الخير: بي صراحة يا ياسر أنا عايز اقول ليك حكايتي من البداية و حكى ليهو من قبل البركة ماتتزوج
ياسر: ليه خالتي دي مابيانا كدا نحن سوينا ليها شنو
الخير: دا المحيرني والله يا ياسر قدر ماسالتها ما ادتني عقاد نافع و اسي أنا داير البركة لو وافقتو يعني
ياسر: أنا بتمناك ليها والله البركة طيبة شديد و فعلا بركة اسي راجلها المقطع دا مما عرسها كان مؤجر في ظرف سنة و نص عمل بيت و عربية و كمان أشتري عقد و عرس و امررو بقت واضحة شفت محل ما تمشي البركة دي بكون في بركة و اسي نحنا لاحظنا للحكاية دي في البيت مما جات ابوي دا كان بكوس ليهو في عربية يسوقها امجاد و ما لقى ليهو واحدة سمحة كدا لينا كم شهر نحنا نفتش اسي البركة جات ابوي قبيل شايفو جاي داخل مبسوط شكلو لقى ليهو واحدة و بقو منتظرين بتونسو و قال ليهو انت يا الخير لو ما خالتي امال ما وافقت حتعرسها كيف
الخير: أنا ابوي وعدني يقنعها وأنا اسي قلت المح ليك عشان ما افوت الفرصة و اسي حكيت ليك عديل بس ما تكلم زول لمن العدة حقتها تنتهي
ياسر: خلاص خير يا زول و مشى خلاهو
و ياسر فعلا مشي الشركة و لما وصل لقى نفسو ختوهو رئيس قسم اتخلع و نططت عيونو وقال لالا ما افرح ساي شكلهم غلطو في الاسم هههه و مشي مكتبو لقى الناس بتبارك و بقولو ليهو ويبين على الحلاوة قال ليهم يا اخوانا انتو والله غلطانين أنا الببقيتي رئيس قسم شنو أنا قالو ليهو دا الحصل قال ليهم طيب دقائق امشي اتاكد مشي للمدير وهو بين فرحان و ما عايز يشعر بالخيبة بعد يعرف الخطأ المطبعي دا لما وصل للمدير بقى يبلع في ريقو و يقول ليها سياتك انااا ...سياتك الليلة الصباح في البورد معلقين رالترقيات دي
المدير: ايواا صاح الف مبروك والله نحنا استغنينا عن مجموعة كبيرة من الموظفين و بصراحة كدا دي كانت شبكة من المرتشين و المختلسين و ناس عايزين يدمرو الشركة و بركة الاتخلصنا منهم و بقينا في مشكلة بتاعت اقسام ما فيها رؤسا قلنا أعلى الدرجات نختهم روسا و الاقل يكونو مساعدين و هكذا انت طبعا لقينا السي في بتاعك ماشاء الله ملان شهادات تدريبية و غير خبرتك معانا هنا رغم صغر سنك و انت لو لقيناك مجد في شغغلك و بتنجز يمكن حتى لو لقينا زول للقسم ممكن نخليك فيهو قال ليهو يعني لي فترة مؤقتة الحكاية دي قال ليهو حسب شغلك حتكون مؤقتة أو دائمة و يمكن تزيد قال ليهو خي ر ان شاء الله اكون عند حسن الظن و مااا صدق ياسر جرى لي ناس القسم بتاعو و بقى يوزع في الشغل و متحمممس و قال ان شاء الله دي فرصة و ما بتضيع مني اخر اليوم جا محمل تقيل و حكي لي ناس البيت كلهم في الغدا الحصل و كمان سهى قالت ليهم والله انا برضو في الجامعة الليلة حصلت لي حاجة غريبة أنا طبعا كان عندي دكتور كدا مقاصدني عديل كدا و بكرهو و بكرهني يعني في كره متبادل بينا بس الليلة جا داخل و بعد سلم قال وييين سهى ابراهيم حامد انا اتخلعت و بقيت لا عارفة اطنش ولا عارفة اقيف بس وقفت قلت ليهو نعم يا دكتور طبعا هو زاتو اتخلع قال لي هو دي انتي ياخ والله ماشاء الله انتي جبتي أعلى درجة في ال Zoology أنا طبعا اتبسسسط من جوة قلبي والله و هو زاتو مبسوط شديد مني الليلة اليوم دا احلى يوم ياااخ ابوهم طبعا بقى يضحك و يقول ليهم عسى أن تكرهوا شيئا وهو خيرا لكم أنا برضو لقيت الامجاد و نضيفة و بي السعر الخاتيهو ليها والله اتفقت مع سيدها بكرة نتلاقى و نخلص اسي كنا زعلانين عشان رالبركة طلقوها بس جات و جابت لينا معاها البركة ..البركة قالت ليهم انتو دي صدف والله ساي بتقولو كدا كان فعلا بركة كنا بقينا مليونيرات امهم قالت ليهم هوي برضو كان معانا ولا شنو مع راجلها بركتها بتصلنا لانها بتنا ما تقعدها كدا عشان تاخدو بركتها و كلام فارغ ساكت ابوها قا ل ليها يابتي البركة مافي القروش البركة دي في حاجات كتيرة والله اسي اختك قالت اتفوقت في المادة دي قروش ? لكن الله يديك العافية و الفي مرادك يابتي ....
مرت الايام و البركة قاعدة بس تتحسر علي الفات و عدتها قربت تخلص و زهجت من الانتظار و تلفونها من يوم اتطلقت ما رن لانو ما عندها علاقات زاتو مع زول راجلها قطعها من كل الناس و بقت بس قاعدة و في يوم بتتونس مع سهى قالت ليها انتي عارفة يا سهى أنا والله ندمانة اني قلت لي احمد رطلقني اسي بقيت مطلقة و المجتمع نظرتو ...
يتبع....
