ام علي ..سويلنة ريوگ معدل من ايدج الية و لعلي وغمزتلهة
ليان ..نجحت الخطة وهاي الغمزة مال الانتصار..
سويتلهم ريوگ قوي وتريگو وساعدتهة دخلته للحمام و خابرت الحلاق اجة زَينله وگصت اضافيرة واني هم گلبت الغرفة ونضفتهة هو ميگدر يگول لا لان يخاف ع امه بس كله يباوعلي حقد واني خربانة ضحك من جوة ليجوة
ام علي ..لج شنو انتي داهية نجحت الخطة مالتج نجاح ساحق هنيالهة لأمج عليج بعد ما استغني عنج مستحيل
ليان ....هههههههه قابل اغشج اني ..
شگد حلو طلع من زين شعره وتنضف و الحمدلله بدأ ياكل و يسمع كلام امه صح بعده متعقد بس شوية شوية العافية درجات…
ام ليان ..رحت لبيت ام علي بس ام علي رادت ليان اني مقبلت بس ترجتني وعرضت عليه راتب خيالي لليان حتى هي تداري علي وشغلهة بس علي معليهة بالبيت والدوام من 8 الصبح ل 8 بالليل گتلهة افكر
رحت حجيت وية لالي رأسا وافقت بس اني ما اريد بناتي يشتغلا بالبيوت ويتعباً مثلي واخاف عليهن صح بيت ام علي ثقة بس مع ذالك اخاف عليهة تأخرت عليهم بالرد وام علي تلح عليه اخر شي اضطريت اوافق لان احنة محتاجين
ليان ..طرت من الفرحة راح اگابله 12 ساعة لازم اساعده واغير موده واكون الة صديقة وبعدهة بلكي اصير حبيبة يارب كون وياية بكل خطوة اخطيهة ووفقني يا حبيبي يا الله…
رحتلهم الساعة 8 الصبح وحجيت وية خالة وهي كوووولش فرحانة بية وطلبت منهة يحطون تلفزيون 📺 بالغرفة وغيرت اهواية شغلات بالغرفة بينما هو راح للطبيب مراجعة
بحيث غيرت الالوان والديكور و حطيت اضوية اضافية وتلفزيون وستلايت حتى الغرفة تنور وتتغير نفسيته طبعا اكيد كالعادة هو ميقبل
