فلاااااش بااااااك :
يا امال انا ماشة بيت ناس عمي امحمد وجاية خلاص ? خلاص امشي انا ما ماشة لانو امي براها ....بخيتة مشت و في الطريق لاقاها مصطفي قال ليها السلام عليكم يا بت عمي غطت بخيتة خشمها قالت ليهو اهلا يا ود عمي قال ليها ....انتي بت منو ? قالت ليهو انا بت عوض ود جاد السيد قال ليها اخو امحمد ود جاد السيد يعني قالت ليهو اي قال ليها سموك منو انتي قالت ليهو شين بدور بي اسمي قال ليها ...انا عجبتيني و بدور اجي البيت و اخطبك ....قالت ليهو انا الكبيرة و ما قالت اسمها و مشت وصلت ناس امحمد عمها و سلمت على بناتو و قعدت اتونست معاهم و قبل الغدا مصطفي جا بيت ناس عمها هو صاحب ولد عمها الامين سلم عليهم و بخيتة كانت بتعاين ليهو من بعيد تتبسم و هو بعاين ليها و هي مدسية بي تحت توبها رجعت البيت بخيتة مبسوووطة و فرحانة لكن ما كلمت زول عن الحصل بعد يومين اختها امال جات قالت ليها يا بخيتة كان شفتي لاقاني زول في الدكان قال اسمو مصطفي و سالني قال ليا انتي بت بت يا عوض ود جاد السيد قلت ليهو اي سالني من بيتنا ووصفتو ليه ....بخيتة طبعا قلبها قال شح خلاص دا جاي معناها زي ما قال لي ....امال قالت ليها شكلي عجبتو و قال عايزني ....قالت ليها القال ليك منو يمكن داير يعرف وصف البيت بس ...قالت ليها لالا شكلو عايز يجيني انا بالتحديد لانو سالني بالاسم قال لي انتي بت ود جاد السيد ....بخيتة قالت ليها ما ضروري ....انتي مالك يا بخيتة خايفة اعرس قبلك عشان انا الصغيرة و انتي الكبيرة ....بخيتة سكتت خلتهاما اتكلمت معاها ....مر اسبوع و جا يوم ناس مصطفي جو فعلا و قالو دايرين الكبيرة امهم جات قالت لي بخيتة خطبك واحد اسمو مصطفى صاحب ود عمك الامين بخيتة فرحت امال جاتها قالت ليها دا شنو يا بخيتة انا الحالة مورياك انو مصطفي دا لاقاني و قال دايرني ....ما قال دايرك سالك بس انتي بت منو و في النهاية عايز يعرف الوصف لانوص لاقاني و قال لي بدور اخطبك عديل ....قالت ليها لاقيتيهو بعد ما كلمتك و بقت امال تبكي و زعلت من بخيتة ...بخيتة بقت تبكي معاها قالت ليها انتي فاهمة غلط يا امال والله ....ما عايزة اسمع اي كلام انتي زولة ظالمة مافكرتك تكوني كدا .....بخيتة نادت امها قالت ليها يمة انا ما بدور اعرس لا مصطفي ولا غيرو امها جات مخلوعة سجمي لكن يا بخيتة مالك ماكنتي فرحانة اسي مالك ...لالا يمة ما فرحانة ما بدورو خلوني بس ....مشت الام متحسرة قالت لي ابوهم البت ابتو قالت ما دايراهو قال ليها خلاص امال موجودة هو مابعرفهن ....مشت الام كلمت امال قالت ليها حتكوني انتي بدل اختك امال فرحت و اتبسطت و بخيتة فرحت برضو لي فرح اختها بس امال قلبها كان شايل من بخيتة و نهائيا ما غفرت ليها عملتها و اتزفت هي بدل بخيتة و بخيتة بعدها اتزوجت ابراهيم زوجها و جابت منو البركة و سهى و ياسر و امال جابت الطيب و الخير و منى ....و امال ما نست و ما قادرة تصدق انو اختها هي المقصودة فعلا ....
الخير قال ليها معقولة يا خالتي طيب و اسي معناها البحل المشكلة دي ابوي بس ما في غيرو قالت ليهو لي يوم الليلة انا امال اختي ماصفت لي ....الخير ودعهم و مشي البيت لقى امو تبكي قالت ليهو يا الخير ماتزعل مني عليك الله انا ما قاصدة ....قال ليهو طيب و كيف تكذبي تقولي أنها ضربتك و هي ما عملت شي ....يا ولدي انا امك ....امي على عيني و راسي و انا البركة بشوف ليها مكان تاني ....منى جاتو جارية قالت ليهو يعني تخلي امك عشان مرتك انت ولد عاق ...قال ليها انتي عارفة انا والله حاقول لي ياسر راجع حساباتك و بوريهو عمايلك مع اختو عشان ما يفكر فيك ....منى اتخلعت منووو ياسر ....ايوة ياسر طلب يدك لكن انتي و امي ما بدوروهم و انا رفضت ....امو قالت ليهو عاد لكن ياسر ما زي باقي اهلو ياسر ماشاء الله مودب و مهذب ....ايوااا دا بي امارة ما طردتيهو لمن جا يسال مني ....منى قالت ليهو لالا يا الخير انت ما بتاخد قرارات زي دي انا بس البقرر انا عايزة شنو ....قال ليها لو ما صلحتي تعاملك و تصرفاتك دي بكلمو بي كل حاجة ....منى سكتت و امها برضو سكتو ....الخير ليها مشى لي ابوهوعشان يحكي ليهو الحصل زمان بالتحديد شنو ....فعلا مصطفى حكى نفس كلام بخيتة و قال ليهو انا اكتشفت انو دي ما ياها البت الانا كنت دايرها بس قبلت بي قسمتي و نهائيا ما حسست امك بي شي عاملتها احسن معامها كاني اخترتها لانو راجلها ما عندها ذنب ....يا ابوي امي طلعت بتكره اختها بالسبب دا انت لازم تفتح الموضوع مع امي و توريها الحقيقة امي فاهمة غلط ....قال ليهو لالا يا الخير دي حاجة بتجرح امك و مشاعرها حتفتكر انو انا ما بريدها بريد اختها ....يا ابوي لكن لازم نلقى حل ....خلاص انا بتكلم مع امك و أن شاء الله الموية ترجع لي مجاريها ....
يتبع....
