و فقت توازنها ووقفت عن المسح و قعدت ام الخير جات قالت ليها دا شنو يا البركة القعدك كدا شنو قالتص ليها يا خالتي راسي لف ....اها قمنا على حركات الاستهبال حق البناتص شنو راسي لف و ضخت و الكلام الفاضي دا قومي تمي شغلتك انا خمول نسوان ما بنفع معاي قالت ليها لكن يا خالتي والله انا ما طبيعية ....بلا ماطبيعية معاك ....منى جات طالعة قالت ليها دا كلووو تستاهلي نحنا رفضناك عايزة تقعدي في قلوب الناس و غصبا عنهم ....البركة العبرة خنقتها قالت ليها انا ما كنت عارفة انكم ما عايزيني والله ....كضااابة والله كنتي عارفة لكن ماصدقتي لقيت ليك زول عرسك بعد طلقوك ....امال قالت لي منى اساسا النسوان البطلقن ديل بكون فيهن انه زول بفكر يعرسن تاني ما في اكيد السبب هي الطفشت الراجل بي بشتنتها و عولاقها ....قالت ليها هههههههه و انحنا يا امي بس الله ابتلانا بيها ....قامت البركة ماسكة راسها بس دموعها في عيونها و تحاول تخفي حزنها و قالت في راسها ....الدنيا دي اصلا مافيها خير يا امها راجلك يوريك الويل و نسابتك يعاملوك سمح يا اما راجلك يكون عسل و نسابتك يكونو بصل مابتجلي كلو كلو اخير وجع النسابة من وجع الرجال ....قامت البركة براااحة و دنقرت امال ادتها ضربة بي طرف العكاز إلهي شايلاهو و كانت الضربة القاضية البركة وقعت و انكسر فيها نزيف منى اتخلعت بقت تكورك ....يا امي عملتي ليها شنو الليلة وااااي مالها اسي ....امها اتخلعت قالت ليها معقولة الضربة البسيطة دي تعمل فيها كدا اجري يابت العويرة دي نادي ابوك ....نادت ابوها و شالوها ركبوها العربية و ودوها الحوادث ....قالو ليهم دا اجهاض لكن المرأة دي شكلها كانت مرهقة أو وقعت أو حصلت ليها حاجة اتسببت في الاجهاض منى بقت ترجف من الخوف و امال اتوترت قالت ليهو لالا قالت بس عندها لفة راس و وقعت ....الخير جا بعد مسافة و فهم الحاصل و دخل للبركة و قال ليها الحمدلله على سلامتك مالك حصل شنو حكت ليهو ....كنت بمسح و فجأة حسيت بي لفة راس ووقعت و نقلوني هنا ....قال ليها خييير ربنا يعوضنا أن شاء الله رجعو البيت و امال مامصدقة انو البركة ما اتكلمت عن العملتو فيها و بقت مابتضغط عليها في الشغل زي اول بس لسة بتسمعها كلام يسم البدن و دا غير تعاملها مع. مهند ولدها لو جا عليهم بقولو ليهو امشي من هنا امشي لي امك و البركة تاني بقت حامل و الخير مبسوووط و كان بعامل مهند احسن معاملة بجيب ليهو الالعاب و الهديا و بسوقهم هو و البركة كل جمعة منتزه يرفعو و كان مهند بقول للخير بابا و بحبو شديد و الخير كمان بقول لي مهند انا بحبك انت و امك و البركة مامصدقة انو ممكن يكون فى الكون في زول زي الخير ما في مقارنة بينو وبين احمد كانها كانت مع الشر و بقت مع الخير في يوم منالايام البركةص كانت في شهرها السابع و بطنها طامة و زهجانة قالت للخير انا الليلة زهجانة والله ما طايقة اي شي ماقادرة امشي لي ناس امك بي غادي قال ليها خلاص انا بكلمهم يجيبو ليك أكل بي جاي قالت ليهو خلاص مشى طلع و كلم امرض و منى قال ليهن البركة الليلة تعبانة ودو ليها الاكل بي غادي قالو ليهو طيب و طلع مشى شغلو .....البركة قعدت بي جاي للساعة وحدة ماف زول اشتغل بيها جات طلعت مشت المطبخ لقت امال خالتها قاعدة قالت ليها تقولي للخير خليهم يجيبو لي اكل فى غرفتي نحنا خدامين عندك ؟ ....البركة ما ردت مشت شافت ليها صحت كبت فيهو من الملاح و شالت عيشة ....امال جاتها كمان وصلت بيك ما تردي لي ؟ ....قالت ليها لو سمحتي يا خالتي انا والله ما قادرة امسك اعصابي و تعبت خلااص انا ما عايزة اكل دا لي مهند جاع ..... جات منى قالت ليها تردي لي امي يا معفنة و بدت الشكلة و الكواريك و البركة مشت ساقت مهند و مشت اهلها ....الخير جا المساء سال من البركة امو قعدت تبكي قالت ليهو يا الخير انا زي امها مفترض تحترمني انا خالتها لزم ....الخير اتخلع في شنو يا امي ....قالت ليهو البركة عملت عملتها و مشت اهلها ....عملتها ياتا يا امي ....ضربتني يا الخير ادتني كف على اخر عمري تجي بت اختي اللي هي بتي تديني كف ....شنووووو كفتتكك لكن ليه معقولة وصلت بيها لكن ليه معقولة وصلت بيها للدرجة دي اي الحمل مزهجها لكن ما بالطريقة دي ....قالت ليهو قالت لي ليه ماجبتو لي الاكل في غرفتي ....خلاص يا امي ماتبكي ماتزعلي نفسك و انا البركة دي خلاص قنعت منها ألما عندو خير في اهلي ما يلزمني ....اسي يا ولدي البركة مشت اهلها اسي حتعمل شنو انا ما عايزة اخرب بيتك ....لالا يا امي خليها وعليهاتقعد قبلها اصلووو ما تجي راجعة ....امال و منى اتبسطووو جدا من قرار الخير ....و قدر ما الخير كان بحب البركة بس اشمأز منها لما قالو كفتت امو بطنو طمت ....قلبو واااجعو لكن ما عارف يعمل شنو يتصرف كيف و دي امو ....
يتبع....
