٤٨ يوم '٢'

- ٢٣ -

#تالا

انا : مالك نام؟!

جوري : اه يا ماما.. انا كمان هدخل انام..

انا : ... طيب يا جوري

جوري : مالك يا ماما؟!

انا : زياد لسة ما جاش وما بيردش على تليفونه..

جوري : ما تقلقيش يا ماما زمانه جاي

انا : اتأخر اوي!

جوري : ما هو كل يوم بيتأخر كدة.. ادخلي نامي انتي كمان يلا

انا : لا لا انا مش بنام غير ما يجي.. ادخلي نامي انتي يلا وانا هتصل ب ابوكي يشوفه كدة

جوري : بابا؟ 😏 ماشي

مسكت التليفون واتصلت ب شريف..

___________

#شريف

ندى : ييييه اللعبة دي رخمة والله انتي منزلها لية؟! انا كل ما العبها اخسر اية القرف دا

انا : 😂😂 والله دي سهلة انا بحبها جدا.. لو ما كنتش سايق كنت وريتك بكسب ازاي 😂✋

ندى : طيب الدور دا هكسبه ان شاء الله هكس-- تالا 😑

انا : اية تالا مالها!!

ندى : بتتصل، امسك! مش هعرف اكسب ف اللعبة دي خالص!

انا : ايوة؟!

تالا : كلمت زياد يا شريف؟!

انا : لا ما ردش عليا بس انا كلمته بدري يعني.. هو فين؟!

تالا : لسة ما جاش 😓 انا قلقانة اوي

انا : ما تقلقيش هتصل بيه كدة اشوفه فين..

تالا : ما هو ما بيردش عليا!!

انا : طيب بس اهدي يمكن يرد عليا.. اقفلي دلوقتي..

خدت نفسي وركنت قدام بيت ندى.. طلعت رقم زياد واتصلت

ندى : في اية يا شريف

انا : زياد ما روحش لسة.. وما بيردش كمان!!

فضلت اتصل كتير وبردو ما بيردش..

انا : انزلي يا ندى!

ندى : انت هتروح فين طيب؟!

انا : هدور عليه بقا ف الاقسام، ف المستشفيات

ندى : هاجي معاك

انا : الوقت اتأخر يا ندى!!

ندى : هاجي بردو!! هتصل ب ماما اقولها! وبعدين هقلق عليك وانت بالمنظر دا! مش هسيبك لوحدك

بصيتلها وسكت بعدين سوقت

انا : خدى.. افضلي اتصلي بيه

دورت الاول ف المستشفيات القريبة يعني.. روحت كذا مستشفى ومفيش حاجة..