلي ما اگدر لو ادري مجاية ساعة السودة هاجت علية المواجع كملت گتلهة خالة كملت شغل تريدين شي بعد
ام علي ..لا حبيبتي شكرا
ليان ..رجعت للبيت بجيت
ام ليان ..شبيج ماما ليش تبجين
ليان ..ابجي ..ما بية شي
ام ليان ..لعد ليش تبجين احد غاثج
ليان ..محد غاثني بس تعبت الله يساعدج ع التعب الي تتعبي
ام ليان ..هاي شنسوي الحمد لله ع كل حال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
