٤٨ يوم '٢'

- ٥ -

#تالا

صحيت من النوم على صوت منبه شريف .. هو كان نايم .. دعكت عيني ..

انا : شريف .. اصحى ..

لقيته صحي على طول ف ضحكت 😂💔

انا : غريبة يعني ما سمعتش المنبه 😂💔 لا وكمان صحيت من اول نداء 😂😂💔

شريف : *حط ايده على عينه* ما عرفتش انام اصلا

قام بسرعة ودخل الحمام .. قمت صحيت الولاد

انا : يا زيزو يا موكي 😂❤ اصحوا يا شباب النيل يلا يلا 👏😂

مالك : ماما انا مش هروح النهاردة بقا كدة كتير .. انا روحت يومين

انا : وهو كدة كتير ؟! انت لسة قدامك يجي ١٨ سنة تعليم 😂👊

مالك : ها 😦😦 لا لا كدة كفاية 😭💔

انا : يلا يا حبيبي عشان تبقا ظابط كبير اد الدنيا 😂💔

مالك : لا الظباط بيشتغلوا كتير وانا بحب انام

انا : مالك يا حبيبي محدش بيرتاح ف الدنيا دي الا لما يموت .. كلنا اتخلقنا عشان نشتغل ونعيش ونعبد ربنا وربنا ما بيحبش الكسول .. قوم يلا يا حبيبي ❤

قام براحة وقعد جمبي 💕

مالك : زياد يلا اصحى عشان ربنا يحبك 😄

بصيتله وضحكت 😂❤❤

انا : يلا يا زيزو 😂❤

قام قعد ع السرير شوية ونام تاني 😂💔💔

انا : انت ملبوس ياض 😂👊 قوم يلا 😂👊

___________

#شريف

وقفت قدام المراية باصص لنفسي وبفكر ..

" قررت اخرج عن صمتي دا واقولك كل حاجة .. بالتدريج "

لا لا ما هو مش كل حاجة هتتقال عنها اصدقها .. بس ف معظم الاحيان .. بتطلع صح .. بس هي مخبية اية عني ؟! انا لية ما سألتهتش قبل كدة عن اي حاجة تخصها ف الماضي !! انا خايف تكون حاجة انا مش حاببها خايف يكون سر كبير .. ويا ترى مين اللي باعت الرسالة ؟! معقول يكون حد له علاقة بيها او كان له علاقة بيها ؟! راجل ولا ست طيب !!

غسلت وشي بالمايه بسرعة وطلعت .. لبست على طول .. وصليت

تالا : شريييف الفطار يا حبيبي

انا : ماشي كلي انتي والولاد يا تالا انا جاي اهو ..

فتحت الموبايل لقيت في رسالة كمان من رقم مختلف ..

" انا عارف طبعا ان بالك مشغول جدا دلوقتي .. بس للاسف .. انت زي ما بيقولوا كدة اتغفلت يا شريف 😟💔 اي راجل بيكره الاحساس دا .. انا متأكد انك ف قمة عصبيتك دلوقتي .. استنى بالليل اول سر من اسرار تالا .. "