قعدو يضحكو قالت ليها يا امي اها حتكلمي ابوي
امها: اي بكلم ابوك و اخوك و مشت منها و بعد مسافة ابوها و اخوها جو و بقو يسالو فيها وهي بتتبسم شوية و مدنقرة راسها خجلانة ما قادرة تتكلم زاتو قعدت تجاوب بعد انتهي الاستجواب
ابوها: والله يابتي لو زول كويس و بخاف الله ماف مانع و نحنا نسال و نتاكد و بعدين نديهو الاوكي
البركة: حاضر يا ابوي
و ياسر قعد يضحك قال ليها مالك مدنقرة كدا و مسك رقبتها بي يدو و حضنها قال ليها بركة البورتك اتفكت
البركة: هوووي أنا بايرة للدرجة دي اي زول بورتك بورتك برضو ياسر فكاها ضحكة و صنقع و مشى
بعد فترة الابو سأل و اتطقس و جوهم اهل احمد في البيت و اتعارفو و اكدو الخطوبة و الخطوات مشت سريع .
...........
وصل الخير البيت و لقى منى اختو و امو بتونسو
منى: وووووب يا امي دا وقع و ما سمى بالجد يا حليلو
امها: هو من وين يا بت قالو
منى: بري لما نمشي الخطوبة بنفهم يا امي لكن شكلو زول مقطع زيهم هههههههه
امها: يا بت هي البركة دي بركة الطلبها زول قالو قبل كدا طلبها واحد جارهم و رفضوهو
الخير لمن سمع اسم البركة جاهم قال ليهم في شنو قالو ليهو تعااال تعال النحكي ليك طبعا البركة في زول خطبها
منى قالت ليهو: زول معاها في الشركة يا عسل ما قلت ليك كاتلة ضلها و عاملة فيها مسكينة
الخير: يعني ادوهو خلاص ؟
قالو ليهو اي طبعا و الخطوبة الخميس الجاي
الخير مشى غرفتو من غير ما يرد و مشى ما فضل ليهو إلا يبكي و بقى يقول دا كلو من الحجة ياااااخ يا الله و بقى يمشي و يجي و يقول خلاص يعني راحت من يدي ياااخ والله بس الحمدلله حس انو احلامو اتبددت في لحظة طلع سريع مشى لي امو قال ليها كلو منك يا امي اسي كان وافقتي كان اسي أنا الحاعرسها
الام: يا ولد اتلهي عليك الله بركة شنو و قرف شنو
الخير: خير يا حاجة ماف مشكلة شكلي ما فارق معاك اكون سعيد ولا تعيس و لا هاميك في حاجة و انا العرس دا خليتو عديل كدا
الام: خليهو كان مخليهو ما قضية دي حاجة بتخصك انت
و طلع الخير و هو زعلان علي روحو و حاسي بي نفسو اتظلم و امو هي الظلمتو .
منى قالت لي امها: دا مالو خبط الباب كدا
امها: هاا الولد دا عوير ساي قال بدور بت خالتو البركة ولدي أنا طبيب قدر الدنيا تعبت فيهو و قلبي تقطع تجي تسوقو بت بخيتة بت ابراهيم عندهم شنو ديل اسي عشان يعملو عرس بيت زي الناس ما عندهم عليك الله .
.......
يوم الخطوبة لبست البركة فستان بالتركوازي و محجبة كانت و جو اهل احمد لبسوها الشبكة بقو كل خالاتها يتلفتو و يعاينو لي بعض امها زغردت و بقو يزغردو معاها و بدو بنات الخالات و باقي الناس يتكلمو عن العريس دا وجيه و شكلو كسااار بس ليه اختار البركة رغم انها ما جميلة شديد يعني هو مفترض يفكر في واحدة بيضا و حلوة شديد و بقت البركة مدنقرة و ما رفعت راسها كلو كلو و خجلااانة و ما مصدقة نفسها و بقو يباركو ليها و يتسابقو عشان يسلمو علي العريس و عدت الخطوبة والخير ماحضر الخطوبة و لا حاول الايام مشت سريع و البركة متواصلة مع خطيبها و حددو موعد للعرس و جابو الشيلة و دقو الريحة و بقو منتظرين العرس و جهزو العروس و طلعت البركة حلوة شديد في يوم عرسها و كل الناس علفت علي احمد عريسها الوجيه و اصحابه و البركة مشت معاهو شهر العسل عدت اسبوعين في اسمرا بس في حاجة. غريبة حصلت خلال شهر العسل كدرت البركة شديد و اللي هي انو اتصلت بيهو واحدة و هو في الاول صمت التلفون بس التلفون ما وقف و البركة اتوترت
البركة: دي منو
أحمد: لالا دا واحد عبيط كدا
البركة: طيب عايزة اتصل بي ناس البيت اطمنهم
أحمد: لالا بعد نرجع ياخ انسي الموضوع خلينا فينا نحنا و شغلها بعدها قام دخل الحمام سريع فتحت التلفون تلقى واحدة مرسلة ليهو ( انت ليه ما كلمتني من الاول عشان انا اتفهم الموضوع دا ...رجعت سريع لي بداية المحادثة لقت كلو حبيبي و حبيبتي و كلام كتير و قالت ليهو ليه ما كلمتني بي خطوبتك و كمان عرسك قال ليها لالا دا عرس مدبر و مجبور عليهو من ناس البيت ) البركة اتصدمت بدون ما تشعر دموعها نزلت لما جا طالع من الحمام طوالي واجهتو قالت ليهو دا شنو طوالي قلع منها التلفون و قال ليها انتي ليه تفتشي تلفوني و شكلو مافي ثقة بيناتنا قالت ليهو دا ما موضوعنا دي منو و بتقول ليها كدا ليه ؟ قال ليها لالا انتي يعني ما بتثقي فيني ماف داعي نواصل لو مافي ثقة اتخلعت من كلامو شديد حست نفسها حتخرب بيتها من شهر العسل و بقت ساكتة قال ليها اها اتفاهمي معاي نواصل و لا نقيف هنا اتخلعت و نططت عينيها .....
يتبع....
