علي ..الحمدلله بديت امشي بس شوية يعني ما اگدر مسافات طويلة كأنما طفل 👶 هسة بدأ يتعلم ع المشي 🚶 بقالي اقل من شهر وارجع للعراق ان شاءالله
مروة ..عرفت علي سافر هو بالمرحلة الاخيرة من العلاج قررت الحگة وارجعه الية مستحيل اعوفه واعوف الخير كله و اخلي يطير من ايدي صح مالي خلگ اداري و اجامله بس مضطرة شسوي
ليان .. مرت 4 شهور عبالك 4 سنين عليه ورجع علي وكنت طايرة من الفرحة والحمدلله علي صار زين ورجع يمشي 🚶 بس ع عكازة بس فرق كبير ورحمة من رب العالمين واهله سووله حفلة 🎉 وذبايح والدنيا انگلبت واني عبالك اني الي طبت مو هو فدوووووة اروحله هو هم فرحان يا ربي تديم الفرحة عليه
علي .. الحمدلله رجعت وان شاء الله فترة وارجع لشغلي وحياتي فرحان حييييييييل بس حاير و ما اعرف شسوي بين ليان ومروة ليان بگلبي ومروة بعقلي واني طول الوقت اقارن بيناتهن
مروة البنية المثقفة وهي واهلهة من مستوانة واهلي واهلهة كلهم يعرفون اني وياهة علاقة 💑 وشبه خاطبهة يعني بس كلام نسوان و ليان
اااااااااااخ ياليان گلبي يريدهة كأنما محاب قبل ابد وكأنما هي اول بنية تشوفهة عيني كوووولشي بيهة احبه بس المشكله هي مو من مستوانة و امهة كانت تشتغل عدنة وهي تشتغل عدنة يعني اذا ردت اتزوجهة حتى الحيطان تنطق وتگول لا ما اعرف متشوش ولازم احل هذه المسألة بأقرب وقت لان تعبتني حتى فرحة انه اني تعالجت وگمت ع حيلي مكملت لازم اتخلى عن وحدة منهم
ليان ..وضعنة المادي صار ممتاز وماما بعد متحتاج تشتغل يم احد ودزت عليهة ام علي وماما سولفتلهة وام علي فرحتلنة بس گالت لامي بأنه يريدون يخطبون لعلي حبيبته القديمة من گالتلي امي تخبلت ردت امووووت
بس گلت الا اتأكد منه بنفسي هو صح صارله فترة متغير عليه ومن اسأله يگولي مشغول بدوامه بس اريد اشوفه واحجي ويا اليوم اهله كلهم يروحون للمزرعة مالتهم بس هو يبقى هسة الضهر امي نامت ح اروحله واحجي ويا رحت ودخلت
علي ..هلو ليان شجابج بهالضهرية
ليان ..جيت احجي وياك صاير بالگوة ترد عليه
علي ..لا والله مو مشغول
ليان ..علي انت كنت بعز التعب والانشغال وبسفرك وعلاجك كلساع تخابرني شبيك وصحيح هذا الخبر الي سمعته
علي ..يا خبر
ليان ..بجيت ..انت ح تخطب
علي ..منو گالج
ليان ..ابجي ..بس جاوبني
علي ..تعالي اگعدي خلي افهمج
ليان ..جسمي كله يرجف احس بالگوة واگفة الله يخليك جاوبني
علي ..لالي تعرفين هي من زمان خطيبتي وهسة مالي حجة اعوفهة
ليان ..انهاريت ..واني وگلبي وتصرفاتك وياية الحضن والبوس والاتصالات هذا كله وين وين
علي ..لالي الله يخليج افهميني ما اگدر بعدين اني ماوعدتج بشي ولا حتى گتلج احبج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
