ليان.. بالمرحلة الثالثة اجة ولد وياية يداوم بس بغير قسم اسمه مصطفى واكبر مني ب 8 سنوات صح هو كبير وموضف بس عاجبه يكمل دراسة
هو كوووولش محترم صارله سنتين عينة عليه وحاجاني يريد يخطبني بس اني كنت مترددة بعدني احب علي حجيت وية ماما رحبت بالفكرة وقنعتني واجة وخطبني وتزوجنه بالعطلة
صرت حامل و ما اگدرت اكمل السنة الرابعة هو خوش انسان وحباب غمرني بحبه وحنانه وگدر نوعاً ما ينسيني علي قرب موعد ولادتي و رحنة اني وماما وريري للدكتورة حتى تچيك حالتي وبالصدفة شفنة هناك خالة ام علي ومروة مرته يم الدكتورة
اشتعلت نار 🔥 بگلبي من شفتهم وعتبت علينه وحجت وياية وگالت ليش هيج اختفيتو مو احنة عشرة عمر بدون حتى متسلمون ماما تعذرت منهة واخذت رقم 📱 ماما واني اباوع ع مرته وبگلبي اگول فضلج عليه ان شاءالله سعيد 😄 وياج شلونه حضنة دافي من تنامين بي هذا حب كل حياتي اخذتي انتي اتمنالكم السعادة واتمنى لنفسي انساه والدمعة بعيني
ام علي ..ها يوووومة علاوي حبيبي شبيك بعد اميمتك
علي ..ضايج ومالي خلگ ..گاعد بالحديقة واشرب جگاير…
مابية شي ليضل بالج
ام علي ..شلون ميضل بالي واني اشوفك طول الوكت مغندب وضايج صارلك اهواية ع هالوضعية
علي ..لا والله عادي بس ضوجة
ام علي ..اني ادري علمود موضوع الاطفال بس گول ياالله حتى لو تعالجتو اهواااية ومليتو بس استمرو متدري فرج ربك شوكت
علي ..ونعم بالله
ام علي ..يلا اگوم انام ....هااااااا نسيت اگولك تدري اليوم شفت منو
علي ..منو
ام علي ..ام ليان وليان ورند
علي ..گمت لحيلي.. شنووووووو لابربج صدگ تحجين وينهم
ام علي ..يوووومة اسم الله شبيك خرعتني
علي ..واگف… بس گوليلي وينهم
ام علي ..شبيك يوومة هيج متلهف عليهم شنو سالفتك
علي ....يوومة الله يخليج بس گوليلي وينهم وشلونهم وشگالولج
ام علي ..بس اگعد هسة افهمك
علي ..يلا گعدت بس احجي
ام علي ..شفناهم اني ومروة اليوم يم الدكتورة و عاتبت ام ليان گتلهة ليش هيج وتعذرت مني گالت صارت بسرعة ومگدرنة نگول لأحد مو تعرف هم اخذو الورث وهسة خير من الله واخذت الرقم مالتهة
علي ....يوومة ليان شلونهة
ام علي ..ما شاءالله حامل بطنهة لخشمهة وداخلة بشهرهة وتريد تجيب وشلون صايرة حلوووة
علي ..امي تحجي حسيت گمت ما اسمعهة بس عرفت بيهة حامل احس نفسي فقدت
ام علي ..علي علي يوومة شبيك
علي ..گمت احجي ببطئ ما بية شي وبالگوة رحت برة صعدت بسيارتي لان حسيت روحي اختنگت
ام علي ..شبيك يوومة اشو تخربطت احوالك
علي ..عوفيني يووومة…
عافتني امي بجيت بجيت لحد ما خلصت دموعي ما گدرت اكتم دمعتي سنين واني وادور عليهة من مكان لمكان بعدين طلعت متزوجة وعايشة حياتهة واني ميت بدونهة صح هذا اختياري واذيتهة بس حبيتهة غصب عني وبدون ما احس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
