٤٨ يوم '٢'

- ١٣ -

#شريف

انا : انتي عايزة اية يعني؟!

قولتها ب استهتار..

تالا : احنا لازم ننفصل!! لازم نبعد عن بعض فترة انا مش قادرة استحمل يا شريف تعبت.. عايزة اخد راحة من اللي انا عايشاه واتعودت عليه وزهقت منه!! بقيت قاعدة ف وش العيال وف قرفهم مزاكرة وخناق وزعيق وزفت انا تعبت!! ما بسمعش حتى من واحد فيهم كلمة شكرا يا ماما الاكل طعمه حلو!! اقولك حتى انا مش عايزة دا بس عايزاهم يسمعوا كلامي عشان احس اني مرتاحة بس هما ما بيسمعوش الكلام وبردو بينفذوا اللي ف دماغهم وانت بعدت عنهم نهائي وانا بقيت المسئولة الوحيدة عنهم ومش قادرة اسيطر!! انت حاططني تحت ضغط عصبي كبير وانت مش واخد بالك!! انا مفيش يوم ما بنامش فيه معيطة بسببك وبسبب الهم اللي رميته عليا لوحدي!! انا تعبت من طريقة معاملتك ليا!! بحس اني خيال مجرد هوا واقف قدامك!! واما اقارن بين الحاضر والماضي بستغرب!! مش معقول تكون نفس الشخص!! بردوك صعب اتحمله خلاص تعبت تعبت

قعدت على الكرسي ومسكت راسها وعيطت

انا : انا كمان تعبت

بصتلي جامد وقامت وقفت قدامي

تالا : تعبت؟! تعبت من اية؟!

انا : منك.. *اتنهدت* انا موافق اننا ننفصل

____________

#ندى

انا : اهو!! لسة ما جاش يبقا مات الحمد لله!!

عمرو : هشش عيب!! شوفيه كدة يا ام ندى

ماما : اشوف اية هو اللي المفروض يتصل!!

عمرو : اه صح لامؤاخذة..

انا : طب ما ممكن نتصل بيه نقوله انت اتأخرت والبت عندها شغل الصبح وبتنام بدري عشان ما يتخصمش منها لانها بتجري على يتاما يا عيني 😭😭

ماما : بس يا بت اختشي!! اهو بيتصل.. الو سلام عليكم.. خير يا ابني.. اااه لا مفيش مشكلة مفيش مشكلة.. طيب مستنينك بكرة.. مع السلامة

انا : جااايييي بكككررررة لييييييييية لييييية لييية يا عمرو رد قولي لييييية 😭😭😭

عمرو : عشان يخطبك يا بنت الهبلة!! لامؤاخذة يا هبلة!! سيبي القميص يا ندى!! يا ندى سيبي وربنا العريس ما جاي من طرفي!!

انا : انت السبب انت السبااااااب 😭💔

ماما : انتي يا قرف انتي اقعدي ساكتة لا اقوم اطلع عينك!! اقسم بالله لو حصلت اي حركة منك ما عجبتنيش بكرة مش هتشوفي خييير!!

مروة : استغفر الله العظيم على ام الزيطة اللي بتعمليهالنا كل مرة!! ما تشوفي خلقته بعدين ابقي عيطي

عمرو : انتي مية مية يا مروة خشي اتخمدي تاني يلا ولا لمي شعرك ولا اي حاجة اعدلي منظرك يعني..