٤٨ يوم '٢'

- ١ -

متابعين القصة .. دا الجزء التاني .. اللي ما قرأش الاول يا ريت يرجع يقرأه عشان يفهم الاحداث كاملة .. شكرا ❤

____

#تالا

انا : حبيبي هتلاقيه هناك !!

زياد : يا ماما مش لاقيه !!

انا : زيااد !! امشي من قدامي دلوقتي !! روح اعمل الواجب !!

شريف : انا جيييت

انا : اهو بابا جه روح اسأله !!

زياد : بابا بابا شوفت القلم الاحمر بتاعي ؟!

شريف فتح البدلة كدة وطلعه

شريف : دا ؟!

زياد : ايوة دا !!

انا بصوت عالي : بيعمل اية ف جيبك يا شريف !!

شريف : عجبني ف خدته 😂😂💃

انا : انت عارف ان الحمار دا قارفني من الصبح عشان ام القلم دا 😡😡💔

شريف : ما انا لقيته على الارض ف خدته 😂😂💔

رفعت رجلي .. الشبشب نزل ف ايدي وضربت زياد بيه

انا : امشي يا ابن الجزمة ادخل اوضتك زاكر وعلى الله اشوف ادواتك على الارض !! امشي !! 😡😡👊

حطيت الشبشب ع الارض تاني وحطيت ايدي ف وسطي والايد التانية رجعت بيها شعري لورا ..

شريف : ازيك يا حبيبتي 😚❤

انا : زفت يا شريف زفت !!

سبته ودخلت المطبخ برزع ف الحلل والاطباق .. قلع الساعة والجاكت وحطتهم

انا : الساعة على التسريحة والجاكت ف الدولاب عندك غسيل حطته ف السبت عشان هشغل الغسالة كمان شوية !!

شريف : طيب يا تالا في اية ؟!

انا : اسمع الكلام يا شريف الله يخليك

راح عمل زي ما قولت وغير هدومه وصلى وجه وقف ف المطبخ ..

شريف : في اية مالك ؟!

سكت شوية

انا : هاتلي البصلة دي من عندك

شريف : بقولك مااالك ؟!

مالك : نعم يا بابا ؟!

شريف : حبيب بابا وحشتني 💜 *شاله*

انا : انت اية اللي طلعك من اوضتك ؟!! انا مش قولتلك ما تطلعش منها !!

مالك : ما انا سمعت بابا بيقول اسمي ..

انا : انا قولت اطلع ؟! لما اقولك اطلع يبقا تطلع !!

شريف : لية هو عمل اية ؟!

انا : فتح زراير البوتاجاز كلها !! الغاز ملى الشقة 😡😡💔