٤٨ يوم '٢'

- ١٢ -

#شريف

*بعد مرور كام سنة الى ان اصبح سن زياد ١٦ وجوري ١٤ ومالك ١١*

حياتي بقت روتينية جدا .. حسيت فعلا ان اي جوازة بتوصل لنقطة وتمشي عليها فترة معينة ف الاول ما كنتش بصدق لما واحد متجوز يقولي كدة ان الحياة مللة بعد الجواز وكنت بشوف انه مزودها لكن طلعت انا اللي مزودها ف الغباء وعدم فهم اي حاجة ف الولا حاجة 😂💔

الشركة اللي كنت ببنيها كملت بناها كبرتها وخليتها احسن من اللي كنت بشتغل فيها اللي انا دلوقتي يعتبر مش بروحها كتير بس طبعا مهتم بيها لانها هي اللي عملتني يعني بقيت مشغول ف الشغل 😂😂💔 بس 😂

ولادي تقريبا ما بشوفهمش ولا هما ولا امهم.. ساعات تالا بتنزل تشوف محلها 😌😂 برجع متأخر يا اما من الشغل يا اما من السهر مع صحابي.. ولحد دلوقتي تالا ما تعرفش اني عارف انها كانت متجوزة ما فتحتش الموضوع معاها وحاولت اتصرف طول الفترة الي فاتت اني عادي ومفيش تغير لكن هي كانت بتلاحظ..

والنهاردة لسة هبدأ يومي..

انا : عايزين حاجة من برا؟!

تالا : شكرا

انا : سلام

تالا : مع السلامة..

نزلت بخطوات سريعة على السلم وركبت العربية وروحت على الشغل

___________

#تالا

انا : زياد!! قوم يا ابني مش هتروح المدرسة!!

زياد : مدرسة اية بس يا ماما خليني اكمل نوم

انا : يا حبيبي قوم لازم ترووح!!

زياد : يا ماما مش راااايح!! محدش من صحابي بيروح الزفتة دي!!

انا : وانت هتبقا زي صحابك ولا اية؟!

زياد : يوووه بقا!! طب نبقا نتكلم اما اصحى

انا : لا اصحى دلوقتي!!

زياد : يا ماما سبيني ف حالي بقا!!

انا : اسيبك ف حالك؟! ماشي يا زياد..

طلعت برا اوضته دخلت عند جوري

انا : انتي يا ست هانم انا مش قولتلك تسيبي الزفت اللي ف ايدك دا!!

جوري : حاضر

انا : حاضري يعني تسيبيه وتبصيلي!!

حطت التليفون جمبها جامد..

جوري : اهو يا ماما ☺

انا : ... اتفضلي شوفي الي وراكي انتي مش صاحية بدري عشان تذاكري؟!

جوري : ايوة

انا : فين بقا؟!

قامت قعدت على المكتب ومسكت كتاب