٤٨ يوم '٢'

- ٤ -

#شريف

الدكتورة : للاسف هو دا اللي حصل .. انا ما عرفتش اقولها حاجة اعصابها تعبانة جدا .. لو تقدر انت ؟!

سكت خالص .. سبتها ودخلت اوضة تالا .. لقيتها قاعدة بقا رابطة دماغها ومشبكة ايديها ف بعض وباصة فيهم وبتعيط .. كنت واقف عند الباب ولما قفلته .. تالا بصتلي وعيطت اكتر .. قربت ناحيتها وقعدت جمبها .. مسكت ايديها ومسحت عيونها بصتلي ف عيني كأنها بتعتذر ..

تالا بصوت متقطع : انت لس- لسة زعلان م-ني ؟!

انا : تؤ .. *بوست راسها* خلاص .. انا فهمت فعلا انك ما اتعديتيش حدودك معاه .. وعمار طيب وجدع .. معاكي .. وانتي عرفتيه على بنت اللي هي بقت مراته دلوقتي .. يعني .. خلاص مش مستاهلة ..

تالا : بجد يا شريف ؟!

هزيت راسي بمعنى اه وضحكت وبوست راسها ❤

انا : اية اللي وقعك بقا ؟!

تالا : زياد كان عايز الكورة من فوق النيش ف جبت كرسي ووقفت عليه عشان اجيبها .. مش عارفة حصلي اية دوخت كدة ووقعت ما حسيتش ب حاجة ..

انا : اية اللي خلاكي تدوخي ؟!

تالا : مش عارفة .. يمكن عشان ما كنتش باكل ..

انا : ودا ينفع ؟! انتي عارفة اني ما بحبش كدة !!

تالا : ما انت عارف لما ببقا زعلانة مش باكل .. او يمكن .. عشان .. انا .. حامل

بصيت الناحية التانية ..

تالا : انت ما فرحتش ؟!

انا : انتي عارفة ان كل حاجة قسمة ونصيب صح ؟!

كانت ساكتة وبصالي بس ..

انا : وانا مش هزعل بس انتي ما تزعليش عشان انا ما بحبكيش زعلانة .. *خدت نفس* البيبي مات

بصت قدامها وسكتت ..

تالا : مات ؟!

انا : بقاله اسبوعين .. ما تزعليش .. انا اسف انا اللي زعلتك .. انا حاسس ان انا السبب ف موته ..

تالا : انت دايما تقولي انه قدر .. دا قدر 😄❤

بصيتلها كتير عيني دمعت وحضنتها ❤

تالا : انت مش زعلان مني بجد ؟!

انا : لا خلاص 💜 اهم حاجة عندي دلوقتي انتي .. انتي دايما اهم حاجة عندي .. مهما حصل ومهما هيحصل صدقيني هفضل احبك .. قدامك انتي بس ببقا ضعيف ومعاكي ببقا اقوى .. لازم لما ابقا معاكي انتي كمان لازم تبقي قوية ما انا مش هينفع ابقا قوي لوحدي 😂😂💔

ضحكت بعدين الدكتورة دخلت وبصتلي هزيت راسي بمعنى اني قولتلها يعني 😅

الدكتورة : طييب يا مدام تالا ان شاء الله مش هتحتاجي عملية بالادوية كله هيمشي ان شاء الله 😄 هي كويسة تقدروا تمشوا ..