٤٨ يوم '٢'

- ١٨ -

#تالا

انا : مبروك! حصل امتا دا؟! استنى هخمن.. دا حصل امبارح! ههههههه اه امبارح 😂💔 الف مبروك..

ندى سحبت ايديها من ايده.. بصيت لشريف وضحكت بالراحة..

مشيت من قدامه حاسة اني ممكن اقع ف اي لحظة ممكن روحي تطلع بعد ثواني.. حاسة اني شوفت حلم.. لا دا مش حلم.. دا كابوس.. انا عملت اية لكل دا!! انا ما استاهلش وجع القلب دا يا شريف!! انا عمري ما كنت اتخيل ان دا يحصل ف يوم من الايام! فضلت تطمني وتقولي مفيش حاجة هتفرق بينا وندى مجرد موظفة عندي! وندى لعبت عليك وهتتجوزها؟! ااااه يا شريف 💔💔

~~

روحت البيت ما اعرفش ازاي سندت على الباب وخبطت عشان حد يفتحلي..

جوري : ماما طنط لين عند-- ماما!!! طنط لين الحقيني!!!

___________

#لين

انا : في اية يا جوري! تالا!!! اسنديها معايا بسرعة!!

مالك : ماما! 😨

انا : هات تليفوني يا مالك بسرعة!!

سندنا تالا لحد ما دخلناها على السرير..

انا : تالا 😟 فتحي عيونك!!

اتصلت ب دكتور انا عرفاه يعني واديتله العنوان عشان يجي..

حاولت ب شتى الطرق افوق فيها لحد ما الدكتور يجي.. ولما جه.. وكشف عليها

الدكتور : ضغطها واطي جدا محتاجة راحة تامة

انا : طب انا مش عارفة اعملها اية! انا قلقانة!

الدكتور : لا لا مفيش داعي للقلق.. انا اديتها دوا مهدئ وهكتبلها دوا كمان وكله هيبقا تمام ما تقلقيش.. بس الادوية كلها بتخليها تهدى كدة وتنام يعني ما تخافوش وركبتلها محلول لما يخلص حطي غيره..

انا : ماشي شكرا يا دكتور..

~~

تالا فتحت عينيها بالراحة

انا : تالا انتي كويسة!!

جوري : ماما انا قلقانة عليكي اوي!! 💔

مالك : اتكلمي يا ماما 😥

تالا : انا مخنوقة..

انا : جوري، مالك حبايبي ممكن تطلعوا برا..

بصولي وهما قلقانين

انا : هتكلم بس مع ماما شوية..

طلعوا وهما باصين على تالا وهي عمالة تعيط..

انا : في اية يا تالا خضتينا عليكي!

تالا : شريف هيتجوز ندى يا لين 💔

____________

#شريف

ندى : انت متضايق انها شافتنا سوا يعني؟!