البركة قريب المغرب جات. راجعة و دخلت كانو امال و منى بعاينو ليها و ساكتييين ....حست في شي غريب جا طالع رالخير و بي نبرة أول مرة تسمعها قال ليها دا شنو الانا سمعتو دا ليه تعملي كدا يا البركة تمدي يدك على امي ....قالت ليهو لالا. و الله العظيم ما حصل ....كيف ما حصل دا اخر الكنت بتوقعو يا البركة والله خذلتيني فيك ....لالا والله يا الخير انا ما عملت كدا و بدت تحكي ليهو بس الخير ما كان فيهو عقل عشان يفكر و قال ليها ....ما في مبرريخليك تضربي امي مهما كان ....قالت ليهو مادام اصلا ما عندك القابلية انك تسمع مني خلاص انا ماشة بي كرامتي و دموعها كانتص مالية عيونها و مشت شالت حاجاتها و رجعت البيت ....سهى قالت ليهو معقولة ما صدقك ....اكيد حيصدق امو مستحيل يصدقني انا ....و اسي الحصل شنو حيعمل شنو ....اكيد حيعمل زي القبلو حيطلقني و نخلص اساسا الرجال ديل واااحد مافي فرق اساسا ....الله كريم يا البركة ما كلهم واحد الخير ما زي احمد بس امة دي بتكرهنا من زمان ما عارفة ليه ....الخير بي غادي كان خلاااص روحو طالعة من الزهج قال خلاص اناكدا حياتي انتهت مافي امل ؟ لكن البركة شايلة ولدي انا الحمدلله عندي منها طفل خسااارة حبي فيها و دمعتو نزلت ...مهما حصل مهماااا حصل ما تمد يدها على امي ....الخير مشى ساق عربيتو امو قالت ليهو ما ماش وين انت في الليل دا ؟ ....ماشي قريب ما بتاخر ....ركب العربية و نسى المفتاح مع التفكير رجع يشيل المفتاح .... سمع امو و منى بتكلمو كف و ما كف وقف قال في راسو يا الله امي شكلها متاثرة من الموضوع و عايزص يبكي ....سمع منى بتقول لكن يا امي جاتك فكرة الكف دي من وين عليك الله ....يابت اسكتي يمكن زول يسمعنا ...ماف زول ابوي طلع و الخير طلع قبل شوية ....برضو الموضوع دا مع نفسك ما تقوليهو سامعة ....لكن يا امي اخيرا افتكينا منها ياخ ....يابت انا امك كان ختيت زول في راسي بطيروص بطيرو ....الخير بقى متلخبط ما فاهم اي شي ... قالت ليها يعني نفسي فكرة ضربك ليها بالعكاز عشان تنزلي جناها ...اسكتي يابت انا لمن ضربتها اليوم داك ما قاصدة والله انزل جناها ولا عارفة فيهاص جنا يابت انتي فاكرة انا زولة مجرمة ولا شنو انا اخري ادقها و اطيرها لكن ما بتصل انزل جناها جا داخل الخير ماقدر يمسك اعصابو قال ليهم شنووو ؟ انتي يا امي نزلتي جناها ؟ جناها دا لكن ما جنى جناك يعني ولدي يا امي امال وقفت على حيلها و تاني قعدت من الخلعة قالت ليهو لالا انا ما كنت قاصدة والله انا زاتي ما عارفة ...الخير مشي جاب المفتاح و مشي بيت ناس البركة ....هناك ياسر لاقاهو قال ليهو في شنو يا الخير والله ما كان العشم معقولة ...الخير الكلام غلبو قال ليهو ممكن تنادي البركة عليك الله مشى ناداها ...جات وقفت قالت ليهو اها عايز تطلقني صاح و العبرةص خنقتها و بكت ياسر طلع رخلاهم الخير جا عليها و حضنها و هي كانت بتلز فيهو قالت ليهو شنو عايز شنو ؟ قال ليها انا اسف والله انا لمن لقيت امي بتبكي ما سيطرت على اعصابي و غضبت بس عليك الله سامحيني ....البركة حنت عليهو و ضمتو عليها قالت ليهو مسامحاك ....قعدها في السرير الجنبهم قال ليها ليه وما حكيتي لي انو امي ضربتك و اجهضتي ....قالت ليهو اكيد أخمص ما قاصدة و ممكن اتسبب ليها في مشكلة لو قلت كدا و هي ما عارفة اني حامل اساسا ....قال ليها ياخ انا ما عارف انا فكرت فيك كدا كيف و بعدين عايز اسالك ليه امي و امك ما كويسات مع بعض قالت ليهو .... امك بس امي ما عندها معاها مشكلة قال ليها خلاص نادي لي خالتي بخيتة انا لازم اعرف المشكلة وين و نحلها قالت ليهو والله تكون عملت خير مشت البركة تنادي امها مبسوطة ياسر لقاها مبسوطة فرح دخل للخير قال ليهو انا عايزك في موضوع ...قال ليهو قول طوالي انا اخوك قال ليهو والله انا من زمان عايز منى اختك لكن ما كنت جاهز عشان اطلب طلب زي دا انت رايك شنو قال ليهو لكن مني ماتستاهلك ....ياسر نططت عينيه قال ليهو كيف يعني انت ما موافق ....ضحك قال ليهو هي ماتستاهل زول زيك ...قال ليهو ياخ انا عايزها و طوالي بدعي انو ما تكون لي غيري قال ليهو ...يعني بورتها لينا و قعدت ....ضحكو قال ليهو يعني الحب أعمى للدرجة دي 😂 قال ليهو ياخ انت لو موافق اسالها ...قال ليهو تمام نادي لي البركة عشان نمشي ....مشى ناداها ليهو قال ليها نرجع البيت قالت ليهو لالا انا صراحة مابقدر ارجع معاك ....ليه لكن الحصل شنو ....صراحة اناعايزة بيت براي عشان المشاكل و امك يمكن متضايقة مني ....حقققك يا زولة ما مشكلة انا من بكرة بشوف لي شقة ااجرها ليك تمام .... قالت ليهو تمام امي قالت ليك جاية يلا انا ماشة اخليكم على راحتكم .....بخيتة جات سلمت على الخير و سالتو من حالو واحوالو و امو و اخوهو و اختو ...قال ليها عليك الله يا خالتي قولي لي الحقيقة انتي امي مالها معاك انا عايز اعرف قالت ليهو والله يا الخير يا ولدي دا موضوع طوييل حصل زمان ساعتنا الكنا فتوات ....
يتبع....
