ام ليان ..بس گوليلي ماما حبيبتي اني سندج ما اصير ضدج بس فهميني
ليان ..متحملت اضم اكثر وسولفتلهة كووولشي من البداية لحد هذه اللحظة تخبلت ماما
ام ليان ..بعد منبقى بهذا المكان حضرو نفسكم نسلم لبيت لعمكم و نروح لبيتنة
ليان ..لا ماما الله يخليج ما اگدر ابتعد عنه
ام ليان ..انجبي انتي اخر من يتكلم واني مأمنة بيج واگول بنتي بمية رجال طلعتيلي حبچية بعدين شنو تريدين تشوفي شلون يخطب ويتزوج گدام عينج
ليان ..فعلا رتبنة هذاك بيتنة واشتريناله غراض وخلال اسبوع شلنة بدون منگول لأحد ماما حتى رقمهة بدلته وسلمنه البيت لعمو طبعا اني گاضيتهة بألآه والونة ما اسولف ولا اضحك مثل قبل
بس مقهورة وضايجة والليل كله ابجي واتذكر شگد كنت غبية هو ولا مرة گلي احبج صحتي صارت مو هلگد كلساع اتخربط الحياة صارت ماصخة بدون طعم بالنسبة الية بس ماما من شافت حالتي كوووولش تعبانة اقترحت علية اداوم جامعة لان اني مكمله سادس ومعدلي زين
فعلا قدمت وبديت اداوم بس مسائي وحاولت اتناسه علي بس مستحيل انساه و انسى جرحه وألمه
علي ..بعد المشكلة الي صارت بيني وبين ليان حسيت بنفسي انذل انسان بالعالم حاولت اتواصل وياها بس مگدرت لان التلفون رجعتليا وضليت اوگف فترات طويلة برة ع امل انه تطلع ماكو دزيت امي عليهم ماكو ببيتهم فص ملح وذابو سألنة ردنة الرقم مغلق ومحد يعرف وين اراضيهم
شگد دورت عليهة ما لگيتهة وهاي صار 3 سنوات متزوج ما عندي اطفال ومو سعيد وية مروة لان هي انسانة مصلحجية ومادية وصار 4 سنوات من مختفية لالي من حياتي ولا لحظة نسيتهة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
