٤٨ يوم '٢'

- ١٩ -

#شريف

انا : اية اللي انتي عملتيه دا!! انتي مجنونة!!

ندى : والله يا شريف كانت هتموتني!

انا : تقومي تموتيها انتي!! تالا! فتحي عيونك!! حرام عليكي دي لسة تعبانة من امبارح!! هاتي اي حاجة افوقها بيها هاتي اي حاااجة!!

مسكت راسها وشيلت شعرها من على وشها.. حسيت ب حاجة

انا : دم! دم يا نهار اسود ددمم!!

حطيت ايدي على راسها..

ندى : والله العظيم هي كانت بتخنقني كنت هموت!! عايزني اعمل اية!!

شيلت تالا بسرعة ونزلت ركبتها العربية وسوقت على المستشفى.. وانا سايق كنت كل شوية ابص عليها.. احط ايدي على راسها احوش شوية من الدم..

~~

انا : ها يا دكتور طمني!

الدكتور : دماغها بس اتفتحت.. بسيطة يعني خمس غرز بس

انا : هي كويسة يعني؟!

الدكتور : ايوة ايوة ممكن تدخل تشوفها..

انا : تمام شكرا..

قبل ما ادخل وقفت لحظة افكر.. طب هو اية اللي جاب تالا عند ندى؟! 😑 ما هو اكيد تالا عملت حاجة لندى ودا كان رد فعل ندى!! 😏

انا : يا ربيي هتعقلي امتا يا تالا!

فتحت الباب بالراحة جدا ودخلت راسي اشوف نظامها اية.. لقيتها قاعدة على السرير وعينيها حمرا.. اول ما شافتني نطت من ع السرير.. قمت انا اتديرت وقفلت الباب 😮💔

لقيت الباب بيتفتح وهي بتشدني جوا ☺💔 مسكتني من ياقة القميص..

تالا : انت جاي هنا تعمل اية!!! ليك عين اصلا تقف قدامي!!

انا : انتي اللي شدتيني!!

زقتني بعيد عنها

تالا : بردو جاي لية!!

انا : عشان انا الوحيد اللي هيلحقك

تالا : لية ان شاء الله ما انا هلحق نفسي!!

انا : هتلحقي نفسك ازاي يعني وانتي اغمى عليكي من خبطة!!

تالا : مالكش دعوة بيا وخلاص!!

انا : انتي مالكيش حد غيري اصلا

سكتت وبصتلي

تالا : ليا ربنا، احسن من الكل! مش عايزة منك حاجة!!

انا : طيب تعرفي تهدي شوية بقا!

تالا : انت مالك انت!!

انا : يعني اية انت مالك! ما انتي هتتجنني عليا.. اية اللي وداكي لندى اصلا؟!

بصتلي وضيقت عينيها

تالا : ما تتكلمش عنها قدامي والا قسما بالله لتكون مقتولة الصبببببح!!!!