٤٨ يوم '٢'

- ٢٢ -

#عمرو

ندى : ما فاتحنيش ف الموضوع تاني ف ما قولتش

انا : لسة مبسوطة معاه يا ندى

ندى : مش عارفة.. ف الاول خالص كنت بحس احساس غريب وانا معاه.. بقول لنفسي ما تتعلقيش بيه وفجأة! الاقيني بجري عليه زي الهبلة.. بحس ف كلامه بالراحة والامان كدة.. انت عارف.. ساعات بيبقا نفسي اسجل نبرة صوته واعملها رنة موبايلي.. اول ما بيمشي ببقا عايزة اجري وراه 😂💔 مش عايزاه يمشي 😂✋ دلوقتي بقيت عادي.. اه لسة بحبه ولسة بحس اني مرتاحة معاه بس مش زي الاول.. وحاسة اني مش هستحمل بعده عني.. بص انا مش عارفة اذا كنت عايزاه ولا لا.. يعني لو مكتوبلي افضل معاه راضية ولو مكتوبلي اسيبه بردو راضية.. اهم حاجة عندي هي رضاه هو..

انا : غريب.. بس طالما وصلتي لاحساس اللي هو عادي، احسنلك ما تكمليش معاه..

ندى : حاسة اني مش مستعدة ل دا!

انا : خلاص، خليكي زي ما انتي..

____________

#شريف

دينا : طب طالما هي مش عايزة تسيبك سيبها انت!

انا : اكسر قلبها يعني! بعدين انا ساعات بحس انها فاهماني مش ف كل الاوقات بس احيانا يعني 😂 دا اللي انا عايزه يعني قبل كدة كانت تالا هي اللي بتسمعني بس بعد اللي حصل ما بقتش عايز اشوفها ف بقيت محتاج حد تاني يسمعني.. وندى عملت دا..

دينا : هو انت بتحبها يعني؟!

انا : لا

دينا : يخربيتك!!

انا : ما عرفتش!! ما قدرتش احبها! اعمل اية.. حاولت كتير اني ابصلها وكأني بحبها مش قادر! 😅 قولت مع الوقت هحبها لكن مفيش 😃💔

دينا : عشان تعرف! انا قولتلك قبل كدة! والله يا بخت تالا بيك

انا : هأ؟! لية بقا 😏

دينا : في راجل ف العالم كله يبعد عن مراته الفترة دي كلها ولسة مش عارف يحب غيرها!

انا : انا ما بقتش احبها

دينا : طب عينك ف عيني كدة 😒😂

بصيتلها ثانيتين بالظبط بعدين ضحكت 😂💔

انا : خلاااص 😂💔 كل مرة نعمل كدة وما اعرفش امنع نفسي من ضحك 😂💔

دينا : معنى كدة انك كدبت اما قولت انك ما بتحبش تالا 😂✋

انا : هي عِشرة عمر يعني وام ولادي.. ف اكيد مش هكرهها.. مهما حصل يعني

دينا : وحبك ليها ثابت وما قلش يا شريف! ما تكابرش! انت ما عرفتش تحب ف حياتك غيرها!! وهي كمان ما حبتش غيرك!

انا : لا حبت غيري!!

دينا : خلينا فيك انت دلوقتي! اعترف وقولي انك بتحب تالا