٤٨ يوم '٢'

- ٣٠ -

#جوري

انا : اتأخرت لية يا زياد؟!

زياد : معلش انا جاي اهو.. اقفلي يلا

قفلت معاه وحطيت التليفون.. صبا جت قعدت جمبي

صبا : البيت وحش اوي..

انا : ما كنتش متخيلة ان يجي يوم اكون قاعدة ف البيت كدة من غير بابا وماما.. حاجة صعبة اوي يا صبا 💔

صبا : بس انا مبسوطة ب اللي انتو عملتوه.. فكرة الجمعية الخيرية دي حلوة جدا.. اكيد بابا وماما مبسوطين ب دا..

انا : بابا كان عايز دا يحصل ف حياته وكان كل شوية يقولنا بس احنا ما بنسمعش الكلام.. دلوقتي سمعنا الكلام غصب عننا.. دي وصيته ولازم تتنفذ..

لانا جت جري عليا

لانا : مامااا 😭😭 احنا كل مرة بنيجي هنا بتقوليلي جدو وتيتا زمانهم جايين هما فين بقا!! 😭💔 انا قلقت عليهم جدا! 💔

انا : ... هما مش هيجوا تاني يا لانا

لانا : يعني اية 😐

انا : يعني مش هتشوفهم تاني

لانا : انتي ما قولتليش كدة!! قولتيلي انهم ف مشوار وجايين وكل مرة اسألك تعيطي بتعيطي لية!!

انا : عشان انا كمان عايزة اشوفهم! 😢😢💔

حطيت ايدي على وشي..

صبا : تعالي يا لانا نشوف خالو جه ولا لسة.. انتي اصلا ما بتلعبيش مع نور وسهيل لية يا لانا! هما زعلوكي؟! دا انا هقطعهم!

زياد فتح الباب ودخل لقاني بعيط كدة قعد جمبي وحط ايده على راسي..

زياد : انا كل ما اقول انك بقيتي احسن الاقيكي بقيتي اسوأ!!

انا : مش مستوعبة ان الاتنين راحوا ورا بعض كدة يا زياد! 😭 انا بقالي كتير ساكتة وبحاول اني ابان كويسة بس مش عارفة!!

زياد : على فكرة بابا ما كانش بيحب انك تعيطي! وكنتي دلوعة بابا والذي منه!

انا : انا حاسة اني لسة طفلة عايزة اسمع كلامه واسمع زعيق ماما! لسة عايزة حد يوجهني يقولي دا صح ودا غلط!! انت متخيل ان بعد شوية رايحين نزورهم ف مكان تاني غير بيتهم؟؟! انت مش حاسس ب اللي انا حساه يا زياد!!

زياد : يعني انتي كنتي بنتهم وانا لا!! انتي عارفة بابا كان بالنسبالي اية!! انا ما كنتش بتجرأ اعمل اي خطوة من غير ما اسأله!! وماما كمان ما كنتش بمشي غير بدعاها! الحياة مش هتفضل مستمرة! مفيش حد بيعيش العمر كله يا جوري!

مالك دخل.. قعد قدامنا احنا الاتنين وبصلنا وهو ساكت

زياد : يلا.. يلا قوموا عشان نروح

مالك : مش هاجي معاكوا

زياد : نعم!!

مالك : مش.. هاجي.. معاكوا!