٤٨ يوم '٢'

- ٢٦ -

#تالا

انا : عايزة اتكلم معاه..

كلهم سكتوا وبصوا لشريف.. دينا طبطبت على ضهره وشاورتله براسها انه يقوم.. بصلي بعدين بص ف الارض وقام.. دخلنا الاوضة..

شريف : اتفضلي..

انا : مش عارفة ابدأ ازاي.. بس.. بابا وماما كانوا اه تجار مخدرات اه دي حقيقة.. وانهم ماتوا مقتولين ايوة صح احنا عرفنا دا.. لكن انا ما اتجوزتش قبلك!! والله يا شريف ما حصل!!

شريف : هتنكري تاني!!

انا : يا شريف والله صدقني!!

طلع تليفونه

شريف : طيب تفسري الكلام دا كله ب اية؟! ها!

قريت الرسايل..

انا : لا لا يا شريف مستحيل تصدق عني كدة!! انا مش مصدقة ازاي انت تصدق حاجة زي كدة بجد!!

شريف : كل اللي بعتهولي كان صح!! لحد ما اتأكدت من اخر رسالة وشوفتك واقفة مع واحد قدام البيت!! كله صح مفيش حاجة غلط!!

انا : شريف اسمع.. اللي كنت واقفة معاه دا.. دا كان يعتبر شريك بابا ف تجارة الزفت المخدرات! وكان بيحبني وكنا هنتجوز فعلا!! لكن انا كنت بحاول ب كل الطرق ابعد عنه وكلهم كانوا بيغصبوني على الجواز منه.. لدرجة اني حاولت اقتله مرتين! مرة خنقته وشافوني بعدين لحقوه والمرة التانية كنت هقطعه حتت بالسكينة شايف يا شريف كانوا موصليني ل اية.. هددتهم ف المرة اللي بعدها اني فعلا هقتله! ولو اتجوزنا هدوقه السم كل يوم! واقطع صابع من صوابعه العشرة كل يوم وهو نايم!! بعدين اقتنعوا خلاص اني مش هتجوزه.. فضل يضايقني فترة.. ولما جه.. استعطفني ب كلمتين.. وقالي ان حصله كذا حاجة كان هيموت فيها فعلا ودخل السجن وكدة.. وهو صعب عليا.. بس والله مش انا اللي مسكت ايده هو اللي مسك ايدي.. وقالي كمان ان حد ساعده يوصلي.. وانا حاسة ان حد قاله على مكاني وقاله روح ضايقها.. ماجد لو كان عايز يضايقني كان ضايقني من زمان..

شريف : ... ي- يعني اية.. انا وانتي علاقتنا متدهورة من سنين كدة بسبب كدبة! والكدبة مش مني ولا منك!

انا : هو دا اللي حصل 😢

فضل باصصلي..

شريف : احنا ضيعنا سنين من عمرنا واحنا بعاد عن بعض يا تالا!

حضنته وحطيت ايدي على راسه من ورا

انا : مش هاممني المهم انك معايا دلوقتي.. مفيش حاجة هتفرق بينا تاتي يا شريف 😢

شريف : طلعت انا السبب!! انا السبب ف كل دا!! جوري وزياد ومالك!! ندى وعمرو!! انتي وانا!! انا السبب!

انا : خلاص يا شريف.. خلاص! جوري وزياد حلينا مشاكلهم ومالك مش بيكرهك يا حبيبي انا متأكدة.. وانت وعمرو خلاص اتصالحتوا! انا وانت اهو فهمنا بعض كل حاجة..