٤٨ يوم '٢'

- ٢٧ -

#شريف

تالا : لين.. لين هي اللي قولتلها الكلام دا..

انا : لين مين؟!

تالا بصتلي وكشرت 😂💔

انا : اهدي عليا بس لين اية! لين اللي هي لين ولا لين مش لين والله انا هيجيلي لين ف العظام من اللي شوفته! انطقي يا بجعة انتي لين مين!!

تالا : لين يا شريف لين صاحبتي!!!

انا : صاحبتك اية ونيلة اية وهي صاحبتك تعمل فيكي كدة؟! صاحبتك تدمر حياتك بالمنظر دا؟! دي اي نوع من الصحاب دي!! انتي متأكدة انها لين صاحبتك؟!

تالا : ايوة يا شريف ايوة!!

انا : لين اللي عاشت معاكي اكتر مني! والله مش مصدق نفسي هتجنن!! 😂💔 دا انا ساعات كنت بغير عليكي منها 😂💔 دا انا اهاهاها مش مصدق 😂💔 هي كانت بتعمل حبوبة ولذوذة قدامك ومن ورا ضهرك شيطان رجيم 😂💔 ههه هو دا مفهوم الصحاب يا نهار اسود 😂😂💔💔 يا رب يا رب استغفر الله العظيم!

تالا : طيب انا عايزة اتأكد يم- يمكن مش لين

انا : انتي لسة قايلالي انها هي ب لسانك!!!

تالا : يمكن انا اتلغبطت.. امسك التسجيل كدة واسمع على.. ما انا اقوم اغسل وشي كدة عشان افوق

سمعت التسجيل تاني واتأكدت انها لين..

تالا : مش هي صح؟! قول انها مش هي

انا : هي يا تالا..

تالا : لين؟! يعني هي فعلا اللي ورا دا؟! هي اللي كانت بتوقع بيني وبينك!! يعني انا لازم اصدق انها لين؟! لا مش ممكن!! انا كنت بعتبرها اختي!! اسراري كلها كانت معاها.. اسراري اللي آمنتها عليها وما كانش له لازمة تتفتح تاني وهي عارفة دا كويس! جت قالتهالك من ورايا! وقدامي كانت تبان انها بساعدني! لية كل حاجة بقت عبارة عن كدبة!!

خدتها ف حضني..

تالا : لية اعيش وجع وكل يوم بقرب من البعد عنك اكتر بسبب كدبة؟! هي ما قدرتنيش لية؟! ما صعبتش عليها وهي بتكدب عليا كدة؟!

انا : خلاص يا حبيبتي ما تزعليش نفسك.. والله اروح ادفنها ف ارضها وما اشوفش دمعة تنزل من عينك تاني.. تالا انا مش هستحمل اشوفك زعلانة تاني دا بيخليني اتقطع! ما تعيطيش بقا.. خدي كُم البيجامة امسحي فيه قرفك

ضربتني على دراعي 😂😂💔 حطيت راسها على كتفي وطبطبت عليها..

تالا : هو عادي كدة ممكن تدمر حياة صاحبك لاي سبب من الاسباب؟!

انا : الواضح قدامي انك اختارتي الصاحبة الغلط.. يعني زياد ما وقعش ف الغلط دا لوحده.. لا دا امه هي كمان اختارت صاحبة غلط 😂💔 يعني من الاول ما كانش ينفع انتي ولين تبقوا صحاب..

تالا : دا رأيك؟!

هزيت راسي بمعنى اه..

تالا : اوكيه خليه لنفسك