٤٨ يوم '٢'

- ٢١ -

#شريف

عديت على ندى خدتها معايا وروحنا الشركة

ندى : اومال انت ساكت كدة لية يا شريف؟!

انا : عادي..

ندى : لا في حاجة حصلت اكيد..

انا : لا لا عادي

ندى : لا ما تخبيش عليا 😔 قولي يمكن اقدر اساعدك!

انا : مالك قالي بكرهك.. ها تقدري تساعديني دلوقتي؟! ☺💔

ندى : اممم طب هو قالك كدة لية؟!

خدت نفسي وسكت..

انا : ندى انا فعلا مش عايز اتكلم ف حاجة.. عايز افصل.. مفيش طاقة للكلام والله

ندى : طيب خلاص خلاص.. عايز حاجة تشربها؟!

انا : لا لا مش عايز..

ندى : طب عشان خاطري ما تضايقش نفسك كدة..

ضحكت بالراحة..

انا : يلا روحي على شغلك عشان عمرو ما يتضايقش

ندى : حاضر..

قامت وانا بصيت ف الورق اللي قدامي..

ندى : شريف!

بصيتلها وبعدين لقيتها عملتلي كدة 😚👋 ضحكت وشاورتلها..

بعد ما طلعت.. تليفوني رن..

شخص : استاذ شريف؟!

انا : ايوة اتفضل

شخص : انا مدير مدرسة مالك حضرتك

انا : اهلا وسهلا اتفضل!

المدير : مالك من ساعة ما جه وهو قاعد لوحده ولما حد يكلمه يزعق ويضرب ويشتم.. يعن--

انا : طيب طيب انا جاي على طول..

قفلت معاه.. جريت ايدي ف شعري.. خدت التليفون ونزلت..

وانا سايق كنت بفكر.. هروح اقولهم اية؟! اقولهم ان انا السبب ف تصرفاته دي؟! ولا اقول اني ضربت امه قدامه ف اكيد دا مأثر عليه؟!

ما كنتش عارف هقدم اي عذر..

لما وصلت.. روحت مكتب المدير وقعدت معاه بعد شوية لقيت مالك داخل ومعاه المُدرسة بتاعته.. وقالتلي على اللي عمله كله..

انا : ينفع كدة يا مالك؟! انا ربيتك على كدة!

المدرسة : مالك ف العادي بيبقا هادي جدا.. وشاطر كمان وبيشارك ف الانشطة كلها! اللي حصل النهاردة دا غريب بصراحة!

انا : انا بعتذر على اللي عمله.. ممكن اخده ونمشي؟!

المدير : اكيد طبعا اتفضل.. بس لو حضرتك عندك مشاكل يا ريت تبعد مالك عتها عشان ما يتأثرش بالشكل دا تاني!

انا : تمام..

مالك : انا مش عايز امشي معاك!!

انا : طيب تعالى نركب العربية واتكلم انا وانت..