.قبل ما تكمل قالت رليها يا بت مجتمع شنو عسى أن تحبو شيئا وهو شر لكم اسي احمد راجلك دا كلووو شرور و زي ما حكيتي لي شك في جناهو و بعد دا فات خلاهو وهو متاكد انو دا ولدو عليك الله اسكتي قالت ليها اسي الخير في الطلاق شنو عليك الله مافيه و خير ولا شيتين قالت ليها يابت استهدي بالله لو مافيهو خير دفع عنك شر قالت ليها احمد لكن ما شر و علي قلبي زييي العسل حتي لو كان صعب شوية ما مشكلة اسي النسوان بمسكن بيتهن قالت ليها البركة عليك الله اسكتي انتي اشتقت لي راجلك ولا شنو البركة دنقرت و خجلت قالت ليها و دمعت عيونها اسي ولا حصل سال من مهند ولدو و العدة قربت تخلص ما عايز يرجعني قالت رليها والله انتي غايتو ما تقولي لي كنتي منتظرة السجم يرجعك بعدها سكتو مساافة فجأة سهى قبلت عليها قالت ليها انتي يا البركة استخرتي في راجلك دا البركة قالت رليها والله ما متدكرة كان استخرت كان ما استخرت و اتذكرت انها كانت فرحانة بيهو شديد و حبتو بي كل حواسها فبل مايعرسها و كانت فرحانة بالحاجات الجابها بس ما اتذكرت حتة زي دي و قالت ليها مااظن لكن اتذكرت يا سهى أنا استخرت قبل مايطلقني بي يوم و قلت ان كان شرا لي اصرفه عني و اصرفني عنه قالت ليها بسسسس معناها ربنا صرفو منك لانو شر دا ياخ الله يرمرضو قاهرني كيف شرشحك الله يشرشحو بقت البركة تقول في نفسها يعني ما كان استخير عشان ربنا ما يصرفو عني اسي هدا انصرف و زعلت شديد لمن العبرة خنقتها و حست نفسها ندامانة علي الاستخارة الخربت بيتها دي بس تاني قالت راستغفر الله العظيييم يا ربي و قامت مشت غسلت وشها بس قلبها ملااان وجع ...
عدت البركة فترة العدة حقتها و بقت تحاول تتناسي الحصل ليها و المغايس الشافتها من زوجها السابق و قالت لي امها ....امي انا عايزة احاول ارجع رشغلي في الشركة الزمان .... يابتي احسن حاجة احسن تعيشي حياتك و تشغلي نفسك الحياة ما وقفت على الحصل ربناص يعوضك بالاحسن .... يا امي يعوضني سنتصل انا خلاااص قنعت من الدنيا دي و ما عايزة شي ولدي هو دنيتي و بس .... البركة اتحركت و مشت على الشركة الكانت شغالة فيها ولو انو بتذكرها بي تعرفها على أحمد زوجها و مما وصلت مقر الشركةص قلبها بقى يدق دق بس اتشجعت و مشت و دخلت لي مديرها اساساص بتعرفو و قابض ليها انو هي زولة ممتازة بس خازوق من الاول معاهم ما نفس وضعها القديم وافقت و حست بي انها انجزت و بقت طوالي معاهم ...و في يوم البركة مشت الشركة و في الطريق لاقت الخير وقف ليها بالعربية و هو مبتسم للضرس الأخير انو شااافها بعد طووول غياب حس انو ممكن يعيش سعيد في الدنيا دي سلمو على بعض عادي و الخير قال ليها اركبي اوصلك قالت ليهو ما في داعي بس بعد تحانيس وافقت على و ركبت و الخير ما مصدق يشيل و يتبسم و يعاين ليها و هي انتبهت بس طنشت عملت ما شايفة و بعد وصلت خلاص عايزة تنزل وقفها ....البركة دقيقة ممكن اسالك سؤال ... اتفضل .... أنا اتكلمت مع ياسر اخوك في موضوع ما جاب ليك سيرة ... لالا والله موضوع شنو .... موضوع خاص بي أنا ....هنا البركةص فهمت قصدو بس عملت ما فاهمة ....مافهمتك يا الخير و ظهر على وشها الزعل .... قبل على الشارع و قال ليها انا عايزك يا البركة و الله و من زمان .... ردت بي زهج بس اسي ما زي زمان و للاسف اتاخرت شديد عن اذنك انا اتاخرت ....الخير اتصدم من ردها بس ما يئس حاسي انها حتكون ليهو في يوم من الأيام ....مشى و خلاها ...البركة اليوم داك ما بطلت تفكير في كلام الخير و سرحانة اليوم كلووو و بقت تقول من متييين معقولة الخير و خالتو امال لكن مبالغة بتكرهنا كاننا كتلنا ليها زول ....المهم لما رجعت البيت انتظرت ياسر بي فااارق الصبر عشان يجي تتفاهم معاهو ....لما جا داخلص قالت ليهو عايزاك في موضوع مشى استحم و غير ملابسو و جاها في غرفتهم هي و سهى ....قالت ليهو انت الخير قال ليك شنو ...قال ليها اهااا انا نسيت والله يا البركة الخير قال عايزك و الله من زمان هو كان عايزك بس امو اعترضت عشان كدا ما قدر يجي يسبق احمد و لما تمت الخطوبة قال لي كان مصدوم و ما قدر يعمل شي و حس انك ضعتي منو ....معقولة ؟ طيب تمام بس قسمتي و انا اخدتها مع أحمد و ربنا عوضني بي مهند ولدي و ما عايزة شي تاني .... البركة و الله الخير دا بحبك بالجد ....البركة هنا قلبها قبضها شديد حست بي احساس غريب و اتوترت ....والله يا البركةص بحبك و البحب زول عمرو ما بكرهو و انتي اصابع يدك ما واحد أحمد اذا طلع زول دنئ ما معناها الخير كعب و لا زيو عشان كدا استخيري احسن و فوضي امرك لي ربنا بس ...
يتبع....
