٤٨ يوم '٢'

- ٦ -

#شريف

تالا : انت بتقول اية ؟!

انا : زي ما سمعتي ..

تالا : مش فاهمة ؟! يعني اية مقتولين ؟! بابا وماما ماتوا ف حادثة !! مقتولين ازاي ؟؟!

انا : دا اللي انا عايز افهمه منك ..

تالا : انت عرفت منين اساسا ؟! مين قالك كدة ؟!!

انا : عرفت صدفة ..

تالا : انت كداب !! انت بتقول كدة عشان تستفزني واقولك عالحقيقة !!

سابتني ودخلت الاوضة ..

انا : حقيقة اية انا ما بقتش فاهم حاجة ؟!

دخلت وراها ..

انا : حقيقة اية يا تالا ؟!

تالا : حقيقة اية ؟! .. مفيش حقايق كل اللي اعرفه عن اهلي انت عارفه

انا : اومال اية اللي قولتيه من شوية دا ؟!

تالا : ماعرفش .. كل اللي اعرفه دلوقتي انك كداب !! بتقول اي حاجة !! واي حاجة بتتقال عليا بتصدقها !!

سكت وطلعت برا .. مسكت التليفون واتصلت بعمرو ..

انا : عمرو .. عايزك ف خدمة ..

__________

#تالا

كنت ف الاوضة بعيط جامد .. ازاي مقتولين ؟! شريف بيكدب طيب ؟! بس هو عمره ما كدب عليا .. واي صدفة تعرفه بموضوع خطير زي دا !! جدو قالي انهم ماتوا ف حادثة وشريف قال مقتولين .. يبقا مين الكداب دلوقتي ؟!

نمت من كتر العياط .. وتاني يوم صحيت لقيت شريف مش موجود .. والولاد خلاص مش بيروحوا المدرسة .. امتحانتهم قربت ..

عايزة اي حد اتكلم معاه .. اتصلت ب سلمى ولين وفرح خليتهم يجوا عشان كنت فعلا هطق ..

____________

#شريف

كنت ف المكتب وعمرو دخل ..

انا : ها عرفت حاجة ؟!

عمرو : ايوة .. قالي انهم ماتوا ف نفس اليوم وسبب الوفاة .. قتل ..

غمضت عيني ..

انا : طب اية سبب قتلهم ؟! اللي قتلهم كان عايز يستفيد اية ؟! واية علاقة تالا بموضوع القتل دا ؟! اية ذنبها ف قتل ابوها وامها ؟!

عمرو : مافكرتش مثلا ان تالا تكون هي الضحية ؟!

انا : تالا هي الضحية ؟! ازاي ؟!

عمرو : يعني تالا السبب ف قتلهم او القاتل عايز يحرمها من ابوها وامها او القاتل كان عايز حاجة من تالا .. او عايزها هي شخصيا ..

انا : تالا كانت صغيرة اصلا ف الوقت دا !!

عمرو : بس كبرت

انا : يعني ؟!